منتديات تو زوو - سؤال خاص في التغذية

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - سؤال خاص في التغذية (http://www.2zoo.com/vb/showthread.php?t=359175)

سؤال خاص في التغذية

السلام عليكم و رحمة الله
اخواني انا عندي مشكلة صايرة مع طائر ببغاء كاسكو افريقي
اشتريت هالطائر و انا بالعادة ما بربي يعني مابعرف فيهون
لما اشتريت الطائر .. طبعاً كان بالقفص في بزر دوار الشمس و الببغاء آكلهم و موجود بس قشور
حاولت اعطي الببغاء بزرة و ما ياكل من ايدي
من نصائح الناس كانت نوعله بالاكل و اطعمه بأيدي
فكنت اعطيه تفاح ياكل
اعطيه موز ياكل
اعطيه فستق ياكل
اعطيه بزر يكبها
بعدين يلي لاحظتو انو الببغاء ما عم ياكل بزر
يعني بتركلو المأكلية كاملة و بمشي على شغلي
برجع المسا بلاقي في قشور ل10 بزرات او 15 بزرة مو اكتر
صرت ما قدمله فواكه الصبح عشان يجوع و ياكل
بس نفس النتيجة
و المسا بيكون جوعان طبعاً .. بعطيه قطعة تفاح مثلا بياكلها بنهم شديد
و يلي بيشوف برازه بيقول عندي عصفور كنار بالقفص مو ببغاء
و حاسس فيه بلش ينحف
مع انو حركتو طبيعية و عم يحكي طبيعي و كتير ظريف
شو الحل عشان خليه ياكل البزر ؟
و شلون لازم قدمله الفواكه
و كيف طريقة الاطعام السليمة ؟
بانتظار آرائكم
اخوكم ابو عبدو

رد: سؤال خاص في التغذية

غريب كتير الا ازا في شي بالبزر ...البزر يلي بتعطيه ياه دوار شمس ؟ عم تشتريه غير مملح؟ بعرف كتير ناس اول مابتشتري الببغاء بتغلط وبتعطيه بزر مملح والبائع مابكون شرحلون منيح عن طبيعة اكل الببغاء

رد: سؤال خاص في التغذية

اخي الفاضل ابوعبدو
السلام عليكم ورحمة الله وبركاته
ومبروك عليك الكاسكو ويارب تتهني فيه
أنصحك بالتالي
يوم خضار مشكل عبارة عن بازيلا وجزر وذرة ( متوفر بالجمعيات ) تضعه فى ماء ساخن عشر دقائق وتغسله بماء وتعطيه
اليوم الثاني حب شمسي
اليوم الثالث فواكه مثلا وبعض الخضروات مثل القرع الهندي مفيد جدا في تنظيف المعده
اليوم الرابع مثلا باليتس مثل الزوبريم أو الرودي بوش وكلها منتجات ممتازة لو توفرت عندك
وهكذا التنوع فى أكل الببغاء مهم وخصوصا الكاسكو لتقوية مناعته
بالتوفيق