مشكلة الطيران
 

الكاسكو اللي عندي يطير ، ويحب يطير للدور الثاني ويسنتر على الدرابزين ، اليوم اكتشفت مصيبه!! انه مقرض خشب الدرابزين :wao: نتشه تنتيش صاير كنه مسواك !!!!
أدري أن الببغاوات تحب تقرض الخشب، وعشان كذا قفصه مليان قطع خشب وحبال وألعاب بس ما يحب القفص ابدا، كل ما رجعته يطير فوق هلكني،، ما أدري محتارة أقص جناحه؟ ولا أتسبب له بإكتئاب ونفسية ؟؟؟ صراحة راحمته ،،أحس إنه يستمتع بالطيران،، بس درابزين بيتي راح :(
وش أسوي ؟؟

رد: مشكلة الطيران
 

قصي جناحه مبدئيا واشتريله ستاند عوديه عليه ..

القص عند شخص محترف يكون ويفضل ماتكونين عنده

انا جربت ياما قصيت جناح طيري لا صار فيه حالة ولا هم يحزنون ..

بس اهم شي يكون عند شخص خبير وماتكونين جنبه

دمتم

رد: مشكلة الطيران
 

مشكور أخوي رآبت على الرد ، خلاص إن شاء الله أبوديه لخبير يقص جناحه، وابشتري له إستاند يوقف عليه، وأبجيب نجار يصلح الدربزين اللي خربه وما أقول إلا يامن شرا له من حلاله علة :)

رد: مشكلة الطيران
 

بخصوص قص الريش

اذهبي الى اي محل ببغاوات ,
هناك اكثر من محل للببغاوات يقصون الريش والاظافر ب 30 ريال سعودي

او الذهاب لأي محل ببغاوات وطلب منه ذلك وستكون التسعيره اعلى بقليل

رد: مشكلة الطيران
 

شكرا جزيلا