توني شاري كاسكو وابي اروضه
 

السلام عليكم

اخباركم ان شاءالله طيبين

امس شريت كاسكو عمره تقريبا سنة او سنتين كل مااقرب عنده يجعر بصوت عالي

وابي طريقة اروضه واخليه يطلع على اليد ويصير هادي

وبهالعمر اقدر اعلمه الكلام

رد: توني شاري كاسكو وابي اروضه
 

اخوي اخوي اول شئ خلي الطير يتعود عليك وعلى الاهل والبيت لا تبدا الترويض الا بعد اسبوعين او 3
لا تسويله اي شئ بس غير اكل وماي وامشي كانه ما عندك ببغاء
وانت الله يهديك استعجلت بشراء الطير لانه كبير ويبيله صبر
يتعود بس انت خليه يتعود عليك وعلى البيت بعدين ابدا بالترويض في للترويض كثيره طرق فاليوتيوب
واصبر عليه لان كل ما كبر الطير صعب ترويضه وكل ما صغر الطير كل ما سهل ترويضه
ومن ناحية الكلام راح يتكلم باذن الله

ومن ناحية الجغره اول شئ علمه الطلوع على اليد بعدين حطه فوق استاند في مكان ما تمر وتمشي وتجلس العائله مع الايام راح تروح منه باذن الله

تحياتي
ابو سدران

رد: توني شاري كاسكو وابي اروضه
 

[SIZE="5"]

السلام عليكم مبروك على الطير بس لو شريت واحد عمره اصغر عشان يكون التدريب و التعليم اسرع
حط القفص فيمكان عالي وفيه ناس عشان يتعود على اهل البيت حاول تمسح على راسه وتاكلو من يدك
فل بيدايه علمه كلامات سهله وقصيره زي ماما بابا الو مرحبا هلا
وهذا الرابط يعلمك طريقة وقوف البغبغاء على اليد http://www.youtube.com/watch?v=WIPQBefCzUQ

موفق:88::88::88::88::88::88::88::88::88::88::88::88::88:

رد: توني شاري كاسكو وابي اروضه
 

والله مالي زوود فوووووووووق كلام الاخوه

رد: توني شاري كاسكو وابي اروضه
 

ليلحين مالقيت الجواب المفيد

رد: توني شاري كاسكو وابي اروضه
 

اقرا كلامي مزبوط وركز فيه
واقرا كلام اخوي Xnx مزبوط وركز فيه
وراح تستفيد
تحياتي
ابو سدران

رد: توني شاري كاسكو وابي اروضه
 

ماشاء الله مبروك . وياليتك اخذت عمر اقل عشان يريحك بتدريبه . عموماً . اذا بتصبر اسبوعين كويس واذا مابتصبر امسكه ببطانيه ولحفه فيها راح تحصله يحب يتغطى ويتخبى فيها ويهدا بدرجة كبيره ويحس بالامان بالوقت هذا امسح ع راسه انت فقط استمر معه ساعتين . ومن بكرا كرر نفس الطريقه بس زود انك تمسح ع راسه وكل جسمه وان شاء الله تلاحظ تغير بسلوكه هذي الطريقه الي اعرفها ومجربها مع كاسكو . أتمنى تجيب نتيجه مع طيرك وبالتوفيق ..

رد: توني شاري كاسكو وابي اروضه
 

اول شيء مبروك الطير

اسمع وانا اخوك عطه فترة يتعود على البيت وقصقص جنحانه ثم طلعة من القفص وتدابج انت وياه حك راسه بالقوة ارفعه من رجولة لا يدري الا وهو على يدك حاول تلمسه واجد على راسة قرب له تفاحه خله يعضها بدال يدك طبعا بتجيك كم عظه بس حاول حاول لين الله يفرجها (استخدمتها مع
درة) اذا ما اعجبتك طريقتي في طرق واجد ف النت والمواقع واليوتيوب

رد: توني شاري كاسكو وابي اروضه
 

مشكورين يااخوان انا نفذت كلام اخواني

حطيته بالصالة بمكان عالي شوي مااقرب له الا وقت الاكل وتوني حطيت له الريوق واحس انه جعرته خفت ان شاءالله اسبوع وتختفي الجعرة