السلام عليكم ورحمة الله وبركاته


(بدايتي مع الامازوني)
اخواني اشتريت طيري الامازوني قبل ثلاث اشهر وصاحب المحل قال لي وقتها انه يتكلم بس الطير خايف وبياخذ فترة لين ما يتعود عليك


(الكلمات اللي يقولها)
الطير اول الصبح يطلع أصوات ويقول متو بنبرة صوت جميله والباقي صريخ حاله حال أي ببغاء ثاني ولا يحب يتكلم اذا حد واقف بجنبه :confused:


(موقع القفص والاصوات اللي يسمعها يوميا)
القفص الله يسلمكم في حوش البيت عند طلعتي من الباب لازم أمر عليه واكلمه واصفر له .... وفي ببغاء ثاني من نوع الدرة على يقارب 10 امتار ما يشوفه بس يسمع صوته كل ما طلع صوت


(ألفة الطير)
الطير أليف على عكس أول ما شريته كان يعض أما الحين كل ما يشوفني يعض شبك القفص كأنه يترجاني اطلعه من القفص :) ولكني ما أقصر معاه كل يوم شايلنه على ايدي كأنه صقر ومرات على كتفي كأني الكابتن سلفر :D وآخذه معاي لداخل البيت ما يعادل ساعة واتركه على الكنبات يمشي وأمسحه ما يقول شئ <--- هذا جدولي اليومي


(حيرتي مع الطائر :( )
كيف أقدر أخلي الطير يقول كلمات اكثر وبالأخص يوم اكون شايلنه يعني اكلمه ويرد علي مع ان اللي اشوفه منه العناد وما يرد لو اتكلمه .. فالح في الحقران :)




اتمنى منكم يا اخواني تلقون لي طريقة لتدريبة اقدر اطلع بنتيجة منها مع اني شفت مقاطع لببغاء من نفس النوع لأحد الأخوة ما شاء الله عليه كيف يتكلم

المشاركة الأصلية كتبت بواسطة بنت الرس (المشاركة 646090) وعليكم السلام ورحمة الله وبركاته.. أخوي انت ليش حاط الطير بالحوش لوتحطه بالصالة أو المكان اللي دايم تجلسون فيه يكون أحسن..

المشاركة الأصلية كتبت بواسطة هاوي الببغاوات (المشاركة 646462) اذا على الكلام قدامك يستحي عاااااادي حتى طيري الكاسكو كان ما يتكلم قدامي الحين عادي يوم اروح عنده يتكلم

المشاركة الأصلية كتبت بواسطة ابو شما (المشاركة 646451) السبب رفض زوجتي اني ادخله داخل البيت بداعي ان الطير يجمع الحشرات تحت القفص ويوصخ البيت بفضلاته

المشاركة الأصلية كتبت بواسطة بوفيصل (المشاركة 646611) حسافه امزون ومخلي في الحوش شو الفايده على الاقل خله عند الباب بس من داخل البيت واذا عن الحشرات الي تتجمع تحت القفص اشتر لك قفص تحته قاعده ترفعه عن الارض وعليك بالتنظيف اليومي وماراح تشوف الحشرات وراح اتشوف تحسن على الطير

المشاركة الأصلية كتبت بواسطة فلاش قطر (المشاركة 648034) هلا اخوي بوشما ... اولا : حرام عليك اتخليه في الحوش اتخبر جونا مهب جووووو والله اذكر مرة طلعت اللي عندي نص ساعه احس انه يقول واللي يرحم والديك ردني داخل هههههههههه المهم شوف اخوي انا عندي كاسكو و امازون ودرة الامازون غير عنهم بمعنى الكلمة يتروض ويجيك من غير شي بس خله يتعود على شكلك كل يوم عطه اكل تم مده شهر بس شرط يكون خارج القفص وتعال بعد الشهر لا تخليه ياكل شي من الصبح .... وتغدى قدامة بنفسك بعيد عن الاهل اهم شي المدام :):) وشوف كيف بينقز وبجيك وانت عطى الاكل بيدك ومرة ثانية بيركب على رجلك وباكل وشوف بعدين عادي بيرك على يدك والله اللي هذا اللي صار معاه عكس الكاسكوووووو بس اخوي حاول اتخليه داخل البيت ترى الطير في ذمتك وبالتوفيق يا بوشما

المشاركة الأصلية كتبت بواسطة بنت الرس (المشاركة 658461) السلام عليكم الاحسن يكون داخل البيت حتى وقت النوم على شان الحر والشمس وبعدين أخوي أنت ماتخاف انه القطط تؤذيه أو تسوي له شيء.. وأنت تعتبر مسؤول عن الطير.. لازم تخليه داخل البيت .. وزي ماقالوا لك الاخوان اشتري له قفص مع قاعدة .. ومع التنظيف اليومي باذن الله ماراح يكون فيه حشرات.. أنا كنت موسوسة أكثر من زوجتك اذا لمست الببغاء على طول أغسل ايدي بالديتول.. لكن لما تعودت عليه وحبيته صار شيء عادي..وينام بغرفة أختي و نغطيه على شان تيارات المكيف القوية.. وأنت لازم تفهم زوجتك انه هذا الحيوان يحس زي ماحنا نحس .. ويتضايق من الحر الشديد والبرد. و الببغاوات ماتعامل كأنهاحيوان عادي هي تعامل كأنها طفل أخر في العائلة لأنهامميزة و ذكية جدا.. وعلى فكرة بالصيف يكون فيه نمل أو حشرات بالحوش خاصة اذا كان عندكم نباتات <<وهذي الأشياء قريت انها تؤذي الطير وتدخل على القفص.... أتمنى تخبرنا وش صار عليه..وأنا أكتب قاعدة أتخيل شكله لحاله بالحوش وماقدر ينام من الحر ومواء القطط من كل حدب وصوب<<مسكين عورني قلبي عليه..

المشاركة الأصلية كتبت بواسطة أبو الببغاوات (المشاركة 660507) أبو شما والله حرام إذا كان خوفاً على الحشرات نظف القفص يومياً ما دام عندي 6 ببغاوات ما عمري شفت نملة في طبق أو قريب منهم . انت تبغى تعلمه الكلام كيف بتعلمه وهو برة في الحوش تعليم الكلام لازم يكون معاك يومياً شافك جالس وقت طويل عنده يتكلم بس برة في الحوش ما يصير بالمرة أنا الأمازوني حقي واشتريته بــ 3000 ريال وما شاء الله عليه أي كلمة أقولها يقولها بسرعة قدامي ويضحك واليف ويتكلم كلام كثير ويحفظ الكلامات خلال ثانية وحدة تبغى ببغائك زي ببغائي خليه معك في البيت ويشوفك وانت جالس قريب منه ... إلخ وببغائي نوعه بلو فرونتد زيك أبو الببغاوات