|
طيري الامازون ما ياكل
السلام عليكم
عندي ببغاء امازون دبل يالو هيد كان ياكل عدل ماشاء الله وشهيته كانت مفتوحه بس من 10 ايام لاحظت ان اكلته خفت واايد شكيت انه مريض وديته للبيطري فحصه طلع عنده مرض اسمه ( كنكر ) الحمد لله عالجته وكان علاجه عباره عن مضاد كل 12 ساعه لمدة اسبوع واحطه بنسبه معينه في الماي بس انا لاحظت انه ما ياكل ولا يشرب قمت اعطيه الدوا في فمه عن طريق الابره طبعا كان عنااااء بس الحمد لله خذ الكورس كامل وخلصت .. واكلته خفيييفه يعني ما ياكل اكثر عن 30 حبه في اليوم كامل وبس يبي ياكل الاشياء الخفيفه الي في الحب المشكل وحتى لو كل ماياكل وايد .. الحين انا صارلي مخلصه العلاج من يومين تقريبا وهو على نفس الحاله وديته للبيطري فحصه كذا مره قال مافيه شي وتعافى من الكنكر الحمد لله طيب موضوع الاكل ؟؟ قال لازم ياكل بس ما ادري ليش ماياكل دامه تعافى شو السبب انه مارجع نفس قبل ؟ ملاحظه يسوي حركه كانه يبي يستفرغ يوميا يسويها والدكتور قال لي عادي لان كان يتعالج وياخذ دوا افيدوني اذا عندكم خلفيه عن الموضوع او حد كان يعالج طيره ونفس الموضوع صارله انه طيره ماياكل حتى بعد ماتعالج وعطوني رايكم Sent from my iPhone using 2zoo.com |
رد: طيري الامازون ما ياكل
هلا اختي ان شاء اللة ما فيه إلا العافيه ولا تحاتين وهذا شيء طبيعي لأنه كان مريض وهو الان في مرحله التعافي بالتدريج أهم شيئ يكون الطير نشيط وغير خامل ونافش ريشه اذا كان غير ذلك مافيه داعي انج تحاتين وإن شاء الله الأمور طيبه وحاولي انج تخلين الطير في مكان دافيئ وغطيه في الليل ونصيحتي لج انج تعطينه بعض الفيتامينات والكالسيوم طبعا هذا راح ينفع الطير ويبني جسمه من جديد..موفقه اختي .وإذا صارت حالته افضل طمنينا عليه.
|
رد: طيري الامازون ما ياكل
اقتباس:
هلا اخوي اليوم بدا ياكل شوووي بس احسن عن امس وقبل امس .. بس بغيت افهم هو اذا نافش ريشه شو معناته ؟ هو مرات ينفش ريشه وينفضه ويبقى شووي نافشه لمدة دقيقه او اقل ويرجع ريشه عادي Sent from my iPhone using 2zoo.com |
رد: طيري الامازون ما ياكل
وخبرني شو اسامي الفيتامينات والكالسيوم الي اجيبهن
أرسلت بواسطة iPhone بإستخدام 2zoo.com |
رد: طيري الامازون ما ياكل
اختي ان شاء اللة الأمور طيبه ونفس ماخبرتج في التعليق السابق .اما بخصوص الفيتامينات انا انصحج في امينو فيت .
|
رد: طيري الامازون ما ياكل
اقتباس:
الحمدلله هو الحين ياكل يعني فيه تحسن بس في حركه يسويها كانه يبا يستفرغ وهالحركه يسويها فقط اول مايقوم من النوم الصبح Sent from my iPhone using 2zoo.com |
رد: طيري الامازون ما ياكل
هذا يبا بعطيك من ماعنده و معناه الحب وتقدير لك كمربيته.
كأنه يفرغ من أكله عشان يعطيك إياه. ما شاء الله عليه و يباركلك فيه Sent from my iPhone using 2zoo.com |
رد: طيري الامازون ما ياكل
اقتباس:
معقوله يسوي هالحركه تعبيرا عن الحب حتى وهو مب مروض؟ ترا طيري مب مروض 100% اشتريته فيه خوف ويجاعر روضته شوويه بس بعده مب متعود علي وايد Sent from my iPhone using 2zoo.com |
رد: طيري الامازون ما ياكل
كم من الوقت تقضي وياه باليوم؟
Sent from my iPhone using 2zoo.com |
رد: طيري الامازون ما ياكل
اقتباس:
انا جبته من 20 يوم تقريبا .. وهو 24 ساعه قدامي لان حاطتنه في غرفتي طبعا الا اذا انشغلت في شي برا غرفتي و وقت نومه اطلعه برا الغرفه له مكان للنوم .. لما جبته في البدايه كان صعب ويجاعر واايد ومايخليني امسح ع راسه ولا يجيني بس الحين الحمد لله امسح ع راسه وجسمه كامل بس شووي يجعر بعدين يسكت ولما اقول له تعال على اساس يطلع ع ايدي يجي بس يكون نفس الخايف ومب من اول مره يجي يعني من ثاني مره انا روضته شوي بس مسكين مرض وصارلي اسبوع ما كنت اتعامل معاه عشان ما اجهده الا اذا عطيته الدوا والاكل او انظف مكانه والحين تعافى الحمد لله صارلي يومين خلصت له كورس العلاج ولاحظت انه يسوي الحركه انه يبي يستفرغ بس اول ما يقوم من نومه قبل ماكان يسويها ووديته للدكتور فحصه قال مافيه اي شي ف بنتظر كم يوم اذا استمر بهالشي بوديه لبيطري ثاني انا قلت يمكن من البرد وصل لمعدته مع ان الحف القفص عدل واحس انه متدفي الله اعلم |
رد: طيري الامازون ما ياكل
اختي أنا متابع موضوعك من اول يوم كتبتي فيه فعالمنتدي. عازف انه كان مريض والسالفه كامله ..[emoji1]
طيرك ما شاء الله عليه مافي الا العافيه حاولي لا اتزيدي زيارات البيطري لانها ضاره أكثر عن نفعها.. الواحد بودّي البيطري عند المرض مش لما الطير يبدا يتعلق فيكي .( مجرد نصيحه). الطير بحدود السنه لازم يبدأ بالكلام ركزي على كلمه وحده بسيطه ١٠ دقايق الفجر و الظهر والمسا بدون اَي شي يشتت تركيزه وان شاء الله بتتذكري كلامي، فجأة بتسمعيه يناديكي. أنا الي قلتلك شيلي عنه الحب وركزي عالتفاح والفواكه والتنويع بالاكل. تقبلي مروري و بالتوفيق Sent from my iPhone using 2zoo.com |
رد: طيري الامازون ما ياكل
اقتباس:
هيه اتذكرك مب ناسيه النك و ان شاء الله بسوي مثل ماتقول لان اكثر عن شخص قال لي نفس الشي و الحين مركزه وياه ع كلمة السلام عليكم واسمه اما بخصوص الاكل هو بس يبي حب وحب مشكل وزوبريم وهالامور الجافه مب متقبل الفواكه ابدا انا اقدر اجوعه واجبره عالفواكه بس قلت بعد فتره مب الحين Sent from my iPhone using 2zoo.com |
رد: طيري الامازون ما ياكل
السلام عليكم - طمنينا اعلى الطير ؟ ان شاء الله اموره طيبه؟
Sent from my iPhone using 2zoo.com |
رد: طيري الامازون ما ياكل
اقتباس:
الحمدلله تعالج وصار 100% وبدا يتكلم شوي Sent from my iPhone using 2zoo.com |
رد: طيري الامازون ما ياكل
مت شاء الله - شو قال اول شئ؟
Sent from my iPhone using 2zoo.com |
رد: طيري الامازون ما ياكل
على نفس الكلمه لين يتقنها ١٠٠٪
Sent from my iPhone using 2zoo.com |
رد: طيري الامازون ما ياكل
اقتباس:
انا اقول له بوسه بوسه هو يطلع صوت البوس ويقول بابا ويقلد صوت الضحكه ويبي بقول اسمه بس مب واضح ويقول كلمة شاطر بس مب واضحه وايد يعني توه بادي ماشاء الله Sent from my iPhone using 2zoo.com |
| جميع الأوقات بتوقيت GMT +3. الساعة الآن 09:52 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو