![]() |
كسر فى عظام الورك (الفخد)
عندى قطة ذكر تبلغ 5 سنوات ,, بالامس وقعت من البلكونة من الدور الثالث مع العلم انهم بيقعدو عادى جدا بدون مشاكل بس قدر الله ما شاء فعل
وبعد مجبت القط ليتو عمال يسرخ ورافع رجلو خالص دلوقتى انا وديتو عند 2 بيطرى والاتنين اجمعو على ان فى كسر مضاعف + خلف فى المفصل + تهتك فى الاربطة + تجمع دموى فى القدم اليسرى ودلوقتى العلاجات المتاحة الدكتور قالى جراحة وتركيب شريحة ومسامارين والمشكلة دلوقتى ان التكلفة حتتعدى 5 الاف جنية مصرى ,,, وبصراحة انا معيش المبلغ دة الحل التانى الدكتور التانى كتبلى على حقن fortum 250 وفيتامين ديكال ب 12 ومسكن كتافلام نقط وقالى دة فى حالة الوجع الجامد .. دلوقتى القط واخد النهاردة 3 حقن مسكنات ومضادات للالتهاب والحمد لله جبت الحقن والعلاجات الدكتور قالى عليها .. القط حاليا نائم بسبب المسكن وهادىء شوية بس بعد مفعول المسكن بتبقى مشكلة ومش بيطيق حد يقرب منو خالص ... والدكارتة قالولى بصراحة ان عمرو ماحيرجع زى الاول ... وحاليا مش حتفرق معايا الموضوع دة اهم حاجة دلوقتى هل العلاجات دى كافية ... وامشى على العلاج دة وخلاص .. ثانيا بالنسبة للأكل هو مش عايز ياكل ولايشرب لبن يدوب بيشرب ميا ... مع ان امبارح اول لما جبتو على طول بعد موقع شرب لبن كتير ومياة ,,,, النهاردة مش عايز ياكل ... هل اغصب علية ولا اعمل اية ... مع انو ما شاء الله كانت صحتة كويسة جدا وبياكل كويس لكن هو دة النصيب فى نقطة اخرى ان القط حاليا بيعمل البول والبراز على نفسو ودى مشكلة تانية خاصة اننا مشش عارفين ننظفة او نعملة حاجة الدكتور قال انو مع الوقت حيتعود ويعمل حمام عادى ومع الوقت وبدون جرحات حيلتئم العظم شوية ... وعلى الاقل يقدر ياكل ويشرب تنصحونى بأية .؟ مع العلم انى فكرت فى اراحة القط عن طريق الموت الرحيم ولكن صعب عليا والدكتور قال انو مش شايف ان هو محتاج الموضوع دة بس بنفس الوقت ذكر ان حالة القط صعبة ومعقدة شوية .. اهم حاجةداوقتى انى عايز اخلية يتكيف مع الوضع الحالى وبالنسبة للأكل والشرب بحاول اوفرو كل انواع الاكل الهو بيحبو بس ملهوش نفس للأكل :( |
رد: كسر فى عظام الورك (الفخد)
اهلا بيك
الله يكون ف عونه و عونك طب ليه معملوش للقط جبيره او جبس وفي حقن لازم ياخد فيتامين b عشان يساعده المسكن كويس بس متكتريش من استعماله عشان ميحصلوش قرحه الاكل ركزي علي الكالسيوم طبعا هو رافص الاكل سبب الالم ولازم تقيسي حرارته كل شويه لان احتمال كبير يسخن اما الاخراج حطي تحته قطع قماش وغيريها ب استمرار عارفه ان الموضوع متعب و مقرف بس هو محتاجك ومالوش غيرك وضرووري تروحي لدكتور ميكنش همه الفلوس لان الموضوع ممكن يكون سهل وعما بيعقدوه انتي منين بالظبط عشان اقدر افيدك |
رد: كسر فى عظام الورك (الفخد)
اولا بشكرك يا استاذة على ردك .. انا من مصر من المنيل
بالنسبة للجبيرة او الجبس الدكتور قال ملهاش اى لازمة ومش حتنفع فى الحالة بتاعتى دى هو اقترح فقط موضوع الشريحة والمسامير بالنسبة للفيتامين الدكتور كاتب دواء ديكال 12 ودة فيتامين ب 12 وفيتامين د والكالسيوم ولكن الفيتامين دة بالسرنجة عن طريق الفم 1 سم الصبح و1 سم بالليل والحين نفس الكلام واحدة الصبح وواحدة بالليل بالنسبة للاكل انا برضو بغصب علية فى الاكل شوية شوية .. انا والله رحت لاتنين دكتور من ضمنهم ... الموجود فى فيصل واعتقد ان هو دكتور كويس جدا وهو القالى على موضوع الشريحة دة وقالى على اسم دكتور تانى هو البيعمل الموضوع دة . وموجود فى المعادى الدكتور التانى لما كلمتة قالى ممكن نعملة جبس ودة حيكون اقل من 500 بس هو بنفس الوقت مكلف جدا .. والدكتور الاول النا روحتلة قالى مش محتاجين غير العللاجات القال عليها وقالى هو عمرة محيرجع زى الاول وحيمشى يعرج على طول .. وفى نفس الوقت احنا مستعدين فى البيت اننا نرعى ونشيل القط دة لحد مربنا يكرمة او لا قدر الله مات ... يبقى عملنا العلينا برضو ... وسالت ايضا طبيب بشرى قالى بشكل عام هو خلاال يومين حيبان كل حاجة لو بدا يقوم وياكل وكدة يبقى حيتكيف مع الوضع الجديد وشوية شوية حيخف الوجع مع العلاج وهو القط حينسى الموضوع دة خالص ولو عدى يومين تلاتة من غير اكل يبقى مش حيكمل ,,, وللعلم الدكتور مكتبش اى علاجات ولا عمل حاجة غير انو ادى القط 2 حقنة واحدة مسكن وواحدة مضادة للالتهاب والحمد لله يعنى الحقنة بقالها المفعول 7 ساعات تقريبا والقط هادىء شوية بسبب المسكن س: هو ممكن اديلة الفيتامين عن طريق الحقن ؟؟ لانى حاسس انو حيكون اسهل بكتير من السرنجة ؟ |
رد: كسر فى عظام الورك (الفخد)
كويس
خلاص امشي علي علاج الدكتور بلاش نلغبط وان شاء الله هيخف ويلقي زي الفل انا بردو قطتي وقعت من الدور التالت وجالها كسر ف الحوض والحمدلله بقالها اسبوعين وابتدت تمشي بردو كانت رافضه الاكل والشرب بس الدكتور ادها فيتامين ب و كان في حقنه بتاخدها كل 3. ايام من عنده حقنه بيطري طمني علي قطك بليز اول ب اول وانا متابعه معاك |
رد: كسر فى عظام الورك (الفخد)
كويس
خلاص امشي علي علاج الدكتور بلاش نلغبط وان شاء الله هيخف ويلقي زي الفل انا بردو قطتي وقعت من الدور التالت وجالها كسر ف الحوض والحمدلله بقالها اسبوعين وابتدت تمشي بردو كانت رافضه الاكل والشرب بس الدكتور ادها فيتامين ب و كان في حقنه بتاخدها كل 3. ايام من عنده حقنه بيطري طمني علي قطك بليز اول ب اول وانا متابعه معاك |
رد: كسر فى عظام الورك (الفخد)
الف شكر لحضرتك على الرد بس ممكن اعرف اية اسم الحقنة دى ؟ وبالنسبة للامتناع عن الاكل قطتك قعدت قد اية تقريبا ؟ وهل فى حاجة غير الفيتامين ب ؟
هوالدكتور كاتبلى على حقن بتتاخد مرتين فى اليوم اسمها FORTUME وبالنسبة لموضوع الاكل انا مثلا من شوية اكلتة نصف قطعة جبنة مثلثات يعنى انا بمسحها كدة فى بقو من الجنب وهو بيلحسها بحيث انة يبقى فى اكل فى معدتة مع العلاج .. انا والله حاسس ان هو جعان واحطلو اى اكل يشمشم في ويمشى فعشان كدة بحاول أأ كلة وافضل حاجة واسهلها الجبنة النستو وبالنسبة للفيتامين بياخدو مرتين 1سم بالليل و1 سم الصبح وانا برضو حتابع مع حضرتك أول باول وربنا يقدم الفى الخير وشكرا جدا على ردك |
رد: كسر فى عظام الورك (الفخد)
اسم الحقنه هدورلك عليها
بس مادام بتاخد فيتانين ب ده المهم الاكل خاول معاها ب زبادي بالعسل مثلا او كوسه وافرمها كويسواكلهاله بالسرنجه وعليك باللبن والبيض بس حاول اللبن يكون نص دسم عشان ميجلوش اسهال قطتي قعدت حوالي 4 ايام رافضه اي اكل واي شرب لدرجه.كنت ب اكلها زبادي. بالسرنجه وبعد ما اكلها ترجعه كله وكلنت دبلانه خالص بس الحمدلله بقت زي القرده صحيح بتعرج بس الحمدلله انها عايشه اتمني لقطك الشفا ويارب يقوملك بالسلامه وتحت امرك ف اي سؤال ومستنياك تطمني عليه |
رد: كسر فى عظام الورك (الفخد)
الف شكرلحضرتك وربنا يخليلك قطتك يارب
وان شاء الله حتابع معاكى فى كل حاجة |
رد: كسر فى عظام الورك (الفخد)
عطيتك اسم دكتور على الخاص اتمنى تتواصلين معه ..
لازم ياكل غصب اكل سائل بالسرنجه وانتبهي يصيبه جفاف حاليا معرض له في اي وقت |
رد: كسر فى عظام الورك (الفخد)
اقتباس:
|
رد: كسر فى عظام الورك (الفخد)
طالما الأطباء قالوا انه يحتاج لتركيب شريحه مثبت بالمسامير معنى ذلك أن هناك كسر متباعد أي أن العظام مفصوله أو مفصوله تقريباً وخاصة إن كان كلامهم مقرون بصور أشعه ،،لكن غريب كيف يروح وحده يشرب مويه بهالحاله.!! على كل ياريت تعطيه المهدئات (مكسنات الألم)بأوقاتها عشان مايحس بالألم حرام الله يرضى عليكي ويفضل أن تخلطي صفاربيضه مسلوقه مع حليب بالخلاط وتعطيه بالسيرنجه باليوم مرتين عالأقل لأن البيض والحليب يساعد على تكوين نقي العظام وبالتالي يساعده على تعويض الفاقد نوعاً ما.
|
رد: كسر فى عظام الورك (الفخد)
ماهو انا والله حسيت ان الدكتور دة بيحاول يعمل شغل .. كل واحد بقى وحسب ضميرة ..
الحمد لله النهاردة حال القط افضل كتير ... حطيتلو النهاردة بيضة مسلوقة وقام كل منها شوية .. مش كتير بس بدأ ياكل والحمد لله كدة بالظبط بقالى تقريبا اكثر من 24 ساعة ومفيش اى الم من ساعة مخد الحقن امبارح وكمان النهاردة لقيتو قام دخل الحمام وعمل بول لوحدة فى الرمل وكان دة بصراحة مفاجىء ليا انو قام لوحدة ووصل للرمل وقدر ان هو يقف على 3 اطراف بس عموما انا برضو مستمر على العلاج وبعد اسبوعين المفروض الدكتور حيشوفو وانا حتابع بس مع الدكتور الاول الكتبلى اصلا على العلاجات والنهاردة كان فى مشكلة بالسنبة للحقن ان القط دلوقتى بقى عفى شوية وهو ما شاء الله حجمة كبير وانا بديلو الحقنة مش زى الدكتور خالص .. الدكتور ايدو خفيفة واسرع بكتير فقلى خلاص نستبدل الحقن بمضاد حيوى شرب عن طريق السرنجة مرتين يوميا 2 سم الصبح وزيهم بالليل .. الفرق بس ان الحقن كانت اسرع ملاحظة : على فكرة يا جماعة انا مش بنت ... عشان انا ملاحظ ان ردود الناس عليا فيها ة فى الاخر |
رد: كسر فى عظام الورك (الفخد)
اهللا بيك
سوري علي ال ة هههههههههههه الحمدلله واللهوفرحتني كتير ان شاء الله هيتحسن اكتر واكتر الحقن سهله خلي حد يمسك القط واديهاله هي حقن ف الورك ولا ف الرقبه اكيد ف الورك ماداممضاد هات اصغر سن من الصيدلي وخليك سريع بس بردو اوعي تيجي عند العضم لو لاقي نفسك مش،قادر خلاص خليها شراب اامن |
رد: كسر فى عظام الورك (الفخد)
ماهو الدكتور قالى خليك فى السرنجة افضل عشان القط ميتاذيش
والحمد لله انا نظفت القط من البراز الكان موجود فى ولازق كمان فى الشعر وقصيت ايضا الشهر عند المنطقة دى عشان اسهل علية برضو لما يروح الرمل ومن شوية برضو الحمد لله دخل لوحدة الحمام تانى والنهاردة الحمد لله اكل لوحدو ... وبالنسبة لموضوع السن فعلا انا جبت اصغر سن من الصيدلى بس المشكلة ان حقنتين السن بيتنى والدكتور قالى بلاش السن الكبير عشان متعوروش وقالى خليك فى المضد الحيوى وان شاء الله انا برضو حتابع معاكم وسبحان الله والحمد لله رب العالمين على كل حاجة ... عندى قطة بعمر سنتين والله لحد النهاردة الصبح كانت كويسة وبتاكل وفجاة والله الساعة 6 مساءا لقيتها بتريل وبتنونو بصوت عالى وبتتنفس بسرعة وعمالة بتنهج ولاحظت انها عملت براز على نفسها ولونة كان بنى وفى احمر خفيف ... كلمت الدكتور قالى شاكك انو تسمم على طول والله روحتلة قالى ان حالتها صعبة جدا .. قالى كلت حاجة مش نضيفة او بلعت حاجة .. برغم ان القطط كلها بتاكل من نفس الاكل ومفيش اى اكل بيبقى بايت والميا كل يوم بغيرها ونضيفة ... عموما اداها 3 حقن بس قدر الله ما شاء فعل وانا فى الطريقة للبيت لقيتها بتتشنج جامد وبتسرخ بصوت عالى فقلت كدة خلاص لانى ماتت عندى قطتين السنادى واحدة طبيعى وواحدة كان عندها مشاكل فى الكلى وكانو بيعملو برضو نفس الحاجات دى لكن بدرجات متفاوتة وبالفعل بعد ساعة بالظبط من التشنج والنونوة ماتت القطة وكنت حتجنن مش مصدق نفسى لانها كانت كويسة ومفيش اى حاجة وبتاكل وبتلعب وفجاة بقت بالمنظر دة ... ونحمد الله على كل حاجة وبرغم انى متضايق جدا لانى حاسس انها كانت بتتألم جامد جدا بس مفيش حاجة اقدر اعملها وحتى الدكتور والله وانا عندة قالى مش حتعيش لبكرة ورغم كدة برضو خدت الحقن وجبتلها العلاج وعلى مروحت البيت يدوب مفيش بدأت تتشنج جامد وتسرخ وبتاخد النفس بصعوبة فضلت كدة حوالى 10 دقايق على الوضع دة وبعد كدة فضلت زى ماهى على جنبها وفضلت لحوالى ساعة الا ربع تتنفس بصعوبة لحد مخلاص ماتت لكن مفيش حاجة كانت ممكن تتعمل تانى غير اننا نشكر ربنا على كل حاجة وفى الاول والاخر دة كان نصيبها ومن ساعتها والله وانا قلبى محروق جدا عليها لانها زى متكون فجأة اتخطفت من قدامى ,, الحمد لله على كل حاجة |
رد: كسر فى عظام الورك (الفخد)
بس انا ال مش قادر افهمة لحد دلوقتى
الاعراض دى : ريالة + تنفس بصعوبة + نونوة بصوت عالى + كانت بتلهث جامد واخيرا عملت براز على نفسها وكان لونة فى احمرار خفيف جدا ,,,, الدكتور قالى غالبا دة تسمم او بلعت حباية ريفو مثلا او اى حباية دواء مع انى معنديش اى رش او مبيدات او اى حاجة ممكن تضرهم خالص ومفيش اى ادوية واقعة خللص فى الارض ولو افترضت انها كلت حاجة مش نضيفة فممكن تكون اية طيب ,,, وهل دى اعراض تسمم غذائى مثلا ولا تسمم بحاجة تانية . لان الدكتور مفادنيش كتير واسف لو كنت طولت عليكم بس حتجنن والله وهل ممكن فجاة تبقى كويسة وتنقلب حالها كدة على طول وفى ساعتين زمن بالظبط من بداية هذة الاعراض والذهاب للدكتور تموت ... انا عمال بقول مثلا هو عمرها كدة لانى مش مقتنع بقكرة التسم دى وفى نفس الوقت الاعراض دى بقول انها مش طبيعة خالص بالنسبة لموتها... خاصة الريالة الكتيرة دى واللهث وكانها عطشانة ؟؟ وطبعا هو الاول والاخر امر ربنا سبحانى وتعالى بس فقط من باب العلم بالشيء بحاول اشوف كانت اية المشكلة |
رد: كسر فى عظام الورك (الفخد)
ايوه هذا تسمم واقل احتمال انها شافت صرصار او فار مسموم في الحمام واكلته , مو ضروري يكون مسموم عندك البلاعات شايله بلاوي
او انه لعقت سطح مطهر بكلور كانت محتاجه مضاد قوي وشي يوقف الاستفراغ و يمكن الكمية كانت كبيره وماتحملت انا كانت عندي نفس الحاله كان مشلول مايمشي يزحف زحف ويتشنج بشكل مخيف وترجيع واسهال انا قلت خلاص هذا بيموت عالجته في البيت والحمد لله بعد اسبوع قام زي الحصان هو على حسب كمية السم ومتى انت اكتشفت انه تعبان وكيف عالجته .. الله يعوضك |
رد: كسر فى عظام الورك (الفخد)
هو مفيش فران او صراصير خالص فى البيت .ز هو القالو الدكتور ان ممكن تكون كلت حاجة بايظة او ادوية لقيتها واقعة او حاجة
يلا على كل حال الحمد لله على كل شىء وقدر الله ما شاء فعل |
رد: كسر فى عظام الورك (الفخد)
اهلا بيك
انا قطتي سوسو ماتت بتفس الطريقه والله كانك بتحكي الي. حصلها بالظبط ده مش تسمم او اي حاجه ده موت طبيعي هي دي سكرات الموت عند القطط عمرها انتهي وجزاك الله خير. علي انك حاولت تسعفها وان شاء الله قطك هيبقي كويس متزعلش بس ده قدر |
رد: كسر فى عظام الورك (الفخد)
اهلا بيك
انا قطتي سوسو ماتت بتفس الطريقه والله كانك بتحكي الي. حصلها بالظبط ده مش تسمم او اي حاجه ده موت طبيعي هي دي سكرات الموت عند القطط عمرها انتهي وجزاك الله خير. علي انك حاولت تسعفها وان شاء الله قطك هيبقي كويس متزعلش بس ده قدر |
رد: كسر فى عظام الورك (الفخد)
الحمد لله رب العالمين ... بس انا كان عندى قطاتين قبل كدة وماتو لكن مكنش فى اى ريالة او تنفس سريع وبالنسبة للنونوة العالية دى كانت اثناء التشنجات اثناء مرحلة الاحتضار فقط .. لكن القطة دى كانت فايقة اثناء الاعراض دى وكانت لسة مبدأتش مرحلة الاحتضار بالنسبة لها
اما بالنسبة للقط ف الحمد لله رجع زى الاول بالنسبة لحمية الاكل وكمان بيدخل يعمل الحمام فى الرمل عادى لوحدة والنهاردة كان اخر يوم بالنسبة للحقن وحنستمر على الفيتامين بمدة شهر كمان وبعدين يروح لدكتور يبص علية وطبعا بالنسبة للكسر هو مفيش الم خالص بس مش بيقف عليها خالص ولما بيقف عليها بيتزحلق على الارض زي ميكون كدة فاقد الاحساس برجلة دى خالص بس هو الحمد لله متكيف يعنى مع الوضع دة وبيقوم ويمشى على التلت اطراف التانية والدكتور من الاول خالص كان قايلى ان الموضوع دة ملهوش حل ومش ممكن حيرجع يمشى عليها تانى لأن كان وضعها صعب جدا وحتى طبيب بشرى قالى انو مع الوقت هو حينسى الرجل دى خالص وحيبقى مع الوقت متكيف على الوضع الجديد والحمد لله رب العالمين ... كل اليجيبو ربنا كويس |
رد: كسر فى عظام الورك (الفخد)
انتي كلمتي الدكتور اللي عطيتك اسمه ؟
|
رد: كسر فى عظام الورك (الفخد)
لا بصراحة انا مكلمتوش لانة كان حيقلى لازم اشوفة ... ودة كان حيبقى مشوار بالنسبة لى وكان صعب جدا اروحلة
وحاليا انا متابع مع الدكتور الروحتلة أول مرة الهو كتبلى على الحقن والفيتامينات |
رد: كسر فى عظام الورك (الفخد)
طيب اهم شي يكون متابع حاله العظم - لان التأخر بالجبيرة مو من صالحها
|
رد: كسر فى عظام الورك (الفخد)
هو بالنسبة لموضوع الجبيرة الدكتور قالى مش حينفع خالص لان كانت المشكلة الاساسية ان مفصل الفخد حصلو خلع من مكانة ولما رد لمكانة رد بشكل خاطىء وقالى دة مكنش ليها حل والدكتور التانى قالى جراحة وتركيب شريحة ومسمارين بس الدكتور الاول قالى على الحقن وفيتامين ديكال ب12 قالى الفيتامين لمدة شهر ... والحقن كان اخرها يوم الاربع الفات ...
وقالى بعد الشهر دة ان شاء الله حيشوف القط تانى بس هو حاليا القط اصبح فى وضع الطبيعة من حيث كل حاجة بأستثناء المشى بالنسبة لرجلة الفيها المشكلة مبقتش بتوجعو دلوقتى وبلاحظ انو كتير فى الاوقات بيقف عليها لكن مش بيمشى عليها ... وعموم هو الدكتور قالى برضو مع الوقت والفيتامين هو القط حيتعود على الوضع دة ولما يشوفو بعد شهر يعنى حيكون فى اخر شهر 9 حنشوف اية تانى الممكن نعملة ... بس اهم حاجة بالنسبة للجبيرة او الجبس الاتنين اجمعو ان مينفعش جبيرة او جبس خالص للحالة دى |
جميع الأوقات بتوقيت GMT +3. الساعة الآن 12:17 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو