منتديات تو زوو

منتديات تو زوو (http://www.2zoo.com/vb/index.php)
-   سؤال و جواب لقسم هواة القطط (http://www.2zoo.com/vb/forumdisplay.php?f=59)
-   -   قطو شيرازي ياكل فيران ... (http://www.2zoo.com/vb/showthread.php?t=82727)

عيون 20-11-2008 07:08 PM
قطو شيرازي ياكل فيران ...
 
سلام عليكم

عندي قطو شيرازي بيور بيور علمته ع اكل الفيران :D:D شوه رايكم هل ها صحي او لا ؟؟...

عاشقة القطاو 20-11-2008 07:10 PM
رد: قطو شيرازي ياكل فيران ...
 
طبعا مو صحي ..و بيسوي اشياء كثيرة ...بمعدت القط ...و ما تعرف الفار شو ماكل ...

sisi_moon 20-11-2008 07:47 PM
رد: قطو شيرازي ياكل فيران ...
 
لااااااااا طبعااا

مضرررر واصلا شالأكل الوسسسسخ اللي تعطيه قطووك

وغير كذا هالشي يعلمه على الشراسه والعدوانيه

انا لو اشوف احد ويا قطاوتي يلعب مع حشره اراقبه عشان لو طاحت بالارض ماياكلها او يقرب منهاا

تروح تعطيه فيران

اصلا حتى تستقرف تلمسه

اقطع عنه هالاكل

واعطيه اكل نظيييف واكل خاص بالقطط

ووديه البيطري يفحص دمه يشوف فيه شي ولالا

عاشقة القطاو 20-11-2008 07:49 PM
رد: قطو شيرازي ياكل فيران ...
 
صح كلام سيسي ...

آنـــــو 20-11-2008 07:52 PM
رد: قطو شيرازي ياكل فيران ...
 
أيه مررره صحي يسمن ويكبره ويصير أقوى قطو بالعالم .. :)



أخوي من جدك!! أنت تعرف الفيران وين مكانها ووين تعيش بالمجاااري وأنتم بكرامه
شلون تخليه ياكلها؟؟
بيسبب له أمررراض بكتيريا وديدان وبرضو عامل لنقل جرثومه التوكسوبلازموزس

وهذا غير أن أطباعه تخرب يصير عنيف وكله يبي يصيد ويفترس

ياليت تكون جاد بالموضوع وحرريص لأنه مايعرف مصلحة نفسه ...

عيون 20-11-2008 08:00 PM
رد: قطو شيرازي ياكل فيران ...
 
اقتباس:
المشاركة الأصلية كتبت بواسطة عاشقة القطاو (المشاركة 712231)
طبعا مو صحي ..و بيسوي اشياء كثيرة ...بمعدت القط ...و ما تعرف الفار شو ماكل ...
ليش موصحي الفار مشتريه من السوق ونظيف واليوم خليته ياكل همستر سوري سمين

دب كثير وياكل حب عباد الشمس

عيون 20-11-2008 08:01 PM
رد: قطو شيرازي ياكل فيران ...
 
ماحس انه مظر ابد لاانه معروف اكل الفيران القطاوو ويدتي قالت لي القطو يحب ياكل الفار وبعدين يسير يحرس

بيتنا ماصار فيه فيارين

sisi_moon 20-11-2008 08:05 PM
رد: قطو شيرازي ياكل فيران ...
 
اخووووي افهمنا الله يخليك

حتى لو الفار كل يوم تحممه برضو مضر

لان اصلا الفار خلقته وسسسخه واكله مو مناسبه ابدا للقطط

هذا شي

الشي الثاني لو تعطي قطوك دجاجه مو مطبوخه مضرره .. شلون تعطيه فار .. مو تقوم تطبخه وتعطيه اياه

برضو مضرر

الفار كائن وسخ ..

واذا على كلام جدتك .. كثير مقولات خاطئه عن القطط

واولها القطط بسبعه ارواح ..

وغير وغير

ياليت تفكر اكثر وتذكر ان اللي عندك انت مسؤووول عنه ترا ..

آنـــــو 20-11-2008 08:13 PM
رد: قطو شيرازي ياكل فيران ...
 
كلامنا واضح قلنا لك يجيب له أمراض ديدان وجراثيم حرررام

وبعدين هذا قطو بيييت لازم تهتم بأكله ونظافته لمصلحته ومصلحتكم ..

ronarony 21-11-2008 12:24 AM
رد: قطو شيرازي ياكل فيران ...
 
انا سمعت ان الفران تسبب مرض الطاعون واي اكل غير مطهي غير صحي للقطط:(

كيوووت 21-11-2008 12:38 AM
رد: قطو شيرازي ياكل فيران ...
 
ليه يعني قل الاكل تعطيه فيران الله يهديك ؟
انت سألتنا صحي ولا لا
والجواب لااااا ابد مو صحي الا مضررر
اول شئ لأنه فار تدري وش يعني فار ؟ يعني مرض يعني طاعون يعني وبااااء اي مرض يجي على بالك ضيفه للقائمه
هذا بالنسبه للأمراض
ومن ناحيه ثانيه انت تعطيه لحم نيئ وهالشئ يحفز غريزة القط الشرسه يعني لا تستغرب اذا يوم من الايام هجم عليك بدون سبب و غرز انيابه فيك والله اعلم وش راح يصير
يعني الحين على طووول اقطع عنه هالاكل
وعطه دجاج مطبوخ او اكل خاص للقط معلب
او بسكوت اسمه رويال كانن اذا ان اكله متعبك لدرجه انك تجيب له فيران
وترى اذا صار للقط شئ انت محاسب عليه

ammolah_82 26-11-2008 11:55 PM
رد: قطو شيرازي ياكل فيران ...
 
سلام
حرام هاالقطو عندك .... أصلا مبين عليك جاهل في أمور تربية الحيوانات و خاف ربك ..من متى البسس تاكل فيران؟؟؟
شكلك متأثر بتوم و جيري
البسس تتحرش بالفيران بس ما تاكلهم والكلاب تتحرش بالبسس و يعد ما تاكلهم
الله يهديك

almoez 27-11-2008 12:32 AM
رد: قطو شيرازي ياكل فيران ...
 
بصراحه موضوع غريب وردود اغرب....بس كلامكم صحيح

كويتي من العاصمه 27-11-2008 12:35 AM
رد: قطو شيرازي ياكل فيران ...
 
فيران
كان اللع في عونه هالمسكين


جميع الأوقات بتوقيت GMT +3. الساعة الآن 08:02 PM.

Powered by vBulletin® Version 3.8.8 Alpha 1
Copyright ©2000 - 2026, Jelsoft Enterprises Ltd
الحقوق محفوظة لمنتديات تو زوو