|
بخصوص الفروخ
السلام عليكم
الحين عمر الفرخ صار 5 ايام بس الزوج ما ياكل اي شي جديد جربت احط ليهم بيض بقسماط وخبز مبلول بس ما اكلوه انا الاحظ ان بس الانثى اللي تأكل الفرخ هل لازم اشيل البيض الباقي الفاسد او اخليه كم يوم لين احط نشارة الخشب ورايكم متى احط النشارة لما يبدي الطير يطلع فيه الريش ؟؟ لانه للحين ما فتح عواينه واي نصايخ ثانية لا تبخلو علي واعذروني على كثرة الاسئلة |
رد: بخصوص الفروخ
وعليكم السلام ورحمة الله اخي الفاضل الف مبروكـ ع الفرخ الي فقص والله يعوضكـ عن البيض الفاسد .. لاتشيل البيض لان البيض يرفع الانثى من ان ترقد بكل ثقلها ع الفرخ وثقل الانثى قد يسبب انفراج الارجل الفرخ النشاره ضعها اذا كمل الفرخ اسبوع .. والاكل اذا بغيت تضع بيض وبقصماط شيل الحبوب من عند الطيور بساعه ودم الوجبه وضع شوي حبوب على الوجبه وفي الاسبوع الثاني دخل الخضار جزر مسلوق وبطاطس مسلوقه وتفاح مبشور ويمكن تضيفه مع البيض والبقصماط ورز مسلوق وقمح منقوع او مسلوق مفيد جداا وفيتامين د للفرخ وعظمت الحبار اطحنها واضفها الى خلطة البيض ومع الحبوب وجرجبر وخس بكميات بسيطه بشرط تغسل جيداا ولاتكثر تسبب الاسهال.. وتاكد ان الفرخ حويصلته ممتلئه وان الاهل يوكلونه جيداا واهتم باالنظافه وتغيير الماء يوميا .. موفق |
رد: بخصوص الفروخ
مدري بخصوص الحوصلة احسها منتفخة كثير هل هذا طبيعي او يمكن توها مأكلتنها
|
رد: بخصوص الفروخ
http://2zoo.com/vb/picture.php?album...ictureid=15368
http://2zoo.com/vb/picture.php?album...ictureid=15369 وهل احط النشارة واشيل البيض الحين او انتظر يومين |
رد: بخصوص الفروخ
ماشاء الله
الام مهتمه بالفرخ خلاص اتركهم لاتتطفل عليهم اليوم كمل اسبوع ايوه حط نشاره خشب البيض شيل نصفه واترك نصفه فقط عشان يرفع ثقل الام عن الفرخ ولايحدث له انفراج في الارجل مـــــــــــــــوفــــــــــــــــق |
رد: بخصوص الفروخ
مشكووورة ام عيسى
في مع الفرخ بيضتين واحس ريحتهم خايسة انا انشاء الله الاحد الصبح بحط نشاة الخشب رايش اشيل البيض بعد او اخليه ؟؟ واخاف لانثىى تخاف ولا تدخل العش لما احط النشارة |
رد: بخصوص الفروخ
العفوووواخوي
شيل البيض المعفن انت ماقلتلي طالع ريحته هذا مايبي كلام او سؤال المفروض تشيله ع طول لانه يجلب الحشرات والنمل ضع نشاره لانها تحمي الفرخ من الكساح والفطريات طق ع الانثى ولما تطلع ضع نشاره توكل ع الله وقول يارب مـــــــــــوفــــــــــــــــــق |
رد: بخصوص الفروخ
مشكوووووووورة انشاء الله بكرة
|
رد: بخصوص الفروخ
العفووووووووووووووووو اخي الفاضل
|
رد: بخصوص الفروخ
ازدياد حجم الحوصلة يدل على الاهتمام الزائد من قبل الابوين خصوصا وان الفرخ وحيد
ضروري ترفع البيض الفاسد في اسرع وقت خوف الانثى منك يعتمد عليك وعلى طريقة الاستئذان منها زي ما قالت لك الاخت ام عيسى اطرق البياضة بخفة قبل فتحها اكثر من مرة وادخل يدك للبياضة بحذر ادا لم تخرج الانثى حتى تخرج بدون ايذاء الفرخ بالدهس او استنفار البيض في حال وجدو بيض بالتوفيق في الانتاج الثاني |
رد: بخصوص الفروخ
السلام عليكم
بعد ما حطيت نشارة الخشب وشلت البيض احس الانثى صارت ما تدخل زي قبل اول كانت اغلب وقتها في البياضة الحين اشوفها برا كثير انا خايف انها ما تأكل الفرخ رايكم اشيل النشارة او اخليها انا حطيتها من ساعتين بس وبعد ساعتين بتغرب الشمس ويش اسوي اذا نامت الانثى برا |
رد: بخصوص الفروخ
ياخوي اصبر خلي الانثى تتعود ع الانشاره وهي راح تخرجها بر اذا ماتبغاها في العش اصبر واتركها والام بعد تخاف ع فرخها ماراح تتركه ان شاء الله بس راقب الوضع من بعيد وشوف تدخل البياضه ولالا موفق |
رد: بخصوص الفروخ
الحمد لله بدت تتعود شوي رغم انها تطلع كثير بس احسن من قبل
|
رد: بخصوص الفروخ
الحمد لله اخوي
الــــــــــــصـــــــــــبـــــــر >>> اتمنى ان تتحلى باالصبر ولاتتسرع موفق يارب |
رد: بخصوص الفروخ
لا عادي طبيعي جدا
لانك رفعت البيض وتبقى الفرخ بوحدها فما ليها داعي الانثى تجلس في البياضة بكثر ما في شي يحتاج الى حضانة مثل البيض |
رد: بخصوص الفروخ
مشكوووورين
|
رد: بخصوص الفروخ
اخواني اشوف الانثى تشيل النشارة من البياضة
اشيله واريحها او اخليه ؟؟ |
رد: بخصوص الفروخ
لااخوي
خليها ولو طلعتها الانثى ضع جديده حتى تتعود عليها |
رد: بخصوص الفروخ
انشاء الله
|
رد: بخصوص الفروخ
اخواني الحين الفرخ كمل تقريبا 10 ايام ويش الشي اللي مفروض احطه
طبعا البيض بالقسمطاط تقريبا ما يلمسوه حاولت اخلطه مع حبوب بس ما في فايدة جبت ليه بعض الاكل على شكل عصي في بعضه بالبيض وبعضه فواكة وكذا ثانيا بخصوص نشارة الخشب الانثى شغلتها بس كل ما رجعت النشارة تشيلها من العش احسها انبسطت من السالفة وصارت هذي شغلتها اليومية احط خبر مبلول او رز مستوي ؟؟ بس ما اظن يأكلوه وهل اجوعهم ساعة كذا قبل لا اقدم ليهم اي وجبة جديدة ؟ واخيرا واعتذر ع كثرة الاسئلة احس الفرخ طلع فيه ريش ابيض بس الزوج لونهم ازرق كامل هل ممكن يطلع الفرخ ابيض او لون غير الازرق |
رد: بخصوص الفروخ
ياهلا اخوي لازم وجبة البيض والبقصماط مفيده للطيور وخاصه الفرخ جوعهم وقدم الوجبه الان قدم القمح المنقوع اوالمسلوق يحبونه الطيور والبطاطس المسلوقه والجزر والرز والخبز المبلول ..ابشر الجزر والبطاطس وضع معها شوي عظمت حبار مطحون وادخل الجرجير والخس والتفاح للطيور اغسل الخضار قبل التديم ولاتكثر تسبب الاسهال اذا مايكلون التفاح ابشره مع البيض والبقصماط واضؤالشمس مهم للفرخ اوقدم فيتامين د والانثى تخرج النشاره اتركها ع راحتها ولوطلعتها ضع جديده .. |
رد: بخصوص الفروخ
اختي انا مو عايش في السعودية (ادرس برا ) وين اقدر احصل القمح هل ينباع في البقالات خخخ
بكرة انشاء الله بشيل عنهم الاكل وبحط ليهم خبر مبلول وانشااء الله ياكلوه بس هذا ما يسببضرر للأنثى لانها بتجوع ؟ وبخوص اشعة الشمس انا حاطهم في غرفة اذا كان الجو مشمش يجيهم شمس من النافذة بس الفرخ في البياضة هل اخليها مفتوحة او قصدش اشيل الفرخ من البياضة ؟؟ انا بنزل صور ليه عشان تفيدوني في اللون خخخ |
رد: بخصوص الفروخ
هذا الفرخ هل ممكن يطلع ابيض بالرغم ان الوالدين زرقان
وهل ذاك الاكل يفي عن البيض بالقسمطاط وشوفوا البياضة الانثى شالت كل اللي حطيته من 3 ساعات بس واي نصايخ لا تبخلو علي http://2zoo.com/vb/picture.php?album...ictureid=15372 http://2zoo.com/vb/picture.php?album...ictureid=15371 http://2zoo.com/vb/picture.php?album...ictureid=15370 |
رد: بخصوص الفروخ
الله يوفقك اخوي
اسال اصدقائك من المنطقه عن اماكن بيع القمح هذا رابط :http://2zoo.com/vb/showthread.php?t=300442 ــ غذا غني بالفيتامينات وفيه بيض ايضاً. الفرخ صغيرخليه حتى يكبر شوي .. |
رد: بخصوص الفروخ
يعني هذا الابيض مو ريشه
خسارة توقعت بصير ابيض |
رد: بخصوص الفروخ
ما أنصحك في تقديم الطعام الجديد في هذي الفترة, يا قبل يا بعد, و العصا هذي يسموها treat يعني تستخدمها مرة في الأسبوع أو الأسبوعين لأنها دسمة و حالية, ما تصلح كطعام, الأفضل تقدم لهم حبوب مع الوجبات اللي ذكرتها الأخت أم عيسى حتى ما ترفض الأكل تماما, الطريقة اللي نفعت معي في تقديم خلطة البيض بالبقسماط هي اني اول ما يصحون الصباح أرفع الأكل و أحط لهم بس الخلطة و أحط من فوق الخلطة شويه حبوب, بتلاحظ اول شي انهم ياكلوا الحبوب و يخلصوه و يتركوا البيض بالبقسماط, حط شويه حبوب بعد, و هم ياكلوا الحبوب راح يجربوا الخلطة و لما تعجبهم بيبدون ياكلون اكثر منها
|
رد: بخصوص الفروخ
انا ناوي اغر الفرخ واربيه هل اشيله الحين ؟؟
انا ربيت كروان من قبل ا ويش العمر المناسب ليه يعني بعد م يوم اشيله لان سمعت كل ما كبر بصير غره اصعب |
رد: بخصوص الفروخ
اخوي الكريم
اذا تبيه يكون اليف عادي يمكن بدون ماتاخذه من الام كل يوم طلعه وامسح ع راسه وخله يعرف صوتك تكلم معه بهدواءوغريه بعض الاحيان فقط تكون اليدين نظيفه عند الامساك بالفرخ لان مناعته ضعيفه وبعد مايكبر بعمر شهر يكون يعرفك وتقدر تدربه بسهوله |
| جميع الأوقات بتوقيت GMT +3. الساعة الآن 02:34 PM. |
Powered by vBulletin® Version 3.8.8 Alpha 1
Copyright ©2000 - 2026, Jelsoft Enterprises Ltd
الحقوق محفوظة لمنتديات تو زوو