لكل اللى عايز عصافيره يبيضوا
انا لاحظت ان معظم الاسئله المتعلقه بالعصافير
هى عن الانتاج والحمد لله انا لى خبره بس كبيرة فى العصافير قلت اقول اللى عندى يمكن يفيد حد ويارب يعجبكوا عصافيرى مش راضين يبيضوا ليييه ؟؟ هانخد سبب سبب اولا هاسألك متأكد ان عصافيرك جوز ؟؟ يعنى ايه جوز (يعنى ذكر وانثى ) (دكر ونتايه) ودى اول خطوه لازم نطبقها وابسط حاجة للتعرف على ان العصافير جوز هتلاقى واحد منطقه الانف عنده فاتحه والتانى غامقه الدكر انفه (منطقه الكير ) ازرق او لبنى او بمبى او بنفسجى http://im12.gulfup.com/2012-08-24/1345763040101.jpg الانثى لون الكير ازرق مخلوط مع الابيض او بنى مخلوط مع الابيض او بنى مخلوط مع اللبنى او ابيض خلاص اتأكدت؟؟ تمام السؤال التانى متأكد ان الجوز اللى عندك بالغ وجاهز للانتاج ؟؟ ولا هما الاتنين مش جاهزين او فى واحد جاهز والتانى لا الجهوزيه بتبان من خلال خطوط الجبهه ولون الكير فى الذكر والانثى فى الدكر الجاهز بيكون الكير بتاعه ازرق غامق زى الصورة الاول وكمان خطوط الجبهه بتبقى مختفيه وبتبقى لحد اخر عينه الغير بالغ بنفسجى او لبنى او بمبى وخطوط الجبهه بتبقى لازقه فى الكير او لسا ماوصلتش لحد العين يعنى لسا الخطوط باينه http://im30.gulfup.com/2012-08-24/1345763488901.jpg بالنسبه للانثى الانثى البالغه لون الكير ابيض او بنى مايل للابيض وكمان باردوا خطوط الجبهه بتبقى معظما اختفى من قدام اما الانثى الغير بالغه بيبقى لون الكير ابيض مخلوط بلبنى والخطوط بتبقى لسا موجوده طيب اتأكدت انهم بالغين ؟؟ تماااام اوى السؤال التالت موفر مكان مناسب لعمل العش ؟ لازم مكان يكون مهىء وهادى ومتقفل يجهزوا العش فيه براحتهم علشان يطمنوا على اولادهم طيب والعش دا اجيبه منين ؟؟ العش بيبقى عباره عن صندوق خشب على شكل مستطيل صغير وله فتحه من قدام بتروح لاى محل عصافير وتشترى من عنده بياضه حجمها مناسب ) وتركبها وكدا يبقى العش جاهز ودى صورة لبياضه الاسترالى http://im15.gulfup.com/2012-08-24/1345763803771.jpg جبت البياضه ؟؟ كويييس اوى اوى السؤال الرابع يا ترى موفر لعصافيرك الجو الهادى والامان والمكان المناسب ؟؟ ازاى ؟؟؟ ببساطه اولا المكان اللى فيه القفص لازم يكون عالى على الاقل متر ونص فوق الارض علشان العصافير تتطمن للمكان طيب ليه ؟؟ ببساطه هاقولك عمرك شوفتت عصفورة بتبنى عشها على الارض ؟؟ ثانيا الهدوء والامان العصافير لازم تحس بالامان وتتطمن للمكان قبل ما تكون عش علشان كدا المكان اللى هاتحطه فيهم يكون بعيد عن الازعاج وعن الاطفال والحركات المفاجئه والالصوات المفاجئه وفرت لهم كل العوامل النفسيه ؟؟ حلو اوى هما كدا مبسوطين السؤال الخامس ياترى موفر التغذيه السليمه ؟؟ هما دول كمان عايزين تغذيه سليمه ؟ اه مش كفايه الحبوب بتاعهم ؟؟ لا طبعا : : ماتتخضش كدا الحكايه بسيطه المفروض توفرلهم الجرجير او الخس او الخيار مرة فى الاسبوع وتحط لهم فى القفص عضم السبيط وفى ناس بتقول عليه كالسيوم او عضم ودى صورته http://im13.gulfup.com/2012-08-24/134576411161.jpg تركببه لهم فى القفص لان دا اللى بيوفر الكالسيوم للانثى علشان تكون البيض وتحط لهم بيض مسلوق مرة فى الاسبوع دلوقتى عصافيرك فرحانه ومافاضلش غير انم يولفوا على بعض ويبدأوا يكونوا اسرة جميله وانت تفرحى بيهم طبعا الموضوع كله من مجهودى والصور من على النت يارب يكون مفيد وانا حاولت اخلى كل المعلومات سهله وبسيطه ومش عايزه كلام معقد لان كلنا هواه ومش تجار وحلمنا نشوف عصفورة بتكبر قدامنا خطوه بخطوه |
رد: لكل اللى عايز عصافيره يبيضوا
جزاك الله خيرا اختنا الكريمة
|
رد: لكل اللى عايز عصافيره يبيضوا
مشكورة اختي الغالية على الموضوع المفيد انا انتظر متى تبيض طيوري على كل حال بارك الله فيك
|
رد: لكل اللى عايز عصافيره يبيضوا
شكرا يا أخي الغالي الكريم
شكرا على الطريقه الجميلهتقبل مروري مع تحياتي |
رد: لكل اللى عايز عصافيره يبيضوا
جزاكى الله خيرا انا هاوى جديد وان شاء الله ارفع صور عصافيرى اليوم للاستفادة من خبرتكم
|
رد: لكل اللى عايز عصافيره يبيضوا
شكرااا على هذا الموضوع الراااائع ....
و لا تحرمينا من جديدك .... |
رد: لكل اللى عايز عصافيره يبيضوا
شكرا جزيلا يأختي
|
رد: لكل اللى عايز عصافيره يبيضوا
مشكورة اختي الغالية على الموضوع المفيد
|
رد: لكل اللى عايز عصافيره يبيضوا
دايما مبدعة
|
رد: لكل اللى عايز عصافيره يبيضوا
يعطيك آلعآفيه يَ بونشوو آلعسسل . .
فعلاً آنآ كنت محتآجه هآلموضوع . . =) ربي يسلمك ويوفقك يآ محترفةة . . |
جميع الأوقات بتوقيت GMT +3. الساعة الآن 06:44 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو