|
للي جرب مع الكاسكو
السلام عليكم ورحمة الله وبركاته ^_^ اسعد الله مساءكم بالخيرات..
يا اخوان الكاسكو ( ريو ) مزكم .. وديته بيطري اعطاني ابره يقول قطرها في الموية .. واحس ان كذاب .. على طول اول ما قلت الطير مزكم اعطاني الابره بسرعة وبدون ما يتأكد من حالة الطير ..!! سؤالي اللي كان معه كاسكو مزكم .. كيف يبعد الزكام من الطير .. وياليت اللي مجرب مع طيره طرق يعلمنا .. والله يسعدكم دنيا وآخره |
رد: للي جرب مع الكاسكو
وعليكم السلام ورحمه الله وبركاته
اعزل طيرك بمكان دافي بعيد عن المكيفات اذا متاكد ان فيه زكام وياريت تتاكد هل هو فعلا مزكم او تذكر العوارض الي تشوفها قد يكون يقلد اعراض الزكام زي طيري والحل الي استخدمه قطرات الليمون والثوم مع المويه جربه لمده يومين وكل يوم تبدل المويه بعد تاكدك من زكامه اذا وجدت افرازات لدى الطير |
رد: للي جرب مع الكاسكو
اعزل الطير عن التيارات الهوائية ولا تروشه في هذه الحالة , استخدم الليمون والثوم و أبلغنا بكل جديد لحالة الطير الصحية , وما يشوف شر ..
|
رد: للي جرب مع الكاسكو
عليك بما ذكر من نصائح الخبراء
واضيف لا تنسى التنظيف المستمر لخشم الطير بالماء والملح الله يشفيه ويعافيه |
رد: للي جرب مع الكاسكو
صدقت اخوي بعض البياطره من يوم تقول انت الحاله على طول اعطاك الدواء دون الكشف عليه لتأكيد المرض من دونه
|
رد: للي جرب مع الكاسكو
نصيحتي لوجه الله استخدم التيلان لمده لا تقل عن خمسه ايام ان لم يستجيب الطير بدله بالسبيكتولين لمده ايضا لا تقل عن خمسه ايام مع الأستمرار بالحفاظ على الطير بعيدا عن التيارات الهوائيه والمكيفات وابعده بشكل تام عن الأستحمام مع الأهتمام بشكل كبير بالتشميس وايضا بخلطه الثوم والليمون التي تعد مقوي مناعي عام وطبيعي للطير مثلما تفضلوا الأخوان
تحياتي |
رد: للي جرب مع الكاسكو
يا أخوان كيف طريقة خلطة الليمون والثوم
القصد ما هي المقادير |
رد: للي جرب مع الكاسكو
ثومه دقها الين تطلع مويتها خذها واعصر عليها خمسه قطرات ليمون وخففها بشوي مويه صحه دافيه وخليها عند الطير 4 ساعات وغيرها لأنها تتخمر بسرعه
وسلامتك |
رد: للي جرب مع الكاسكو
الله يسعدكم ويوفقكم يارب .. دنيا وآخره .. ^_^ ..
|
رد: للي جرب مع الكاسكو
اقتباس:
خلطه الثوم بالليمون تكون بهرس فص ثوم واحد يعصر عليه نصف ليمونه ويضاف الى لتر ونصف ماء ينصح دائما بتعطيش الطير قبلها بمده كافيه (ساعه مثلا) وبعدها ضع الخلطه للطير بدل الماء وتزال الخلطه بعد 3-4 ساعات بالكثير لكي لاتتأكسد وتضر الطائر |
رد: للي جرب مع الكاسكو
أهلين اخوي طبعا عشت ايام الله لا يوريك بعطيك النصائح اللي قالي إياها البيطري وهو معروف بس ما اقدر أعطيك اسمع بالخاص ان شاء الله اول شي جيب غطا عادي اللي أنا تتغطا فيه بس افتح فتحة تهويه عشان يتبدل الهوا وكلها اسبوع ويصير تمام والحمد لله طيري الحين صحته ولا احلا والسبب الثاني بعد الله هو بلاك بيري واللي هي تحط مويه دافئه مؤ حاره و فكس وفي رقم بيطري لك في الخاص كلمه وسليم ان شاء الله وما يشوف شر
|
رد: للي جرب مع الكاسكو
أنا مع كل الي قالوه
من ابعدت طيري عن المكيف تحسنت صحته زائد اني حرصت على تنظيف انفه وشاركت بالموضوع هذا باسم علاجي للببغاء وبالتوفيق |
رد: للي جرب مع الكاسكو
ما موت طيري الا البيطري ^_^
مثل ما نصحوك أبعد الطير عن المكيف أو أي هواء بارد وحاول تطلعه وقت الصباح والعصر بالشمس وإذا دخلته داخل البيت أبعده عن أي هواء حتى يتشافى والأفضل نهائياً أبعده عن أي هواء بارد والله يشفيه |
رد: للي جرب مع الكاسكو
مداخله بسيطه
الله يشفي طيرك وماشاء الله الاخوان ماقصروا الكاسكو اللي عندي كان يستهبل فكرته مريض بالزكام ولا هالكاسكو يعطس ويكح كل هذا تقليد اذا ماحصل احد يكلمه يبدا يعطس ويكح وللامانه ربيت طيور وتكرمون حيوانات بس مافي شيء تعلقت فيه وحسيت اني ماخسرت لحظه وياه غير الكاسكو . وفق الله الجميع |
رد: للي جرب مع الكاسكو
الله يسعدكم ويخليكم يارب .. ^_^ .. بس عبدالمجيد ماجاني الرقم الله يسعدك
|
| جميع الأوقات بتوقيت GMT +3. الساعة الآن 02:32 PM. |
Powered by vBulletin® Version 3.8.8 Alpha 1
Copyright ©2000 - 2026, Jelsoft Enterprises Ltd
الحقوق محفوظة لمنتديات تو زوو