|
قطي كراميل
1 مرفق
السلام عليكم .... مرحبا
انا بصراحة أحب القطط وايد وايد وايد بس مشكلتي اني اخاف منهم .. بس احب اشوفهم من بعيد .. أتمنى اني اقدر اشيلهم و العب معاهم بس للأسف وايد أخاف وخصوصا القطط الشيطانه اللي تتحرك وايد ... عاد رفيجتي اهدتني قط صغير كان عمره حوالي شهر وانا ماعرف شنو نوعه ياليت تساعدوني و تقولون لي شنو نوعه ... وعلى فكرة انا حابة اتخلص منه لأني وايد اخاف منه واللي قادر ان يربيه و يحافظ عليه او تحافظ عليه انا مستعده اعطيهم و بدون فلوس ... أتركم مع الصور ... هذي صورة قطي كراميل و كان عمرة تقريبا اسبوع في هذي الصورة : |
رد: قطي كراميل
وعليكمـ السلامـ اهلا" وسهلا" فيج اختي اهوه مايبين شنو نوعه الحين لانه توه صغير وانتي مو مصوره ويها فياريت تصورين ويها وبالعكس ليش تخافين من القطط؟ عندج مثلا" امي واختي كانو يخافون حيل منهم بس مع الايام تعودو عليهمـ والقط الي عندج موقط شوارع عشان يكون شيطان اعتقد اهوه شيرازي بيور يعني طبعه هادي ومستحيل يعضـ لبسي قفازات ان كنتي تخافين ومع الايام راح تتعودين عليه اتمنى انج ماتتخلين عنه ومع الايام رح تحبينه اكثر واكثر ... واذا قررتي فعليا" التخلي عنه تقدرين تروحين سوق الحمام يشترونه منجـ عالاقل بـ 30 دينار |
رد: قطي كراميل
:(
مره صغير هذا شلون بعدتوه عن امه لازم بعد شهرونص لين تبعدوه عن امه والقطط حلوه ترى ما تخوف ابد انا اقول انتي ربيه مره عن مره تتعودين عليه وتحبينه واذا حابه انا اساعدك فيه خطوه بخطوه وصدقيني مره بستمتعين بتربيه القطط تحياتي |
رد: قطي كراميل
على فكرة ترى كراميل عمرة الان حوالي سنة وحاولت اضيف صورة جديده بس ماقدرت لأن حجم الصورة كبير و ماعرف شلون اضيفها
|
رد: قطي كراميل
لالا انصحكي بتربيته ولاتخافين منه مب اسد خخخخخخخخخخخ |
رد: قطي كراميل
من جاب طاريي .. من قال أسد :p كهكهكهكهكهكهكه :D http://www.2zoo.com/vb/attachment.ph...9&d=1147952135 يتربى بعزتس :) |
رد: قطي كراميل
انا اقول خليه شهر عندك وبعدين شوفي اذا تبينه ولا اتبيعينها جربي حظك مو خسرانه شي
انا الوالده كل عيد ميلاد اتييبلي قطوه معن عمري 19 سنه لا واهي تستانس معاها اكثر مني |
رد: قطي كراميل
1 مرفق
شكرا جميعا على الردود ...
هذي صورة كراميل حاليا اذا تعرفون شنو نوعه و اذا في احد حاب ياخذه بس بشرط يحافظ عليه ... لأني بصراحه خلاص ماقدر على تربيته وايد اخاف منه و اهو كبر مع اني احبه وايد و ذكي وايد ... |
رد: قطي كراميل
يحليلة شكلة حبوب واجد بس مدري ليش الخوف بلعكس عادي ترا القطاوة مسالمة :D |
رد: قطي كراميل
اصبري اختي كراميل مشاء الله مره حلو
|
رد: قطي كراميل
http://www.2zoo.com/vb/attachment.ph...0&d=1147981582 * * * ماشالله عليهـ ايننـ ليش بتتخلينـ عنه؟؟ حاولي تتقربين منه وتحدي الخوف الي فيج وبتكتشفين انه الخوف مجرد اوهامـ ;) كا كلنا عندنا قطاوه في منا كان يخاف منهم ومنهم لا تحدوا نفسهم ونجحوا ! تحدي خوفج ومسحي على راسه وشوي شوي حمليه بعدين وكليه بعدها تسبحينه وفيه شبه من قطويـ " بسبوس " |
رد: قطي كراميل
GLBonish cute
|
رد: قطي كراميل
مشالله واايد حلو والله الي بياخذه محظووظ
لا وامصورته ابسوني اريكسون بعد |
رد: قطي كراميل
شكرا جميعا على الردود :)
للأسف حاولت بشتى الطرق اني ما اخاف منه بس ما قدرت و ضميري حيل متعبني لأني هاملته عشان جذيه انا ودي أعطيه حق أحد يحافظ عليه |
رد: قطي كراميل
كراميل عطيني فرصه اساعدك فيها صديقني راح تحبيها
|
رد: قطي كراميل
هااااااااااااي شلونج واذا عزمتي وماتبينة انا اشترية اذا انتي بالكويت وعطيني خبر عالخاص وثانكس حبيبتي
|
رد: قطي كراميل
عيونه زي عيون فلفول قطو كويتي عيون بسبوس مو حلوه المهمممممممممم و الاهممممممممم لا تهملينه و خليك معاه انا خواتي كانو يكرهووون البسس حتى لما جبت فلفوله كانو من يشوفونها تمر ينقزوووووون الي على الكنب والي على الدرج ولي تروح غرفتها و تقفل عليها ماااااااااااااااااااااااا يطيقونها يخاافوووووووون بشكل مووووو طبيعي بعدين من كثر ما اخليها تتمشى بينهم شوي شوي تعودو عليها امي ما تخاف منها بس تقرف منها الحين عااااااادي لما تشوفها تمسح على راسها ولا تبوسها و تحط لها حليب و مويه و اكل لا تخافين منها والله الخوف ما يفيدك بشي |
رد: قطي كراميل
جنن وهو بالعمر ذا ود الواحد ياكله
وع حامت شبدي |
رد: قطي كراميل
ماشاء الله مرة حلو
|
رد: قطي كراميل
ماشاء الله مرة حلو
|
رد: قطي كراميل
مالا داعي الخوف من القطط لانها حيوانات ودودة حيل
بالعكس ساعات اخاف اقعد بروحي بدون اقطاوتي معاي :) |
رد: قطي كراميل
اختي كراميل اصبري معاه زي ما قالو الأخوان قطوتي من الشارع ومع كذا مسالم وهادئ وما يعض
اما قطوتك بيتية مش من الشارع ولا تتخلين عنه;) |
| جميع الأوقات بتوقيت GMT +3. الساعة الآن 09:16 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو