|
بصراحه ... كنت أضحك عليكم
السلام عليكم ورحمة الله وبركاته
بقول لكم سالفتي مع منتداكم وشلون قدرتوا تغيرون طبعي 180 درجه :) أنا كنت أكره الحيوانات ولا أهتم بالزراعه والحدائق دخلت منتداكم بالصدفه أول ما فتحت الصفحه الرئيسيه عجبني تصميمها وقلت شكله هالمنتدى حلو ولما قريت أقسام المنتدى انصدمت أنه خاص لمربي الحيوانات و للمهتمين بالنباتات أول مره أدري أن في منتدى خاص لهالهوايات المهم فضولي دفعني أني أقرى مواضيعكم بصراحه بصراحه ومن غير زعل كنت أقرا وأضحك أقول من صجهم يبشرون بعض اللي باضت حمامته واللي مستانسه بقطوها وتحط صوره واللي يورينا نباتاته الداخليه واللي مصور حوض الأسماك ويقول أسامي أسماكه كنت مستغربه كنت كل يوم أدخل للمنتدى وأقرا كل الأقسام وصرت أستمتع بمواضيعكم لأنها مو نفس مواضيع المنتديات الباقيه أغلب المنتديات مواضيعهم متشابهه شوي شوي حبيت هواياتكم وحبيت البلبل من كلام الأعضاء عنه وسجلت بالمنتدى وسألتهم عن البلبل وماقصروا معاي وان شاء الله بشتري بلبل قريب وبعدين عجبني قسم النباتات وشفت أهتمام الأعضاء بنباتاتهم وقررت أني أهتم بحديقة بيتنا وفعلا أبتديت بتعديلها والأخوان بالقسم ماقصروا عطوني معلومات مفيده هذي قصتي مع منتداكم الأكثر من رائع والمتميز بأعضاءه ومواضيعهم الحلوه والمفيده عاد شكلي عقب شهر بربي كل حيوانات الأقسام وأترس بيتنا نباتات :) أهنيكم على هواياتكم الحلوه اللي تقضون فيها وقت فراغكم فعلا منتداكم متميز وحلو وغريب ومفيد |
رد: بصراحه ... كنت أضحك عليكم
والله المنتدي جميل جداااااااااا ويجذب انتباه الجميع بمواضيعه وتصميمه الجميل
وانشاء الله تشتري البلبل وتحطي صوره بالمنتدي |
رد: بصراحه ... كنت أضحك عليكم
عالعموم حياك الله بمنتداك و بين اخوانك
|
رد: بصراحه ... كنت أضحك عليكم
حياك الله كويتية ......
اهم شي انضمامك الرائع الينا ,,, وانشاء الله نشوف ابداعاتك معنا ,, نبغى نشوف وروود وحاجات من انتاجك .... :) وصدقني اذا نجح الامر راح تفرحي وتجي تفرحينا معاك :p وخلي الناس يضحكو :D بس مابيحسون في الي تحسين فيه ;) في انتظار ابداعاتك والى الامام الطاير |
رد: بصراحه ... كنت أضحك عليكم
هلا كويتيه
الاعضاء لما يكتبون مواضيع عن حيواناتهم ونباتاتهم في الاقسام بـ هالمنتدى المتميز لسببين: اولا لانه مخصص لهواة الحيوانات والنباتات . ثانيا لانه لما يكتب هو يدري ان الكل عنده نفس حيوانه لان مشاء الله المنتدى مخصص لكل حيوان ,طائر او نبات قسم خاص به فيعلم انهم يبادلونه الشعور وحياج الله بمنتدى تو زوو واتمنى اني ما طولت عليج بالكلام ,,,, وعلى فكره لما قلتي ان المنتدى غيرج ترى هذا زاد من ثقتنا :) اعجبتني صراحتج,,, ومشكوره ع الكلام الحلو |
رد: بصراحه ... كنت أضحك عليكم
nigerman
شكرا لك عالمرور وان شاء الله اذا شريت بلبل ببشرك ___________ هاوي ثعابين الله يحييك وشكرا عالمرور ______________ الطاير اليوم أتفقت مع مزارع يعدل الحديقه لأن الجو حار مايشجع ماتتخيل فرحتي وأنا أخطط للحديقه شكرا عالمرور ___________ هاوي زرازير اذا دخلت للمنتدى أحس اني داخله غابه أو أدغال أفريقيا فعلا متعه مواضيع تشوق وصور حلوه أنا سعيده بانظمامي للمنتدى وان شاء الله أفيد وأستفيد شكرا لك عالمرور |
رد: بصراحه ... كنت أضحك عليكم
والله منتدي 2ZOO ما في احلي منه:o
|
رد: بصراحه ... كنت أضحك عليكم
الحمد لله واخيراً صرتي تحبين الحيوانات والنباتات :)
مع العلم انها جزء من الطبيعة ولازم كل شخص يحبها ويهتم فيها عموماً وبدون مبالغة منتدى 2ZOO من اعظم واجمل المنتديات وانا والله مالي بالمنتديات وما ادخلها بس ... توزوو مو منتدى هذا بيتي واسرتي الثانية (f) |
رد: بصراحه ... كنت أضحك عليكم
مايا
يسلمو عالمرور الحلو :) ___________ jolie عدل كلامج منتدى 2zoo من أجمل المنتديات ومميز وأكثر منتدى ياخذ وقتي شكرا لج عالمرور:o |
رد: بصراحه ... كنت أضحك عليكم
وعليكم السلام ورحمة الله وبركاته.............
والله ياكويتيه سالفتك عجيبه....:D عسى بس مب انا اللي ضحكتي علي....:rolleyes: بس بصراحه انت كذا.......عجبتني صراحتك......:cool: والحيوانات شي غير..... جربي..بنفسك وراح تعرفين ليش انا كذا.........;) وحياك معنا في تو زووو......................:cool: |
رد: بصراحه ... كنت أضحك عليكم
الله يحيكي والحمدلله انك عرفتي المقصد من هذا المنتدى البناء والذي اطلقت عليه من زمان الصرح العظيم حياكي الله واسعدك في حياتك وانار الله طريقك بالنور
|
رد: بصراحه ... كنت أضحك عليكم
مخاويه قطاو
وأنتي الصاجه سالفتي تصلح فلم هندي :) يسلمو عالمرور الحلو القطوه اللي نتوقيعج تهبل ماشاء الله ______________ مادرول 2002 عدل كلامك توزوو صرح عظيم بين باقي المنتديات جزاك الله خير عالدعاء شاكره لك مرورك وتعليقك |
رد: بصراحه ... كنت أضحك عليكم
طيب انت وش عندك الحين.....قطو...فار....ارنب..هامستر...سمك...؟؟؟؟؟:rolleyes:
يارب قطوه....:D واللي في توقيعي جودي....قطوتي المصونه....انثى...:D |
رد: بصراحه ... كنت أضحك عليكم
والله المنتدى عجيييييييييييب مو بس جميل
والله العظيم احلى منتدى اشتركت فيه شكرررررررررررررررررررررررررررررررررررررررررا :cool: |
رد: بصراحه ... كنت أضحك عليكم
مخاويه قطاو
هلا فيج ماعندي شي بشتري لي ان شاء الله بلبل وأسماك ياحلوها جودي ماشاء الله تهبل مبين عليها دلوعه :) _____________ puisher عدل كلامك المنتدى حلو وبصراحه مواضيع الأعضاء رائعه شكرا لك عالمرور |
رد: بصراحه ... كنت أضحك عليكم
اها......بلبل اجل......او اسماك.....
يعني ماتحبين القطاو.....ولا مالك خلقهم......:rolleyes: جودي..دلوعه ..ثقل رزينه....حتى اللعب ماتلعب...احسها تستسخفني لما العب معها...لانها تعطيني اشكل.<<<<قسم بالله مااكذب....:D |
رد: بصراحه ... كنت أضحك عليكم
مرحبا بك سعدنا بك نتمنى لك أطيب الأوقات بيننا وإن شاء الله تجد كل تعاون وإخاء وفائدة من الجميع ننتظر مشاركاتك والله ياليت امي تسجل بالمنتدى وتتغير 180 درجه :D.. |
رد: بصراحه ... كنت أضحك عليكم
مخاويه قطاو
موسالفة مالي خلق القطاوه أو ما أحبهم الا أخاااااااااااااااااااااااااااااااااااااااااااااااااف منهم اذا مرت قطوه من جنبي أتجمد بمكاني لين تروح القطوه ... ماتخافين تعضج أو تشمخج بأظافرها :) والله قطوتج ثقيله شكلها حلو وايد بس اذا ماتلعب معاج شنو مستفيده منها متخيله على يوم تلعبين معاها وتناقزين وقطوتج تهز راسها وتقول الحمد لله والشكر :) يسلمو عالمرور الحلو |
رد: بصراحه ... كنت أضحك عليكم
عاشقة الطيور
أسعدني مرورج خلي أمج تطالع صور حيوانات الأعضاء متأكده بتحبهم شكرا لج عالمرور |
رد: بصراحه ... كنت أضحك عليكم
تخافين منهم...اهاااااااااا...هذي مشكله والله....انا جودي قلت لك لاتهش ولاتنش....حتى المشخ ماتمشخ تبينها تعض....والله ولا شي تسوي......
انا عندي لوكي بعد مب جودي بس.....ولوكي يكفينا هباله...... ههههه ...على فكره تخيلك في محله..... |
رد: بصراحه ... كنت أضحك عليكم
حطيلنا صور لوكي شوقتينا نشوفه :)
|
رد: بصراحه ... كنت أضحك عليكم
والله العضيم انه المنتدى مو بس عجيب فوق العجيب والاعضاء الي فيه معلوماته موهينه
وافادوني واااااااااايد وانشاله انشوفج تارسه المنتدى مواضيع ويعطيكم العاااااااااااااااااااااااااااااااااااااافيه :rolleyes::rolleyes::rolleyes::rolleyes::rolleyes::rolleyes: |
رد: بصراحه ... كنت أضحك عليكم
حياج الله
|
| جميع الأوقات بتوقيت GMT +3. الساعة الآن 10:29 AM. |
Powered by vBulletin® Version 3.8.8 Alpha 1
Copyright ©2000 - 2026, Jelsoft Enterprises Ltd
الحقوق محفوظة لمنتديات تو زوو