|
استفسار عن نوع افعى
السلام عليكم ورحمه الله وبركاته انا قبل امس شريت حيه لكن نسيت اسمها الي قاله عني الشخص الي شريته منها المهم اني دريت انها من نوع ( بايثون ) وبجط لكم صورها عشان تتعرفون عليها لاني ابي اعرف وش طبيعه بياتها لاني ابي احط لها مكان مشابه لبيئتها عشان ترتاح وابي اعرف عنها اكثر اخليكم مع الصور 1 [IMG]http://www.m5zn.com/uploads2/2011/11...hp9e0b6uk7.jpg[/IMG] 2 [IMG]http://www.m5zn.com/uploads2/2011/11...117wotqhgn.jpg[/IMG] 3 [IMG]http://www.m5zn.com/uploads2/2011/11...18f7bm3l7e.jpg[/IMG] |
رد: استفسار عن نوع افعى
اصله بورميه
|
رد: استفسار عن نوع افعى
يعني مو بايثون ؟
|
رد: استفسار عن نوع افعى
اقتباس:
اخوي ما يصير تشتري حيوان و انت ما تعرف عنه شيء !!! المهم البيئة مالها تلقاها في الفهرس في المواضيع المثبتة و الاصلة البورمية هي نوع من انواع الاصلات و الاصلة تعني بالانجليزي بايثون !!! اتمنى البدا بالقراءة المواضيع في المنتدى و المواضيع الانجليزي و اخي اتمنى ان الحوض السمك اللي في الصورة ما يكون حوضها :rolleyes: الاسم : burmese python يصل طولها الى اكثر من 3.7 متر و قد يصل عمرها الى 20 سنة الحوض يكون فيه 1- كهف للاختباء 2- ضوء خاص للحرارة 3- مقياس حرارة الكتروني 4- الارضية تقدر تخليها ورق او كلينكس بس ما تخليها نشارة خشب 5- درجة الحرارة في اليوم 85-88F في الليل تخفضها الى 78-80F 6- صحن الماء 7- جذع شجرة |
رد: استفسار عن نوع افعى
اتوقع ان حوضها ، مبدأياً أخذ حوض عالأقل متر و نص
يعني يكفيك عالأقل سنتين او اكثر شوي ، بالأصح الذكر يوصل 4.5 متر و ممكن أكثر و النثيه أكثر من 5 امتار ، ناهيك عن حجمها و وزنها الي بيكون عالأقل 50 كيلو ^^ أتمنى تكون عارف الشي الي بتربيه ، لو ما لك خبره بالتعامل معاهم و ما عندك وقت تجابلها وايد أنصحك تغير و اخذ من الأنواع و لو حاب البايثون أخذلك بول بايثون بتكون أصلح .. |
رد: استفسار عن نوع افعى
اضم صوتي لصوت اخوي بايثون حرف حرف 100%
|
رد: استفسار عن نوع افعى
يآجمآعه آلحيه ماتت مدري وش السبب اول شي بدت تعض لما اشيلها بعدين لما حطيتها بالحوض قامتت تلف وفاتحه حلقها وثاني يومجيتها لقيتها ميته وش السبب ؟
|
رد: استفسار عن نوع افعى
اقتباس:
الله يعوض عليك بأفضل منها يارب .................................................... لكن من صورها يتضح لي انها تعاني من نحافه شديده واعتقد انها لم تأكل منذ مده . او انها صامت فتره ليست بقليله وأكلت اكل كبير نوعاً ما وبذلت مجهودأً وبالتالي نفقت . او انها اكلت وجبه وكان الجو بارد عليها . هذا من الاسباب المحتمله وايضاً اعتقد ان من الاسباب الاخرى التي أدت الى الوفاة هي درجه الحراره هل لي ان اعرف كم درجه الحراره في مكان الاصله قبل ان تموت ؟ وايضاً انت قلت انها ( قامتت تلف وفاتحه حلقها ) لم افهم كيف تلف هل تلف داخل الحوض ؟؟ او تلف على نفسها ؟؟ او ماذا ؟؟ وهل يوجد داخل فمها ماده لزجه لونها ابيض مصفر ؟؟ واتمنى منك ان شاء الله في المرات القادمه قبل تشتري اي نوع من الحيوانات ان تسأل عنه وان تكون لديك معلومات كافيه عن بيئته لكي تبدلها ببيئه صناعيه . واهم شيء لا تضيق صدرك على فقدانها , ما تدري وين الخيره موفق ان شاء الله :) |
رد: استفسار عن نوع افعى
انا مع كلام اخوي خالد ومعوض خير
|
رد: استفسار عن نوع افعى
اي تلف فالحوض يعني اقرب مثال لطريقتها واحد منصرع يعني تقريبا تشنجت وبعد كم ساعه جيت اشيلها الا في حلقها ماده لزجه بس ماددقت وش لونها اغلب الضن انها شفافه وانا ماكنت حاط لها عداد حراره ولا شي وكان حوضها صغير ولما شريت حوض كامل فيه كل شي للحيه حطيتها فيه وماتت بعد فتره بسيطه يمكن ربع ساعه وانا ابي اشتري حيه وش تنصحني فيه اي نوع ووين احصلها بالكويت
|
| جميع الأوقات بتوقيت GMT +3. الساعة الآن 05:33 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو