منتديات تو زوو

منتديات تو زوو (http://www.2zoo.com/vb/index.php)
-   سؤال و جواب لقسم هواة الطيور الداجنة (http://www.2zoo.com/vb/forumdisplay.php?f=100)
-   -   نصائحكم قريب ببدا تربية الفري ( طيور السمان ) ولاول مره (http://www.2zoo.com/vb/showthread.php?t=332205)

تووتـي0510 31-01-2014 02:20 AM

نصائحكم قريب ببدا تربية الفري ( طيور السمان ) ولاول مره
 


السلام عليكم ورحمة الله وبركاته


انا عندي في البيت فقاسة يدويه ولله الحمد نفعت معي في بيض الدجاج ناجحه 100 %

وهالمره بدخل في تربية الفري لانه عليها اقبال كبير عندنا

بشتري من احد المحلات بيض فري يجيبه من المزرعه طلبت عدد 200 بيضه للحين مافي بيض جاهز يبيلها المزرعه يومين او ثلاث ايام لين يبيض الفري ويجمعون لي البيض



أسألتي

شو رايكم بتربية الفري ؟

وكيف اتعامل في البدايه مع الصيصان لما يفقصون ؟ هل مثل الدجاج او لا ؟


شو اوكلهم من اول يوم ؟


وكيف التدفئه لهم ؟

وكم درجة الحراره اللي يحتاجونها في الفقاسه ؟ هل مثل الدجاج او لا ؟


وكم يبيلهم لين يبلغ الفري ويصير جاهز للانتاج ؟

رائد ملكاوي 31-01-2014 02:25 AM

رد: نصائحكم قريب ببدا تربية الفري ( طيور السمان ) ولاول مره
 
الف مبروووووووووووك الهواية الجديدة

لكن احكيلي بالاول انتي ناوية على كميات تجارية والا للأكل في البيت بس

واذا في حد راح يساعدك والا لأ

واذافي عندك اقفاص طوابق او لأ

وحواضن لأنه الكميات اللي راح تطلع عندك كبيرة

المهم انا راح اعطيكي اجابات وافية لأني عندي خبرة كبيرة في السمان لكن ما راح اعطيكي اجيابات كافية هلأ

يعني مثل المسلسلات، بمزح لأن الوقت متاخر ومش قادر اكمل الاجابة

الله بوفقك

تووتـي0510 31-01-2014 02:38 AM

رد: نصائحكم قريب ببدا تربية الفري ( طيور السمان ) ولاول مره
 
اقتباس:

المشاركة الأصلية كتبت بواسطة رائد ملكاوي (المشاركة 3030749)
الف مبروووووووووووك الهواية الجديدة

لكن احكيلي بالاول انتي ناوية على كميات تجارية والا للأكل في البيت بس

واذا في حد راح يساعدك والا لأ

واذافي عندك اقفاص طوابق او لأ

وحواضن لأنه الكميات اللي راح تطلع عندك كبيرة

المهم انا راح اعطيكي اجابات وافية لأني عندي خبرة كبيرة في السمان لكن ما راح اعطيكي اجيابات كافية هلأ

يعني مثل المسلسلات، بمزح لأن الوقت متاخر ومش قادر اكمل الاجابة

الله بوفقك


الله يبارك فيك

انا مااكل السمان هههههههه ماجربت ولا مره مااتخيل اني اسويها واكله
شكله حلو مايهون ع ليه اني اكله :p:)

انا ناويه اني اخلي 100 فري خاصين لي في البيت ماابيعهم لاني ابيهم يبيضون بدلاً من اني اشتري البيض في كل مره

وال 100 الباقين ببيعهم لانه مااريد كميات كبيره عندي لانه المساحه اللي عندي تكفي 100 وزياده بس بكتفي بعدد 100 ثابتين عندي بالبيت

طبعا العامل اللي بالمحل اللي بيجيب لي البيض قالي بعد مايفقسون بشهر يبي يشتريهم كلهم بهالطريقه ضمنت المشتري لانه في ناس كثير يجونه المحل ويشترون منه وبعدين في محلات غيره يبون يشترون

لانه احنا عندنا الناس تنتج بالمزارع وتوزع على المحلات البيع


وشوي شوي لين اتعود عليهم بعدها راح افكر اذا ازيدهم او لا

ماحد يساعدني الا الخدامه خخخخ اهي في البيت تهتم بطيوري وحيواناتي ماشاء الله عليها

طبعاً البيت وسيع في مساحه كبيره عشان اربي هالعدد

لا ماعندي اقفاص طوابق

لاكن عندي قفص كبير ارضيته رمل ومساحته حدود 4 امتار في 3 متر تقريباً

المهم انه يكفي هالعدد بإذن الله

عندي حاضنه وحده بس سؤال كم يبيلهم يقعدون بالحاضنه ؟ قبل مااطلهم للقفص

وهل في عليهم مشكله من برودة الجو ؟

مو مشكله انتظر اجاباتك خذ راحتك مو مستعجله لانه للحين ماجبت البيض

امين والله يوفقك يارب

متدرب 31-01-2014 02:59 AM

رد: نصائحكم قريب ببدا تربية الفري ( طيور السمان ) ولاول مره
 
الله يوفقك ... وما دام استاذنا رائد طلع خـــبير سمّـان

فأبشــــري .... ونحن ايضا سنتـابع للاستفـادة

رائد ملكاوي 02-02-2014 12:47 PM

رد: نصائحكم قريب ببدا تربية الفري ( طيور السمان ) ولاول مره
 
انا ايضا بعتذر على التأخير في الإجتبة والسبب ظروف والله

المهم أنا كتبت موضوع عن السمان هاد رابطه

http://2zoo.com/vb/showthread.php?t=305616

نيجي لإجابتي على استفساراتك الثانية:

الـ 200 بيضة اذا نسبة التفقيس كويسة راح يطلع عندك ما يقارب ال 140 صوص وراح يموت منهم عدد اما لضعف فيه واما مرض في البداية او اعاقات خلقية فالصافي تقولي على 110-120 صوص

مدة وضع البيض في الفقاسة تقريبا 16 يوم اول اربع ايام مافي داعي للتقليب وبعد اليوم 14 اوقفي التقليب لأنه يقلل نسبة الفقس، الحرارة والرطوبة مثل الدجاج

المهم بعد ما يفقسوا البيضات وتطلع الصيصان اتركيهم في الفقاسة 24 ساعة

ولازم تكوني مجهز حاضنة طولها 1.20-1.5 متر وعرضها 40-50سم وارتفاعها 30-50 سم فوقها ثلاث لمبات لأنه التدفئة ضرورية جدا ويكون للحاضنة غطاء لزيادة الدفء وتفرشي الارضية بالتبن او النشارة

ونيجي للنقطة المهمة جدا جدا جدا ان الماء لازم يكون ارتفاعه منخفض جدا لأنه حجم الصوص صغير ويغرق بسهولة ويموت بسهولة اذا تبلل بالماء فالحل لقيته بانك تحطي حجار صغيرة مغسولة بالمشرب حتى يشرب الصوص من بين الحجار

والحل الثاني انك تحطي المي بمشارب طيور الكناري وحطي 6-10 مشارب صغيرة بهاي الحالة

اول يوم في الحاضنة اعطيهم ماء وسكر كل لتر مي حطي عليه 3-4 ملاعق سكر وما تحطي علف

ثاني يوم في الحاضنة اعطيهم علف ناعم يستخدم للصوص الصغير يشبه الطحين نوعا ما لكن اخشن شوي

وراح تلاحظي نموهم السريع

وخليهم في الحاضنة لمدة اسبوعين لثلاث اسابيع لأنه الجو بارد هالأيام

يبلغ السمان على عمر تقريبا 42 يوم وممكن تلاقي بعضهم باضوا على 38 يوم ومنهم راح يتأخروا لغاية 50 يوم وممكن اكثر شوي

وكل 30 اسبوع يفضل انك تغيري السمان لأنه انتاجه راح يقل كثير

وتذوقي السمان طعمه كويس كثير يعني اطيب من الدجاج

كل 100 سمان تقريبا يبيضوا في اليوم 60-70 بيضة في المعدل وممكن يزيد عدد البيض عن هيك

ونصيحة الانتاج حطيه باقفاص طوابق حتى يكون عندك اربع اجيال

وما تحتفظي بالبيض اللي ناوية تفقسيه لمدة تزيد عن اليوم السابع من وضع البيض لأنه نسبة التفقيس راح تقل وراح تخسري البيض

كل ذكر يقدر يلقح 3 اناثي وتقدري تزيدي كمان وحدة لكن اللي انا لاحظته انه نسبة الذكور للإناث 2:1 افضل شيوتكاثره فظيع جدا يعني خلال فترة قصيرة يكون عندك اعداد مهولة لأنه نضجه الجنسي سريع جدا ويختلف عن الطيور عامة

وان شاء الله اني اكون عوضت التأخير في الإجابة بإجابة وافية

وأي استفسار انا بالخدمة

عاشق الكلاب و القطط 02-02-2014 04:06 PM

رد: نصائحكم قريب ببدا تربية الفري ( طيور السمان ) ولاول مره
 
ماشاء الله ع الاخ رائد

اعطاكي كل ما هو مفيد ورائع

الطرقي1 02-02-2014 08:46 PM

رد: نصائحكم قريب ببدا تربية الفري ( طيور السمان ) ولاول مره
 
هذا الكلام الشافي من الاخ العزيز رائد ...ما عاد فيه سؤال بعده. ..ماشاء الله عليه

تووتـي0510 02-02-2014 10:24 PM

رد: نصائحكم قريب ببدا تربية الفري ( طيور السمان ) ولاول مره
 
شكراً لــك أخي رائد ملكاوي على كل هذه المعلومات
وأشكرك على الرابط

استفدت الكثيير من اجابتــك ومن موضوعك
الله يعطيك الصحه والعافيه نبهتني على كثير من النقاط ماكانت في بالــي

ولا توجد مشكله في التأخير انت ماتأخرت ع لي
اساسا انا للحين ماجبت البيض العامل اللي بالمحل يدور من مزرعة لمزرعه عشان يوفر لي هالعدد من البيض ويلاقي الاغلبية قد حطو البيض بفقاساتهم
او انه يلقى عدد قليل من البيض

وجاري البحث وان شاء الله تتوفر الكميه عندي عن قريب

تحيــاتي لــك

تووتـي0510 02-02-2014 10:29 PM

رد: نصائحكم قريب ببدا تربية الفري ( طيور السمان ) ولاول مره
 
اقتباس:

المشاركة الأصلية كتبت بواسطة متدرب (المشاركة 3030773)
الله يوفقك ... وما دام استاذنا رائد طلع خـــبير سمّـان

فأبشــــري .... ونحن ايضا سنتـابع للاستفـادة

امين والله يوفق الجميع يارب

ماقصر استاذنا عطاني معلومات كافيه وزياده بعد عن طيور السمان جزاه الله خير

أشكرك على مرورك

تووتـي0510 02-02-2014 10:31 PM

رد: نصائحكم قريب ببدا تربية الفري ( طيور السمان ) ولاول مره
 
اقتباس:

المشاركة الأصلية كتبت بواسطة عاشق الكلاب و القطط (المشاركة 3031951)
ماشاء الله ع الاخ رائد

اعطاكي كل ما هو مفيد ورائع


اقتباس:

المشاركة الأصلية كتبت بواسطة الطرقي1 (المشاركة 3032100)
هذا الكلام الشافي من الاخ العزيز رائد ...ما عاد فيه سؤال بعده. ..ماشاء الله عليه



ماقصر بالاجابه ومعلومات جداً مفيده الله يعطيه الصحه والعافيه

واشكركم على مروركم الطيب


جميع الأوقات بتوقيت GMT +3. الساعة الآن 09:03 AM.

Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو