|
هل ينفع اضع انثى بادجي مع ذكرين بنفس القفص
السلام عليكم
سؤال بسيط اتمنى من اهل الخبره والتجربه الرد عليه انا اشتريت زوج بادجي من قبل 3 شهور والبارحه اتضح لي ان الزوج طلعو كلهم ذكور وناوي اشتري انثى هل ينفع ادخل الانثى على الذكرين ويصبح القفص فيه ذكرين وانثى واحده ؟ ام سيكون هناك قتال بين الذكرين او الانثى وواحد من الذكور لان غايتي من الموضوع انتاج ولا اريد ان ابيع او اتخلى عن احد الذكور صراحه ولا استطيع ان اضع احد الذكور بقفص اخر السؤال مره اخرى هل استطيع ان اشتري انثى بالغه واضعها مع ذكرين بنفس القفص ؟ نعم أو لا مع العلم : الذكرين بنفس القفص من ثلاث شهور ويطعمو بعض ولا في بينهم اية مشاكل وواحد من ذكور البادجي جاهز ولون الكير لديه ازرق غامق اما الذكر الاخر لم يبلغ ولون الكير تبعه ازرق فاتح جدا ويبدو انه اصغر بالعمر ايضا الان مرتاحين مع بعض ولكن الخوف لو ادخلت عليهم انثى جديده ان تبدا معارك بينهم او مع الانثى |
رد: هل ينفع اضع انثى بادجي مع ذكرين بنفس القفص
كيف اتضح انهم ذكرين ..
ممكن تحط صورة لهم واضحه ..!! |
رد: هل ينفع اضع انثى بادجي مع ذكرين بنفس القفص
اقتباس:
مشكور على تجاوبك بالنسبه كيف عرفت انهم ذكرين انا ماعندي خبره كبيره بالبادجي واشتريتهم من محل قالي انهم زوج بالغ وجاهز للأنتاج ولهم الان 3 شهور ولا شفت منهم لا بيض ولا انتاج فشكيت بالموضوع انهم يمكن يكونو ذكرين لان عندي معلومه ان البادجي يعيشو في جماعات عادي واحيانا الذكور تطعم بعضها الي أكدلي معلومه انهم ذكرين جاني قبل يومين شخص خبير بالبادجي ويربي من سنين قالي ان الزوج الي عندي كلهم ذكور وقالي الي لونه اصفر على اخضر هذا ذكر بالغ جاهز للتزاوج واللي لونه ازرق مع ابيض هذا ذكر توه صغير وبالمستقبل راح يزرق لون الكير تبعه اكثر ويصير مثل الاصفر وهذه صور الجوز الي عندي http://im79.gulfup.com/07iPkW.jpg وهذا صوره ثانيه للذكر لوحده الي كنت افكره انثى جاهزه ,,,,, وطلع ذكر فرخ :64: http://im79.gulfup.com/BQNpK2.jpg |
رد: هل ينفع اضع انثى بادجي مع ذكرين بنفس القفص
بالعكس عزيزي هذي انثى غير جاهزه وليست ذكر وفرلهم الهدوء والمحفزات وشوية صبر وامورك بالسليم :)
|
رد: هل ينفع اضع انثى بادجي مع ذكرين بنفس القفص
اخوي في بعض طيور البادجي يتضربون مع بعض وبعضهم لا انت جرب حطها وبعد 3 ايام اذا متضاربو خلها واذا تضاربو الذكور اعزلهم
ملاحضه (الانثاء رح تتضارب اول اسبوع عشان هي جديده) |
رد: هل ينفع اضع انثى بادجي مع ذكرين بنفس القفص
اخوي salm التضارب ماله دخل .. ممكن يكون ذكرين متوالفين او انثتين متوالفين
البادجي طير اجتماعي وهذا شي طبيعي والتضارب ابدا ماله دخل بتحديد الجنس بعض الاناث الي ما جهزوا يكون في زراق خفيف في الكير |
رد: هل ينفع اضع انثى بادجي مع ذكرين بنفس القفص
اقتباس:
|
رد: هل ينفع اضع انثى بادجي مع ذكرين بنفس القفص
اقتباس:
مدري ليه جاني انطباع من كلامك انك تقصد الذكور ما يتضاربون والاناث هم الي يتضاربون عموما بالنسبة للسؤال هل ينفع تحط ذكرين وانثى في قفص واحد الجواب اذا كان الهدف الانتاج طبعاً ما ينفع الا كل زوج لوحده بقفص وبالتوفيق للجميع |
رد: هل ينفع اضع انثى بادجي مع ذكرين بنفس القفص
والله شغله
يعني طلعت انثى غير جاهزه وكم يبيلها عشان تجهز 3 شهور ثانيه ؟ أخاف انتظر 3 شهور ثانيه ويصير لون الكير ازرق ويطلع ذكر اتمنى يا يوسف تكون اجابتك من خبره مو توقع فقط وهذه صورة الذكر كامله انا الاحظ انه اصبح جسمه هزيل وفيه ضعف شويه مادري اذا كان هذا طبيعي او انه يعاني من مرض شوفو صورته http://im45.gulfup.com/15hqdE.jpg |
رد: هل ينفع اضع انثى بادجي مع ذكرين بنفس القفص
وش دعوه حبيبي اكيد من خبره وتقدر تستدل على صحه كلامي من النقاط الي بقولها لك
الطير الازرق الي عندك مو صغير والدليل ان الخطوط الي في الجبهه تراجعت للخلف تقدر تتاكد من العمر ايضا من عين الطير والحدقه ايش لونها اذا رماديه او بيضاء معناتها لو الطير ذكر كان صار كيره ازرق الان ... وانا املك 4 اناث حاليا بعضهم تحتهم بيض وبعضهم تحتهم فروخ كلهم كيرهم ابيض بزراق خفيف ومن ناحية الذكر اتوقع والله اعلم عنده قلش (تغيير ريش ) الصوره في اول الموضوع كان حول وجهه في كم ريشه جديده ادعمه بالفيتامينات وعليك بالصبر على الانتاج لان الذكر فيه قلش والانثى غير جاهزه |
رد: هل ينفع اضع انثى بادجي مع ذكرين بنفس القفص
اقتباس:
جزاك الله خير على الرد والفائده ودام ان الموضوع كذا خلاص ما راح اشتري انثى وراح اصبر وانتظر الين ينتهي الذكر من قلشه وايضا تجهز الانثى وبالنسبه للفيتامينات , عندي صندوق كامل فيتامينات واملاح معدنيه وادويه خاصه لفتره قلش الطيور راح ابدا معهم بالعلاجات بس هل ممكن احد يعرف كم تقريبا باقي للأنثى وتكون جاهزه ؟ شهر شهرين ثلاثه ؟!!! لان الذكر انا متأكد انه جاهز جداا بس يمكن القلش متعبه شويه والقلش كله على بعضه ما راح ياخذ اكثر من شهر على حسب علمي المصيبه بالانثى اذا توها صغيره كم يبيلها وتبلغ وتصير جاهزه اذا شهر شهرين عادي نصبر وننتظر الى ان تجهز اما لو يبيلها اربع شهور او خمسه اروح اشتري انثى جاهزه وادخلها عليهم احسن واختصر الوقت |
رد: هل ينفع اضع انثى بادجي مع ذكرين بنفس القفص
عزيزي ss6ss9ss الانثى مو صغيره المفروض تجهز الان اذا كل الشروط موفرها
مو شرط يكون العمر هو السبب في عدم الجاهزيه على العموم انا مابي احبطك بس في اجواز عندي موفرلهم كل شي وللحين ماشفت منهم جهوزيه او انتاج بس الاجواز الي كذا يشكلون نسبة ضئيلة جدا ولكن في حال انك تمتلك عدد قليل جوز او جوزين تزيد النسبه انا عندي حاليا 16 جوز وفقط جوزين الي معذبيني ومن وجهة نظري ان العله فيني مو فيهم لان البادجي طائر خصوبته عاليه وفي الظروف المناسبة ينتج بكل سلاسه عشان كذا اتوقع اني ما عرفت العله فقط ولو عرفتها بتنحل شوف اذا انت غلطت في شي مثلا المكان والاناره درجه الحراره والغذاء النظافة العوامل كثيره وانا اخوك وكل ما كثرت الازواج كل ما صار الوضع محفز اكثر للطيور للانتاج انت قلتها بنفسك البادجي طائر اجتماعي اذا كثروا في الغرفه يحسون بالامان اكثر وبالتالي ينتجون جوزين افضل من جوز وثلاثه افضل من اثنين وهكذا |
رد: هل ينفع اضع انثى بادجي مع ذكرين بنفس القفص
بالنسبه للمكان ما اعتقد فيه مشلكه
لانه فيه ازواج كناري منتجه بجنبه وراجنه على بيض وموفر لهم كل شي خاص بالانتاج من اضائه شمس طبيعي وتهويه مناسبه واكل مناسب وهدوء حتى اني حطيت لهم علاج خاص بالخصوبه اشتريته غالي وجربته مع ازواج اخرى وانتجو لكن الزوج هذا ما اعتقد عيبه مني اعتقد ان المصيبه في واحد منهم لم يجهز او فيه مشكله عموما شاكر ومقدر لك اهتمامك وراح انتظر صبر جميل والله المستعان |
| جميع الأوقات بتوقيت GMT +3. الساعة الآن 01:18 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو