منتديات تو زوو - لقيت قطو يتيم عمره 3 اسابيع تقريبا.. تكفون ساعدوني.. مسألة حياة او موووت:(

الصفحة 1 من 3

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - لقيت قطو يتيم عمره 3 اسابيع تقريبا.. تكفون ساعدوني.. مسألة حياة او موووت:( (http://www.2zoo.com/vb/showthread.php?t=46252)

شوك الزهر

09-12-2007 12:03 AM

لقيت قطو يتيم عمره 3 اسابيع تقريبا.. تكفون ساعدوني.. مسألة حياة او موووت:(

السلام عليكم..

من قبل ثلاث ايام لقيت قطو ذكر يتيم وقررت اعتني فيه .. سبحته وشربته حليب بقر .. وكان تمام نوعا ما ..

عمره حوالي 3 اسابيع (مبطل اذونه وعيونه ويمشي برجفة وعنده بدايات اسنان يعني يدووووب اسنان توهم ماطلعوا)

بعدين تشيكت بالنت وقريت ان مايصير تعطين القطط الرضيعة حليب بقر لأن فيه كمية عالية من اللاكتوز .. وخذيت وصفة من هني عبارة عن صفار بيض وشوية ملح وحليب وزيت ذرة .. وسويتها وعطيته منها ..

من باجر صار يأن أنين مؤلم جداااااا .. وصار يتبز ويتألم أثناء التبرز .. وشكله يكسر الخاطر :(

والحين رديت اعطيه حليب بقر قليل الدسم .. وبعد يتبرز لكن براز لين طبيعي شكله على ماعتقد..

المشكلة ماني عارفة هل اكمل على حليب البقر ؟؟ وليش يأن باستمرار ومايعجبه شي :confused:

الشي الثاني :: شكثر اعطيه ماي ؟؟ وشكثر كمية الحليب؟؟ .. انا اعطيه بشي تقريبا يشبه قطارة العيون..

الشي الثالث :: متى اعطيه أكل طري ؟؟ خصوصا وانه تقريبا ماعنده اسنان ولا اعتقد يعرف ياكل من صحن .. وهل ويسكاس ينفع اخلطه مع شوي حليب ؟؟ لكن شلون راح اقدر أأكله ؟؟

بليييييييز ساعدوني والله حيراااانة .. اول مرة اعتني بقط صغييييير .. حالتي حالة كله مقابلته :(:(

بليز لا تقولون وديه طبيب بيطري لأن لااايمكن اقدر اوديه ابدااا ابداااا .. :(
وماقدر اوفر حليب خاص للقطط

بسررررررعة بليييييييز
:confused::confused::confused:

بانتظاركم.........

Withered Rose

09-12-2007 12:17 AM

رد: لقيت قطو يتيم عمره 3 اسابيع تقريبا.. تكفون ساعدوني.. مسألة حياة او موووت:(

هلا " شوك الزهر " .. حياج الله بتوزوو انشالله تقضين وقت حلو معانا ..
ان شاء الله يكون هالعمل بميزان أعمالج .. :)

الوصفه فيها اخطاء هذه الاشياء ما يتقبلونها القطط حتى الكبار منهم فشلون لو صغير :(
الحين ممكن تعطينه الحليب الطازج خالي الدسم فهو أفضل الحلول ..

اقتباس:

شكثر اعطيه ماي ؟؟ وشكثر كمية الحليب؟؟

الماي ياخذه دائماً من الحليب الا اذا كان ياكل اللحوم .. و الحليب تعطينه على حسب احتياجه (من 5 إلى 10 مرات يومياً اذا تقدرين) ..

اقتباس:

وهل ويسكاس ينفع اخلطه مع شوي حليب ؟؟ لكن شلون راح اقدر أأكله ؟؟

اي عادي بس لا تخلطينهم الاكل بروح و الحليب بروح و أعتقد راح ياكله بروحه اذا مبطل عيونه :)

و الحين أعتقد يبتدي ياكل .. فيه بالجمعيات وجبات بالأكياس للقطط الصغيرة راح تكون وجبات مفيده له ..

و تربيه موفقه و طمنينا على القطو الصغير :)

شوك الزهر

09-12-2007 12:26 AM

رد: لقيت قطو يتيم عمره 3 اسابيع تقريبا.. تكفون ساعدوني.. مسألة حياة او موووت:(

تسلم ايدينج حبيبتي على الرد السريع ..

يعني اعطيه ويسكاس واهو ماعنده ضروس عادي صح ؟؟

ياليت تفيدوني شنو اقدر اسوي لما يأن الأنين اللي يشلع القلب :((

؟؟؟

شوك الزهر

09-12-2007 09:03 AM

رد: لقيت قطو يتيم عمره 3 اسابيع تقريبا.. تكفون ساعدوني.. مسألة حياة او موووت:(

وشغلة بعد نسيت اقولها .......

اول ماخذيته كان لما عزكم الله يبول .. يبول نقطة نقطة كل دقيقة .. لكن الحين يبول متواصل عقب الوجبة بمدة حوالي السبع دقايق .. هل هذا يعني اني اعلمه على البول بالترااااب؟؟؟

حسن أحمد

09-12-2007 09:58 AM

رد: لقيت قطو يتيم عمره 3 اسابيع تقريبا.. تكفون ساعدوني.. مسألة حياة او موووت:(

السلام عليكم ورحمة اللة وبركاتة شوك الزهر اعطية حليب السعودية كل ساعتين اربع قطرات او خمسة عن طريق الفم الحين القطوة صغيرة جدأ علي الاكل لكن بمكانك تجربي اشتري دجاج وقطعي قطع صغار جدا اذا اكل كان بها واذا ما اكل خلاص امشي علي الحليب وحطي في مكان دافي جدا خصوصاانو الجو بارد الحين اهم شي عشان يعيش المكان الدافي والحليب وانشاء اللة بيكون بخير اخوكم

أسير الدمعة

09-12-2007 10:47 AM

رد: لقيت قطو يتيم عمره 3 اسابيع تقريبا.. تكفون ساعدوني.. مسألة حياة او موووت:(

افظل حل تشوف لك قطه مرضع...
وتحطه مع الصغار يرضع:)
وعادة القطط تتبنى الصغار وحنونه معهم
خاصة القطط الفارسية
والله يكون بعونك.

شوك الزهر

09-12-2007 11:12 AM

رد: لقيت قطو يتيم عمره 3 اسابيع تقريبا.. تكفون ساعدوني.. مسألة حياة او موووت:(

اقتباس:

المشاركة الأصلية كتبت بواسطة حسن أحمد (المشاركة 440404)

مشكووور اخوي عالاهتمام .. انا حاطته بغرفتي يعني بمكان دافي ان شاء الله..

اقتباس:

المشاركة الأصلية كتبت بواسطة أسير الدمعة (المشاركة 440417)

وين بالله القى قط مرضع .. ادور بالشوارع لووووووووووول :D
ماعرف احد عنده قطاوة ابدااا ابدااااااا
واهو قط شوارع لكن بعيوني احلىىى قطو بالدنيا :rolleyes:
يسلمو عالمرور ......

لميـــــــــــــا

09-12-2007 11:46 AM

رد: لقيت قطو يتيم عمره 3 اسابيع تقريبا.. تكفون ساعدوني.. مسألة حياة او موووت:(

لاتعطينوو
حليب قليل دسم

لالالا

بس خااااااااااااااااااااااااااااااااااااالييييييييييي

انتبهي حبيبتي

يلا باي

lailak222

09-12-2007 11:59 AM

رد: لقيت قطو يتيم عمره 3 اسابيع تقريبا.. تكفون ساعدوني.. مسألة حياة او موووت:(

عليكم السلام شوك الزهر

انا ربيت قطاوة شوارع من كثرهم ماعرف عددهم والله وتراهم اذكا من الشيرازيين والهولنديين والامريكيين لاني ربيت تقريبا كل الانواع بس بقى السيامي

الحين تقدرين تعطينه زبادي بياكل بروحه عادي واي نوع حليب هم عادي ومايأثر

وترى بتحسين بفرق بين تربيته وبين تربية اي قطو اصيل واهو بيكون المفضل لانهم يلعبون اكثر ومرحين ويخلونج تموتين من الضحك على حركاتهم

بالتوفيق ان شاءالله ويتربى في عزج :)

شوك الزهر

09-12-2007 04:17 PM

رد: لقيت قطو يتيم عمره 3 اسابيع تقريبا.. تكفون ساعدوني.. مسألة حياة او موووت:(

اقتباس:

المشاركة الأصلية كتبت بواسطة لميـــــــــــــا (المشاركة 440428)

هلا والله اختي لميا ..

انا قريت بالمواقع الاجنبية نصهم يقولون هول ميلك .. يعني كامل الدسم ونصهم يقولون خالي الدسم فقلت اخذ حل وسط اللي هو قليل الدسم لووووووووووول والله هذا اللي صار:D

اقتباس:

المشاركة الأصلية كتبت بواسطة lailak222 (المشاركة 440434)

اي مرحين اي بطيييييخ والله لو تشوفوني انا اللي بتموتون ضحك علي لوووووول
والله يبكي باستمرار لاااازم اشيله بحضني ولاااازم اخليه يمص صبعي لوووووووولز اول الايام اخليه عادي ماكو مشكلة لكن الحين طلعتله ضروس ويعور :(

بليز عندج اي فكرة شلون اقدر اسكته عن الصياح .. اوكله وانظفه وامسح عليه وهم يصايح .. لدرجة احيانا صوته يتغير مادري لأنه كبر يمكن يتغير صوته لوووووووووووووووول

انتظار مساعدتكم هئ هئ هئ

جميع الأوقات بتوقيت GMT +3. الساعة الآن 11:04 PM.

الصفحة 1 من 3

عرض 40 مشاركات من هذا الموضوع لكل صفحة