|
مشكلة كريات الشعر Hairball وعلاجها ... مجرب
http://cattyq8.jeeran.com/epzs35.gif السلام عليكم ورحمة الله وبركاته بعد غياب طويل بالنسبة لمواضيعي بالقسم رجعت ومعاي موضوع فررررش وبصراحه محد فاضي يفرفر ب100 صفحه يدور المواضيع قبل لا يكتب شي عشان يتفادى التكرار انا استخدمت خاصية البحث وحطيت جم كلمة تدل على الموضوع وما طلعلي أي موضوع عن كريات الشعر او الـ Hairball واتمنى ما يكون مكرر بس لو طلع مكرر شنسوي بعد :) المهم الموضوع عبارة عن مشكلة تكتل الشعر بالنسبه للقطط لما تلعق نفسها وتبلع الشعر ويسبب تقيؤ وهذا خصوصا بعد الوجبات تتقيأ فهذي اعراض تكتل الشعر داخل المعدة لانه ماراح ينهضم ... وممكن يسبب بعد امساك .. قلة نشاط القطة .. وبعد اللي انا اكتشفته من استعمالي له انه ينفع لتكتل الشعر خارجيا يحمي القطه من هالشي جربته على فطريه وعتريس لانه كان يتسفط شعورهم من كثر لحسهم لروحهم ... عتريس ما يحبه وما كنت اغصبه عليه .. فطريه تمووووت عليه يعجبها طعمه وكنت اعطيها ... النتيجه انه عتريس ظلت تطلع فيه التكتلات اما فطريه ولله الحمد صار شعرها حلوو ومافيه اي تكتلات شكل المنتج http://cattyq8.jeeran.com/31435503_lg.jpg وهذا اللي انا سبق واستعملته ولازلت استعمله بعد واهو بنكهة الـ malt واللي ماعرف شنو يعني بالعربي http://cattyq8.jeeran.com/31435502_lg.jpg هذا بنكهة السلمون بس ما شفته ولا جربته اعتقد بس الازرق اللي متوفر بالكويت http://cattyq8.jeeran.com/th0fc3cdd6.gif للمعلومية يستعمل للقطط الصغيره والبالغه طريقة الاستعمال : للقطط البالغة : تعطى لعقه وحده منه لانه هو عصار او اذا القط رفض يتم وضع مقدار انش ( شويه يعني ) على يد القطو واهو راح يلعق ايده لان القطط ماتحب يكون على يادها شي دبق ... بين الوجبات للقطط اللي فيها هالحاله كل يوم مره وحده او مرتين الى ان تختفي الاعراض ... وبعدين يتم اعطائها مرتين بالاسبوع او مره بس للـ kittens ( القطط الصغيرة فوق الاربع اسابيع ) : تعطى مقدار نص انش .. يعني نص الكميه اللي تعطونها للكبار مره بالاسبوع او مرتين .. |
رد: مشكلة كريات الشعر Hairball وعلاجها ... مجرب
مشكوره على الموضوع الجميل
|
رد: مشكلة كريات الشعر Hairball وعلاجها ... مجرب
شكرااااااااااااااااااااااااااااااااااااااا كثييييييييييييييييييييييييييييييييرا
|
رد: مشكلة كريات الشعر Hairball وعلاجها ... مجرب
انا كل اسمع عن الهير بول بس ولا مره شفت قطوتي اطلع وحده !!
مع انها عندي من 4 اشهر و على فكره ...malt= شعيرو يعطيج العافيه على هالموضوع ^^ |
رد: مشكلة كريات الشعر Hairball وعلاجها ... مجرب
شكراً يا أختي على الموضوع الجميل والمفيد
صراحتاً ما كنت أعرف هذي المعلومه لولاكي وأنا دايماً أشوف لولو ووسيم يلحسون جسمهم وبعض الأحيان يبلعون شوي من شعرهم وهذا يبين سبب استفراغ وسيم ليلة الأمس بس عندي سؤال هذا المنتج يمباع في السبرماركات وشكراً تقبلي مروري |
رد: مشكلة كريات الشعر Hairball وعلاجها ... مجرب
الف شكر اختي كاتي عالموضوع المفيد للكل وخصوصا الي قططهم تعاني من تكتلات الشعر
بالنسب لي لورد عنده هالمشكلة لكن كويني الحمدلله مافيها شي وعلى فكرة الي ما يحصل هالمنتج يقدر يعطيهم خضار لانه الخضار يساعد على انه القط يخرج كريات الشعر |
رد: مشكلة كريات الشعر Hairball وعلاجها ... مجرب
الله يسلمكم ويخليكم يارب
<<< مشكور لونلي هانتر ع المعلومه كنت جاكه انه شعير بس خفت اقولها وتكون غلط >>>> خيال القطط .. ايه متوفر .. انا اول مره شريته من صيديله بيطريه كنت ابي فيتامين لوحده من قطاوتي لانها ضعيفه وماتاكل عدل .. قال هذا يساعدها قلت اخاف ماتحبه ولا تاكل منه قال بالعكس طعمه حيل طيب وراح تحبه وشريته ... بعدين رحت ذاك اليوم بمركز سلطان ( سوبرماركت ) ولقيته بالصدفه وجذي كان ماكو شغل قريت اللي عليه من ورا وطلع بالاساس حق تكتل الشعر واكتشفت عاد من سالفة فطريه وعتريس معاه قبل شلون كانت النتايج <<<< رعود .. تسلم على التعقيب وما قصرت بس الخضار مو كلها زينه للقطط وبعدين بعضهم ما يحبونها ومستحيل تقدر تغصبهم حتى لو حاولت تخلطها لهم مع اكلهم عنيدين |
رد: مشكلة كريات الشعر Hairball وعلاجها ... مجرب
شكرا على المنتج
ممكن نلاقيه فى مصر......!؟ |
رد: مشكلة كريات الشعر Hairball وعلاجها ... مجرب
يسلمو على الموضوع
|
رد: مشكلة كريات الشعر Hairball وعلاجها ... مجرب
<<< القطه المشمشيه اتوقع موجود ... دامه متوفر بالصيدليات البيطريه وبالسوبرماركت ليش مايكون موجود بمصر
اخذي بس اسمه ترى نفسه بالضبط الازرق ياللي استعمله انا >>>> الساحر ... الله يسلمك |
رد: مشكلة كريات الشعر Hairball وعلاجها ... مجرب
شكرا عشان أنا قريبا جدا هجيب قطة
و متوقعة من دلوقتى أن لها نفس هذه المشاكل تبنى قطة .....مسؤلية كبيرة ......و هذا شىء رائع |
رد: مشكلة كريات الشعر Hairball وعلاجها ... مجرب
موضوع حلو كاتي
ويعطيك الف عافيه يارب |
رد: مشكلة كريات الشعر Hairball وعلاجها ... مجرب
>>> القطه المشمشيه
تتربى بعزج ان شاء الله ... والله يوفقج ويعطيج من خيرها ويكفيج من شرها <<< كيوت كات العفوو اختي |
رد: مشكلة كريات الشعر Hairball وعلاجها ... مجرب
موضوع مفييد والأحلى من انشائك ومدعم بالصور
ألف شكر خيتوو |
رد: مشكلة كريات الشعر Hairball وعلاجها ... مجرب
موضوع جميل شكرا
|
رد: مشكلة كريات الشعر Hairball وعلاجها ... مجرب
أختي/ CaTTy أشكرك على هذا الموضوع المفيد والرائع بأنتظار جديدك مع فائق إحترامي |
رد: مشكلة كريات الشعر Hairball وعلاجها ... مجرب
العفووو ولوو اخواني
بتواجدكم يحلى الموضووغ لا تحرموني تواصلكم الطيب |
رد: مشكلة كريات الشعر Hairball وعلاجها ... مجرب
أنا شفت نوعيه ثانيه عند وحده خبره بالقطط وقالت لي أنه يفيدهم وينظف بطنهم من التكتلات
ودورته عندنا بالسعوديه والحمدلله حصلته http://www.pusup.com/uploads/7195e041ae.jpg بصراحه قريت الكلام اللي عليه بس مافهمت:rolleyes: شكله مثل الكاكاو وقطاوتي مايحبونه ولا أواضب عليه قليل أيعطيهم وأنشاءالله ردي يكون في نطاق موضوعك كاتي وهذا اللي تقصدينه بس نوعيه ثانيه على العموم مشكوره على هالموضوع الحلو ودائم متابعه لمواضيعك المميزه:) |
رد: مشكلة كريات الشعر Hairball وعلاجها ... مجرب
مشكوره كاتي على الموضوع.....وانا وجودي في حرب على هلمشكله....الله يعين...
|
رد: مشكلة كريات الشعر Hairball وعلاجها ... مجرب
اختي انا قطوتي تلحس نفسها هي واعيالها بس ما ادري اذا يبلعون او لا بس من الحين راح اركز عليهم وبكم هذا بالكويت ؟؟
انا عندي قطوة عمرها سنه او اقل ما ادري والله وعندي اعيالها عمرهم 4 شهووور اتمنى تفيديني ومشكورة على الموضوع |
رد: مشكلة كريات الشعر Hairball وعلاجها ... مجرب
ونسيت لا اقولج مافهمت شلون يستعملونه..!
|
رد: مشكلة كريات الشعر Hairball وعلاجها ... مجرب
مشكوووووووووووره كاتي على الموضوع
قطوتي بادي شعرها يتكتل واتوقع هالمنتج راح ينفعني وكنت أشوفه بمركز سلطان بس مادري حق شنو :) شكلي بروح اشتريه وأجربه مشكوره مره ثانيه والله يعطيج العافيه |
رد: مشكلة كريات الشعر Hairball وعلاجها ... مجرب
اقتباس:
اشكرلج مشاركتج الطيبه وتعقيبج ع الموضوع وفيج الخير والله والبركه وبالنسبه له اذا ما يحبونه حطي على ايدهم منه وشرط راح يلحسونه انا مجربه احط جبنه على ايد قطاوتي قبل ماتحبها وغصبن عنها بتلحس ايدها :d واذا ما تبين تقدرين تشترين اللي انا حاطته لانه اغلبهم يحبونه وبعد بقوووه يحبونه على كلام البيطري والله صاج لما قال بتلحسه اكيد لانه طعمه طيب واكيد كلامج في نطاق الموضوع وزياده بعد للي ما يحصل المنتج ممكن يشتري اللي انتي حاطته دام النتيجه بتكون وحده باذن الله وتسلمين قلبووو ويشرفني تكونين متابعه لمواضيعي |
رد: مشكلة كريات الشعر Hairball وعلاجها ... مجرب
اقتباس:
العفووو قلبووو وهالمشكله لكل القطاوه الشرازيه اللي شعرها وايد يعني صج شكلهم حلو بس لهم عيوب بعد وهذا من عيوبهم وان شاء الله يضبط معاج هالعلاج |
رد: مشكلة كريات الشعر Hairball وعلاجها ... مجرب
اقتباس:
ماراح يبين اذا يبعون او لا .. لانه الشعر راح يلصق بلسانهم وماراح تقدرين تشوفينه :) وبالنسبه لهم تمام اعماراهم قطوتج الكبيره عطيها لحسه وحده منه مرتين بالاسبوع وعيالها عطيهم نص لحسه مره بالاسبوع افضل :) وان شاء الله اكون افدتج وفهمتي علي واي سؤال انا حاظره |
رد: مشكلة كريات الشعر Hairball وعلاجها ... مجرب
اقتباس:
وشاكرتلج مرورج العذب وانا كنت نفسج بعد اشوف شغلات وايد واطنش لاني ماعرف حق شنو بس ذاك اليوم انصدمت لما شفته وكان عندي نفسه وكتبت النتايج اللي حصلت انا عليها من واقع تجربتي له على فطريه وعتريس واحد منهم ياكل والثاني لا .. والنتيجه طلعت ايجابيه للي ياكل وعكسيه للي ما ياكل منه :) << متاثره بالمختبرات :d |
رد: مشكلة كريات الشعر Hairball وعلاجها ... مجرب
₪ قطوه كويتيه ₪ نسيت لا اقولج جم سعره اهو بـ دينارين وتقريبا 800 ... يعني خلي معاج 3 دنانير :) وانا كتبتلج شلون طريقة استعماله واذا حابه ادعمه لج بالصور ماكو مشكله :) |
رد: مشكلة كريات الشعر Hairball وعلاجها ... مجرب
مشكوووووووووره اختي ..
وانا ما عندي قطاووو بس . رفيجتي مبلشتني تقول شعر قطوها كل التفافات الحين اروح اقولها .. مشكوووووووووره |
رد: مشكلة كريات الشعر Hairball وعلاجها ... مجرب
امممممممممممممممممم
ثانكس كاتي على الموضوع :) انا عندي منه بس قطووتي الحين حامل تتوقعين ماله مضره على الحامل ؟؟ |
رد: مشكلة كريات الشعر Hairball وعلاجها ... مجرب
عزيزتى كاتى ..
أشكرك على الموضوع ، لأنى واااااايد أعانى من هالمشكلة لأن ُأم الدل والدلال " ميســـتى " وشعرها الطويل جدا جدا ، تعصّب إذا قرب المشط أو البروش على جسمها ، فنضطرب نحلق شعرها على الصفر تقريبا فى الصيف عند البيطرى ، وبالنسبة للمنتج دلّولتنا ما تاكل إلاّ التركى المدخن ، لا سمك ...لا لحم .. لا دجاج . |
رد: مشكلة كريات الشعر Hairball وعلاجها ... مجرب
مشكوووووووووووووووره
اختي بس مايصير لقطوتي لانها قطوت شارع |
رد: مشكلة كريات الشعر Hairball وعلاجها ... مجرب
الف شكر ياكاتي
هذا موجود بمركز سلطان وصج مثل ماقلتي ويطلع كلشي وصخ بالبطن من شعررررررررررررررررررر تصدقين ماجربته لكن ويانا عضو اسمه ادكتد قالي عنه .. ويحطه على ايد قطوته وتلحسه صاير لونه مثل احمر على بنفسجي قااااااااااامج يبيله انييب واحد دام اثنين طلعو امجربينه :) بس انا مافهمت اهو همن شعر القطو الخارجي مايصير فيه تكتلات؟؟؟ |
رد: مشكلة كريات الشعر Hairball وعلاجها ... مجرب
مشكوووووووورة على الموضوع المفيد
دمتِ محبة و جزيتِ خيرا |
رد: مشكلة كريات الشعر Hairball وعلاجها ... مجرب
اقتباس:
₪ bnooTa ₪ العفوو قلبوو وان شاء الله تفيدين فيه رفيجتج وتنحل مشكلتها اقتباس:
العفوو غلااي بس على فكره هذا ما يلغي دور المشط غصبا عنها مشطيها لازم تعودينها وهالمنتج جربيه لها انا الثاني ماجربته بس اعتقد دام حبو الاول بيحبون الثاني اقتباس:
₪ tota556 ₪ ولكم خيتووو والله ماعندي فكره بس اظن مو زين للحامل لا تجازفين :) اقتباس:
₪ عذبيه ₪ العفوو غلاي والله يخليلج قطوتج اقتباس:
₪ قطو كويتي ₪ ايه عدل مثل ماقالك اخوي ادكتد << اعتقد نكه بالانجليزي :) واهو خصيصا حق الشعر اللي تبلعه القطوه ويصير بمعدتها بس من واقع تجربه شخصيه اكتشفت انه بعد ينفع حق التكتلات الخارجيه لانه مثل ما سبق وذكرت انا استخدمته لفطريه اما عتريس ماكنت اعطيه لانه ما يحبه وبصراحه ما جربت احط حتى على ايده منه :P فطريه قبل كان يتسفط شعرها مرات وكنت اقصه لها بس من استعملته الحمدلله ماعاد يتسفط الحين ماشاء الله حوالي 6 شهور ولا مره لقيت فيه سفطات الله يتمم على هالحال اما عتريس صار يتسفط شعره وكل شوي نقعد نقصهم يعني واحد طلعت نتيجته ايجابيه والثاني سلبيه ههههه وان شاء الله فهمت علي وهالشي ترى مو مكتوب بس انا اكتشفته لوووووووووول لانه اكلهم واحد وكل شي واحد محد يفرق عن الثاني الا بهالمنتج اقتباس:
₪ love kitty ₪ تسلم اخوي على ردك العطر |
رد: مشكلة كريات الشعر Hairball وعلاجها ... مجرب
شكرآآآآآآآآآآآآآآآآآآآآآآآآ
|
رد: مشكلة كريات الشعر Hairball وعلاجها ... مجرب
مرصي على الموضوع
|
رد: مشكلة كريات الشعر Hairball وعلاجها ... مجرب
السلام عليكم
وينج كاتي ما اشوف مشاركاتج هالأيام بالمنتدى << عسى أن يكون المانع خيرا بالنسبه للمنتج الله يعطيج العافيه انج قلتيلنا عنه ... وانا رحت شريته على طول وجربته ولله الحمد من اول اسبوع بينت النتيجه وفله ماقام يتكتل شعرها نهائيا ... شكرا جزيلا :) |
رد: مشكلة كريات الشعر Hairball وعلاجها ... مجرب
مشكووره حبيبتي على الموضوع
انا شريته بس بيكي ما تحبه ولا تواطن ريحته ومن تشوفه بيدي تركض تنخش وجربت لها كلشي ماكو فايده لا بالاكل ولا على ايدها.. عاد مره وديتها الدهماء للفحص العادي وخذيته معاي عشان يعطونها اياه بس مسكينه قامت ترجع وجذي ولا فكرت احطه لها مره ثانيه... بس شكلي بجرب لها مره ثانيه للوقايه |
| جميع الأوقات بتوقيت GMT +3. الساعة الآن 01:40 PM. |
Powered by vBulletin® Version 3.8.8 Alpha 1
Copyright ©2000 - 2026, Jelsoft Enterprises Ltd
الحقوق محفوظة لمنتديات تو زوو