|
سؤال يا أهل الأفريقي ... تراه تعبني
السلام عليكم ورحمة الله وبركاتة ..
يا شباب عندي أفريقي توي شارية عنيد وراسة يابس ما يأكل غير حبوب عباد الشمس " الولد مدمن .. الحمدلله على العافية " إذا أعطيتة تفاح أو خس أو منقا ما ياكلها ماغير يقطعها ويرميها .. هرست له تفاح وخلطته مع حب عباد الشمس عيا لا ياكلها وش الحل معه ؟؟؟ ثاني شيء يا شباب الطير جامبو و محجل بحجل نحاسي مكتوب عليه 2003 .. هل هو مستورد وتاريخ ميلادة 2003 ...؟؟ بعدين يا شباب الطير يحكحك منقارة العلوي في السفلي أو العكس .. المهم إنة يطلع صوت مزعج كأن الواحد يكسر قشور وإلا أغصان يابسة ... وش السبب ياأهل الخبرة ؟ |
رد: الفزعة يا أهل الأفريقي ... تراه تعبني
اخي السيد
اولا الف مبروك علي الرمادي و ثانيا كلها امور طبيعيه و تحتاج قليلا من الصبر النسبه للاكل اذا انت شاريه من شخص معروف اذا تقدر تسأله عن نوع الاكل اللي كان يأكله في السابق هذا حل الحل الثاني استمر في تجربه اكلات اخري معه مثل الذره و العنب الاحمر فول سوداني جزر مسلوق فراوله و ممكن تجوعه لمده ساعتين و بعدين تحطله الاكل الجديد و شوي شوي راح ياكل. بالنسبه للصوت اللي يطلعه اذا انا مش غلطان هذه الصوت يدل علي ان الببغاء مرتاح و مبسوط بالنسبه للانه محجل و في تاريخ ما عندي فكره عن الموضوع يمكن احد الاخوان يفيدك |
رد: الفزعة يا أهل الأفريقي ... تراه تعبني
اشكر الاخ مستر ميمو على الرد الموجز والمفيد
بالتوفيق |
رد: الفزعة يا أهل الأفريقي ... تراه تعبني
هلا اخوي
طبعا مستر ميمو ماقصر في اجابته......ومثل ماقالك علشان ياكل فواكه شيل من قدامه الحب وجوعه حتى 4 ساعات عادي وبيطر ياكل هو لازم يكون عنيد في البداية لين مايتعود عليك والطقطقة اللي يسويها بمنقارها انا بعد دائما اسمع انه يكون سعيد ومبسوط والببغانات اللي عندي دائما يسوو هذي الحركة. |
رد: سؤال يا أهل الأفريقي ... تراه تعبني
أولا: مشكور يا شباب وماقصرتوا
ثانياَ : يا شباب هالحين ببغائتكم إذا أكلت الفاكهة ترمي بعض القطع أو تاكل كل اللي قدامها والحجل النحاسي اللي علية تاريخ 2003 . ثالثاَ سلمكم الله .. أظافرة طويله أقصها له أنا بقصاص الأظافر عادي وإلا لازم واحد فاهم .. لأني حاولت قبل كم يوم أقصها له ثم صرخ وجعر بطريقة حزنتني حسيت كأني آلمته ..وش أسوي بارك الله فيكم ....... |
رد: سؤال يا أهل الأفريقي ... تراه تعبني
اخي الفاضل
بالنسبه للاكل عادي ما شفت شي للحين, انا ببغائي يرمي الاكل في و جهي احيانا و يوم ياكل التفاح كانه ما شاف خير و يوم ولا يقرب جنبه يعني بمزاجه و احيانا يقعد يتذوق و يرمي الباقي. بالنسبه للحجل احتمال يكون تفريخ هولندا بس ماني متاكد يمكن احد غيري يفيدك والله اعلم بالنسبه للاظافر اذا ما عند خبره شوف واحد عنده خبره يقصهم قدامك اول مره و بعدين انت ممكن تقصهم بنفسك بس ملاحظه القص الزائد مؤلم بالنسبه للطائر يعني ما تقص اكثر من 1 ملم و اذا قصيت اكثر من كيذه ممكن يسبب نزيف دم للببغاء و اليك الرابط ادناه http://www.2zoo.com/vb/showthread.php?t=6467 |
رد: سؤال يا أهل الأفريقي ... تراه تعبني
بصراحة انا ماأنصح أحد يقص أظافر الببغاء لأنه أنا من ناحية خلاص قلت مستحيل لو يذبحوني ماأقص أظافرهم . لأنه الببغاء اللي كانت عندي قبل مرة وديتها البيطري يقص أظافرها وجابها لي كله دم ينزف أكثر من أربع ساعات والدم ينزف لو ماأنا قعدت أحط عليهم ماء بارد طول الوقت ماوقف النزيف.
وهذا الصيف كنت رايحة ماليزيا وسالت هناك دكتور بيطري عن طريقة قص الأظافر وقال لي الأفضل أنك ماتقصينهم بس حطي لهم الحامل اللي يوقفون عليه خشب وحطي لهم ظهر الحبار وبس لأنه الخشب راح يبردون فيه أظافرهم وماراح تطول أكثر. أما عن الفاكهة عندي ببغانتين وحدة منهم تاكل التفاح كله وماتقط الا القشر بس والثانية تقطع وتاكل شوي وتقط الباقي عادي شوي شوي ويتعودو |
رد: سؤال يا أهل الأفريقي ... تراه تعبني
اختي فان اسمحيلي اقولك ان البيطري الي قص اظافر ببغائك ( جزار ) و ما يفهم شي في الببغاوات انا شخصيا اقص اظافر ببغائي كل 10 ايام و ما يطلع دم ابدا و بعد ما اقصهم ابردهم بعد ( اسويله مانيكر ) اخر دلع. قص الاظافر له فايده وحده بس حسب حد علمي انه ما يشمخ يد مربيه اذا كان يطلع علي اليد و بالنسبه لي اذا ما قصيت اضافره كل 10 ايام يطلع الدم من يدي انا, لانه يخاف يطيح يقوم يتشبث بكل قوته علي يدي. بخصوص الحامل ( المجثم ) ان يكون غصن شجره او خشبي صح كلامك ميه بالميه. النقطه الي ما ني قادر استوعبها و هذي ثاني مره اسمعها ان ظهر الحبار و الكالسيوم يقلل او يخلي الاظافر ما تطول ؟؟ في شي خطا في الفكره هذه لانها تجانب المنطق مدري انا صح و لا غلطان اعتقد انها فكره تستحق النقاش . والاختلاف في الري لا يفسد للود قضيه |
رد: سؤال يا أهل الأفريقي ... تراه تعبني
شكرا اخوي مستر ميمو
يمكن صح الكلام اللي قلته عن البيطري اي والله ماسمعت عن أحد اخذ احد حيواناته له الا بعد فترة ماتوا لكن ايش نسوي بعد هو الوحيد اللي موجود عندنا بالمنطقة. وعني أنا مستحيل امسكهم واقص أظافرهم بصراحة أخاف. وعن ظهر الحبار والله مو متأكدة من المعلومة بس قلت لك أنا قالوا لي عنها. |
رد: سؤال يا أهل الأفريقي ... تراه تعبني
سلام عليكم ورحمة الله وبركاته
أخي الكريم اطلع على هذا الموضوع وطبق ما فيه بدقة وستجد نتيجة بإذن الله تعالى ولكن الصبر ثم الصبر ثم الصبر http://www.2zoo.com/vb/showthread.php?t=6419 |
| جميع الأوقات بتوقيت GMT +3. الساعة الآن 12:24 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو