محتارة و ابي فزعتكم
 

امس الحمدلله تبنيت قط من خلال المنتدى ( القط مفقود ولا ندري من اهله ) والي لقاة الله يجزاة خير اعلن عنه واحتفظ فيه فترة ببيته بس ظروفه اجبرته يعرضه للتبني

المهم

القط كانت حرارته مرتفعه و الحمدلله عطيته بيتاموكس و تحسن شوي واليوم الصباح اخذته ع البيطري و عطاة ابرة خافض للحراره و ابرة منشطه لانه طول امس لليوم ما اكل وهذا شي مضايقني .. شي طبيعي بعطيه كل لين بالسرنجه و بشربه سوايل بس يصحى من النوم مع اني اشك انه ياكل !

فزعتكم يا اخواتي و يا اخواني القط جميل ما شاء الله ودلوع واليف بشكل مو طبيعي و كاسر خاطري لان قطتي مو متقبله وجودة ابدا وانا تعبانه نفسيا لاني فقدت قططي من قبل ( سمارتي توفي ماكس )
ابي الحل هل اعرضه للتبني من جديد مع العلم اني حطيت له كذا اعلان بانه مفقود في بعض المنتديات
خايفه عليه كثير لان تغير بيئته كل شوي يأثر في نفسيته و القط لحد الحين ما اخذ تطعيماته

القط حلو ما شاء الله و اليف و اكيد حبيته و تعلقت فيه بس كيف احتفظ فيه بوجود قطتي المعقمه الي رافضه وجودة ؟؟

ساعدوني الاقي اصحابه .. ساعدوني الاقي حل .. الاهم عندي القط و نفسيته و صحته قبل كل شي
مشكورين

رد: محتارة و ابي فزعتكم
 

اختي مافهمت فين السؤال

رد: محتارة و ابي فزعتكم
 

ابي الحل هل اعرضه للتبني من جديد مع العلم اني حطيت له كذا اعلان بانه مفقود في بعض المنتديات
خايفه عليه كثير لان تغير بيئته كل شوي يأثر في نفسيته و القط لحد الحين ما اخذ تطعيماته


بس كيف احتفظ فيه بوجود قطتي المعقمه الي رافضه وجودة ؟؟


تقريبا هذا هو السؤال

رد: محتارة و ابي فزعتكم
 

اختي استمري على بيتاموكس 3 ايام وانشاء الله يخف
واذا انتي تبغينه احتفظي فيه وبالنسبه لقطوتك خليهم اسبوع او شهر مع بعض ويتعودوا على بعض
واتمنى اني افدتك

رد: محتارة و ابي فزعتكم
 

مشكورة يا غاليه ع النصايح .. بالنسبه للمضاد اكيد بستمر عليه

المهم ربي يفرجها ان شاء الله و ياكل عشان يتحسن و نعطيه التطعيمات

الذكر بيكبر و بيطلب زواج و بيرش المكان وهذا شي مو سهل بوجود انثى معقمه
يلا ان شاء الله الاقي اصحابه الي ضاع منهم ( هذا افضل حل بنظري )

و مشكورة مرة ثانيه

رد: محتارة و ابي فزعتكم
 

لم تقولي كم عمره واضني بالنسبة لقطوة انثى انها لم تعد قادرة على الحمل او الولادة بحجة انه سويت لها عملية تسمى ازالة الرحم ما صح

رد: محتارة و ابي فزعتكم
 

ما اقدر اقول كم عمرة لانه مفقود و يمكن الاقي اصحابه ان شاء الله

بالنسبه لكلامك الثاني مافهمت انت تسأل او تصحح لي معلومه !! عموما قطوتي ماتحمل ولا تولد و كبيرة بالسن بالنسبه له .. بس هو لما يكبر مارح يعرف هذا الشي واكيد بيرش المكان و بيطلب زواج

المهم الي يعرف احد ضايع له قطو بالخبر يراسلني لان وجود القط مع اصحابه افضل و خاصه انه دلوع كثييييييييير و اليف و نظيف ما شاء الله يعني ولد عز

مشكورين

رد: محتارة و ابي فزعتكم
 

اصصح المعلومة

و كنت سائلتك عن عمره حتى نقدر نساعدك


بس لو حد طلب مواصفته او شي من هذا لا تخبريه :)

رد: محتارة و ابي فزعتكم
 

عارفه انكم ما تقصرون وتبون تقدمون المساعدة مشكوين يا اعضاء تو زو

يارب يسهل رجوعه لاصحابه

في امان الله

رد: محتارة و ابي فزعتكم
 

اقول الله يخليكم ما عاد اصبر القط رافض الاكل بشكل نهائي و طلع من بطنه سايل اصفر مثل امس ...!! معقوله حرارته لازالت مرتفعه مع انه اخذ ابرة ؟؟ انا خايفه يموت عندي لا سمح الله و يكون ذنبه برقبتي وش اسوي

القطو عمرة ست شهور تقريبا و ما اخذ تطعيماته ( هذا كلام البيطري )

طول الوقت نايم او يتمشى يستطلع المكان و يشم الاكل وما ياكل و يحاول يشرب ماااااي و ما يقدر مع انه يمشي بشكل عادي و ينط ما شاء الله عليه و يتمسح علي .. ساعدوني اذا الله شافاة ان شاء الله بعرضه للتبني خلاص

رد: محتارة و ابي فزعتكم
 

ياربي ماحد فزعلي والله تعبت نفسيتي خايفه يموووووت من قل الاكل
خلاص انا كلمت طبيب ثاني في عيادة بيطريه قالي البيتاموكس مارح يفيدة كان الافضل ان الطبيب عطاة ابرة مضاد مع ابرة خافض حرارة و قالي ابعدي عنه الاكل والماي و اذا ما تحسنت حالته لبكرة هاتيه نحط له محلول !!!!!!!!!!!!!!!!

ياربي يشفيه . انا الي فيني من الحزن يهد جبال الحمدلله على كل حال

رد: محتارة و ابي فزعتكم
 

صراحه الموضوع يقطع القللللب بس من ناحية انه ينطط ويلعب معك يعني متعلق فيكي ويمكن هو ماياكل لانه تعبان نفسيا او الاكل ماعجبه !!! واذا من ناحية الانثى عادي تتعود عليه مع الوقت خليهم بغرفه لحالهم واجلسي معهم وخلي الباب مقفول وخليهم يتعرفون ع بعض ..انا انصحك ماتعرضينه للتبني لانه صراحه قطططع قلبي ولو راح عند ناس ثانيين يمكن يتعب اكثر واكثر ..الله يسهلك يارب ويوفقك ويشرح صدرك ^_^ ربي معاكي كيف تتضايقين ؟؟هو ارحم منك فيه ..بس زي ماقلت لك خليه عندك ..اما اذا حسيتي انه حالته مستعصيه وتحسينه بيموت اعرضيه للتبني لانه شيء صعب لما يموت قدامك ..تحياتي

رد: محتارة و ابي فزعتكم
 

بخليه لحد ما يتحسن ان شاء الله و بعرضه للتبني .. القطو محتاج لوقت وجهد و تطعيمات و عنايه اكثر من الي توقعت

مشكورة اختي بارك الله فيك اسعدني ردك و تجاوبك معي

رد: محتارة و ابي فزعتكم
 

العفو ياقلبي ..

رد: محتارة و ابي فزعتكم
 

عزيزتي طالما قطتك مطعمه لاتخافي عليها القط لو حبيتيه وكبر وبداء يروش اعمليلو العمليه

وهي سهله وماعليها مضره له ولك الاجر افضل من انك توديه لناس مايخافون الله

وبالنسبه للاكل اكيد نفسيته مضربه بسبب حالته طمنيه ولو انتي متوتره اكيد بيتوتر معاكي

ترى القطط حساسه لدرجه ماتتوقعيها

انا جاتني قطه الله يحفظها لقيتها عند باب البيت بالقفص وتماوي مدري مين رماها عندي

عارفين انه عندي قطط قلبي ما اداني ارميها دخلتها البيت وخليتها عندي رغم ماشاء الله عندي 9 قطط

بس اخذتها لوجه لله وديتها الطبيب اليوم وصرفت عليها 200ريال والله ربي عوضني في نفس الساعه ب2000 ريال

خديه لوجه لله وربي يعوضك باشياء كثير

رد: محتارة و ابي فزعتكم
 

رد: محتارة و ابي فزعتكم
 

صدقيني اخذته لاني قلت انه نعمه جتني من الله و بيعوضني عن قططي الي راحت والحمدلله على كل حال

دخلنا اليوم الرابع ولا اكل لو ياكل بيكون بخير

مو لاقيه حد ياخذني ع العيادة من امس و القط بدا ينحف و يتعب مع انه الحمدلله ما استفرغ ولا اسهل الا مرة وحدة اليوم .. املي بالله كبير و ثقتي به انه بيشافيه ان شاء الله

مشكورة يا غاليه ما قصرتي

رد: محتارة و ابي فزعتكم
 

ان شاء الله وربي يحفظ قططك و يجزاك الجنه

مشكورة يا غاليه ع النصيحه

رد: محتارة و ابي فزعتكم
 

اختي اعطيه محلول جفاف من الصيدليه البشرية بيبي لايت واذا مافيه تقدري تعطيه مويه مع عسل وتعطيه بالسرنجه
واعطيه مره باليوم 1سم نوفالجين اذا عليه حرارة فقط اذا عليه حرارة

رد: محتارة و ابي فزعتكم
 

انا بروح العصر للبيطري بس بسالك .. المحلول هذا بابرة؟؟ والا عن طريق الفم..

مع الاسف ماعندي عسل طبيعي ... عندي الي يبيعونه بالسوبرماركت ( يشبه العسل الاصلي )
والاخت شاهيستا ماقصرت قالتلي اعطيه مويه وعسل بعد ! و عجبتني الفكرة بس يصلح العسل الي ينباع بالسوبرماركت والا لا ؟؟ و ممكن اذا عطيته يرجعله اسهال ؟؟

رد: محتارة و ابي فزعتكم
 

رد: محتارة و ابي فزعتكم
 

الحمد لله دمعة عيني لمن قراة رسالتك الحمد لله انه بخير وطالما رجع

وصار نشيط ،والدلع دليل على انه مرتاح معاكي الله يكسبك الاجر ويعوضك يارب

رد: محتارة و ابي فزعتكم
 

الحمد لله

رد: محتارة و ابي فزعتكم
 

الحمدلله على كل حال ربي يجزاكم الجنه لولاكم بعد الله ما كنت اعرف وش اسوي

انا اكتب لكم وانا ابكي و الحزن مقطع قلبي قطي اشوفه يحتضر من البارحه ( بعد 5 ساعات من العلاج و شويه النشاط الي جاة ) تشنج و عيونه برزت لبرا و بعدها انهار و ما عاد يقدر يمشي ولا يسمع ولا يتجاوب كلمت الطبيب قال عادي و خليه صايم لا تاكلينه ! و اليوم الصبح اخذته ع العيادة بدون تفكير لاني ماقدرت انام من البارحه و لقيتها مسكرة !!!!!!!!!!!!!!!!!!!! اتصلت ع الطبيب و بعثتله مسج وبالنهايه كلمني وانا بالشارع اقوله قطي بيموت الله يخليك تعال افتح العيادة خله عندك تحت اشرافك يقولي مارح يموت و هذا شي طبيبعي الي قاعد يصير لان جسمه يتفاعل مع المضاد!!!!!!!! و مافيه قط يموت من الابر؟؟؟

قولولي صحيح قطي بيموت والا لا ؟؟؟؟؟؟؟؟؟؟؟؟؟ ممكن الابر الي اخذها تتسبب في وفاته ؟؟؟؟؟؟لا سمح الله

انا خلاص ما عاد فيني عقل يفكر قولولي وش اسوي هو قاعد يتنفس بصعوبه و لسانه طالع لبرا و موعهد بالعيادة الساعه 4 !!!

رد: محتارة و ابي فزعتكم
 

المفروض تدورين لو في عيادة اخرى عندكم في الدمام

رد: محتارة و ابي فزعتكم
 

صدقني اغلبهم مافيهم فايدة عن تجربه ! فايدتهم و خبرتهم في البهايم والله

هذا يختلف عنهم لانك ما تحسه مادي .. يهتم بالقط قبل كل شي و سمعته طيبه كثير عند الناس و شفت بعيني صيدليته ما شاء الله مزحومه من العالم والكل مبسوط و مرتاح بالتعامل معه هذا غير انه يفحص و يسال و يجاوب قبل يعطي علاج


المهم عندي ان قطي يكون بخير ان شاء الله لان العلاج الي اخذة قطي ضروري و بعض الناس اكدو هذا الشي بس الحاله الي فيها قطي ما تطمن ابدا ... يمكن زاد الجرعه ؟؟؟ الله العالم
اعذروني طولت كثير و ازعجتكم اكثر ..

دعواتكم بس هذا كل الي ابيه والباقي على الله سبحانه
و دعواتي لكم بالتوفيق وسعادة الدنيا والآخرة ان شاء الله وربي يكتبلكم الاجر في كل الي سويتوة و قلتوة
في امان الله

رد: محتارة و ابي فزعتكم
 

الله يشفيه ويرفع عنه يارب طمنينا تكفين بالي معك ...

رد: محتارة و ابي فزعتكم
 

يارب .... الله يجزاك خير و يرزقك الجنه

قطي بالعيادة بيقعد لحد الليل الطبيب مصمم على ان الادويه ممكن تكون اثرت فيه لكنها مش مميته

ما عطاني تفسير لحالته حلفته بالله الذي لا اله الا هو يقول ان الاعراض الي على قطي مو اعراض موت .. قال الاعمار بيد الله لكنهها مش اعراض موت كل الي فيه ضعف عام !!!!!!!!!! مو مقتنعه انا

بنات شافو حالته بالعيادة استغربو و قامو يسالون وش فيه وش صارله عموما ان بنزل الصور الحين وانتم احكمو بس الله يخليكم ادعوله
انتظروني

رد: محتارة و ابي فزعتكم
 

هذا قطي اول ما جا ( ربي يشفيه ) بس شويه سخونه و كسل وخمول بسم الله ما شاء الله

http://www.qzal.net/01/2012-04/13353633922.jpg

http://www.qzal.net/01/2012-04/13353633933.jpg

http://www.qzal.net/01/2012-04/13353633921.jpg

هنا مبين التعب عليه

http://www.qzal.net/01/2012-04/13353633934.jpg

هذا ثاني يوم لما راح لاول بيطري


http://www.qzal.net/01/2012-04/13353633935.jpg

شوفو شلون تغير شكله

http://www.qzal.net/01/2012-04/13353633948.jpg

ثالث يوم مالقيت احد يوديني فكان يتحسن شوي و يتعب شوي

http://www.qzal.net/01/2012-04/13353633949.jpg

رابع يوم الي هو امس ماخذته ع العيادة لاحظو عيونه كانت صفرا و هنا حمرا بس كان يمشي و يستوعب و ينط من الكنبه و السرير بس فيه خمول و كسل و امتناع عن الاكل

http://im26.gulfup.com/2012-04-25/1335349111519.jpg

بعد ما رجع من العيادة

http://im26.gulfup.com/2012-04-25/1335349111347.jpg


هنا بعد ما تشنج اخذته بحضني و كلمته بس ما كان يتجاوب و كانه ريشه بيدي .. مافيه روح الا شويه نفس


http://www.qzal.net/01/2012-04/133536339410.jpg

و استمر على هالحال طول الليل للصبح



http://im26.gulfup.com/2012-04-25/1335349111288.jpg



انتظروني باخر صورة لليوم الصبح والله قلبي ينعصر من الحزن بس اشوف الصور

رد: محتارة و ابي فزعتكم
 

http://im26.gulfup.com/2012-04-25/1335354485441.jpg

بؤبؤ العين ثابت ما يتحرك .. قطي ما يتجاوب .. ما يمشي ما يحس بأي شي حوله صار يتبول على نفسه !! اعراض شفتها بقط اصغر منه كان عندي و مات بعد يومين

http://im26.gulfup.com/2012-04-25/1335354485982.jpg


http://im26.gulfup.com/2012-04-25/1335354485193.jpg



http://im26.gulfup.com/2012-04-25/1335354486824.jpg




كلمت الطبيب من شوي قال عطيناة زبادي و سويناله تحليل دم طلع نسبه السكر والانسولين منخفضه من قل الاكل
و بيركبون له محلول بالوريد اااااةةة يا قلبي ياليته كل ه الالم في ............. ....

مارح اسامح الي عطاني ياة لانه ما قالي عن وضعه الصحي ولا عالجه ولا رح اسامح الطبيب لانه راحل له يمشي و رجع معاق و يحتضر ولا راح اسمح نفسي لان تسببتله بهالعذاب وانا ما اقصد
ياربي استودعتك قطي يامن لا تضيع ودائعه
يارب ضاقت بي السبل و اغلقت الابواب الا بابك .. لا اله الا انت سبحانك اني كنت من الظالمين

في امان الله

رد: محتارة و ابي فزعتكم