يا خبراء البادجي الاسترالي ممكن حد يساعدني
السلام عليكم ورحمه الله وبركاته
انا جبت عصافير بادجي استرالي من 3 ايام وجبتهم بيضين فالانثي اغلب الوقت جوه راقده ع البيض بتخرج الصبح بدري شويه وبتدخل تاني بس انا ملاحظه انها مش بتاكل حتي حساسه انها ضعفت اليومين دول لكن الذكر كويس بياكل الحمد لله المفروض ادخلها اكل جوه ولا اعمل ايه مع العلم ان حاولت ادخلها امبارح اكل وميه في حاجه صغيره بس كانت بتكبهم فخرجتهم لان الميه هترطب الحته اصلا خايفه يكون البيض اتبل امبارح ويبوظ اتعامل معها ازاي اه انا بس اللي ناقص عندي السبيط لسه مش جبته هاجيبه النهارده باذن الله |
رد: يا خبراء البادجي الاسترالي ممكن حد يساعدني
وعليكم السلام
الف مبروك وعقبال الفروخ الاناث في فتره وضع البيض تكون حساسه وتخاف على العش لذلك تقلل الخروج من العش وخاصه اذا فيه احد قريب منها لذلك حاول تقلل مراقبتهم حتى تخرج للاكل وقد يطعمها الذكر في بعض الاوقات لاتخاف عليها بس وفر الاكل والمويا في القفص فقط وماتحط اكل في العش لانه يجمع الحشرات ويزعج الانثى بتوفيق باحلى انتاج ينقل السؤال وجواب |
رد: يا خبراء البادجي الاسترالي ممكن حد يساعدني
شكرا للرد
بس انا ملاحظه انها النهارده مش داخلت البياضه بره مش ع البيض ومش بتاكل انا حطاهم في اللكونه في مكان مظلل مش بتيجي شمس مباشره عليهم ده غلط عليهم ادخلهم البيت احسن عشان الحر |
رد: يا خبراء البادجي الاسترالي ممكن حد يساعدني
العفو اخوي
تاكد من عدم وجود احتباس وهذا الرابط ان شاء الله يفيدك http://www.liali.net/vb/showthread.php?t=300446 الافضل يكون المكان هادي بعيد عن الازعاج ويكون ثابت ماتغيره كل فتره حتى تحس براحه وماتهجر البيض اذا المكان الي هم فيه امن فاماتتغيره الافتره بتوفيق |
رد: يا خبراء البادجي الاسترالي ممكن حد يساعدني
ايه ده انتي بنت معليش لان جديده علي المنتدي مسجله النهارده بس
شكرا وربنا يجزاكي خير |
رد: يا خبراء البادجي الاسترالي ممكن حد يساعدني
لو الانثي مش بتطلع تاكل الذكر اكيد بيتدخل ياكلها في الحضانة او لما تطلع
وكمان حاولي اتطيلهم وجبة البيض بالقسماط بعض الخيار والفواكة وكش تحركي الجوز خالص علشان الانثي مش تسيب البيض حافظي بس علي اعتدال الجو ليهم وبعد ما يخلصوا بيض ويفقس والفروخ تكبر حركيه عادي لاكن دلوقتي لا لو الجو حر ممكن ترشي عليهم ببخاخة مياه |
رد: يا خبراء البادجي الاسترالي ممكن حد يساعدني
اقتباس:
طيب هو فعلا حصل ده الانثي سابت البيض لان اليومين اللي فاتوا كلنت بتدخل بليل تنام جوه وهي راقده ع البيض بس النهارده نايمه مع الذكر بره في القفص اعمل ايه دلوقت |
جميع الأوقات بتوقيت GMT +3. الساعة الآن 11:57 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو