[قلب للبيع]

هلا اختي...

اول شي.. الذكر حاولي تيودينه بيدج علشان يتعود عليج

بس لازم في البداية يشم ريحة يدج علشان يتعرف عليج. فقومي واكليه حب شمسي بيدج بس لا يعض صبعج..

واذا اكلها حاول تمسحين عليه شوي شوي .. وعقب شيليه

والنثية مثل الشي بعد

بس يمكن في البداية بيعضج . لكن العضة مابتعورج لان الهمستر يبي يذوق طعم الجلد علشان يتعرف عليج

وثاني شي عن الماي.. تحملي تبللينهم بقطرة ماي.. لا تسبحينهم بالماي لان الهمستر مو زين له الماي

فبيموت اذا سبحتيه.. وعموماً الهمسترات تفرز مواد دهنية تنظف روحها بروحها مثل ما قالت الاخت فطووم حطي لهم صحن فيه تراب.. وهم راح ينظفون روحهم

واما عن الريحة ... فلازم تبدلين لهم نشارة الخشب لان هذي من البول والبراز.. من جذي طلعت لهم ريحه خايسة

ويفضل نشارة خشب خشنه ... احسن من الناعمة بوااايد لتمتص الروايح الكريهه..

وبدلي النشارة بسن فترة وفترة .. يعني بين 4 الى 5 ايام ..




تحياتي..... ويتربى بعزج حبوبة