|
يوميات قطط الاعضاء!!
السلام عليكم ورحمة الله وبركاته..
انا ودي من زمان اني اسوي هالموضوع بس قلت اكيد ما حد بيعجبه بس يوم شفت loli تشجعت وسويت الموضوع وانا اقول انه هذا الموضوع مفيد عشان نتعارف على قطط الاعضاء ويستاهل التثبيت ولا شو رايكم؟ وابا كل عضو عنده قطه يحط يوميته ولازم.... 1_تكون اليوميه لقط العضو 2_وتكون اليوميه بكتابت العضو نفسه 3_والذي يحول انه يغلط على اي حد ببلغ عليه وبحذف مشركته واتمنى انه الموضوع يعجبكم واشوف مشاركتكم واتمنى ان ارى تفاعل كبير ليتثبت هذا الموضوع الجميل . . بانتظاركم |
رد: يوميات قطط الاعضاء!!
وانا ببداء
. . انا قطه جميله وطويله وننحيفه ههههه واسمي مشمش وانا اشبه اخي كثير ولكن للاسف اخي لم يات معي وانا احب هذا البيت الذي انا فيه وخاصة القلب الصافي انه طيب معي و يعطيني كل ما احتاجه وانا اتمنى اني ابقا معه وهو لديه اخوان طيبين معاي جدا لكن انا لا احب اخوانه الكبار لانهم يكرهون القطط وانا مدمنة الطعام ولذلك اصبحت رائحه الغرفه مقرفه واهله دوم يشتكون مني ولكنه لا يريد ان يرميني مهما اشتكو :) واتمنى اني ارى يوميات القطط الاخره . . . ها شو رايكم في اليوميه؟ |
رد: يوميات قطط الاعضاء!!
والله حلوه الفكره وراح اكتب يوميات جودي وميكا ولوكي في اقرب فرصه انشالله
مشكور على الموضوع |
رد: يوميات قطط الاعضاء!!
العفو اختي
انا ما سويت الا الواجب والحمدا الله شي من مواضيعي يعجب مخاويه قطاو وبنتظار يوميات جوديو ميكا ولوكي عاد انا ما ادري اموت بجودي هاي ^____^ |
رد: يوميات قطط الاعضاء!!
افا وين الردود؟
لهدرجه تكرهوني؟ انا اول سويت موضوع ولا حد رد عليه اثبت وجودك على الاقل الله يسامحكم بس وهذا وانا ما ابخل عليكم بردودي في موضيعكم |
رد: يوميات قطط الاعضاء!!
هههههههههههه
اقتباس:
اقتباس:
اقتباس:
اقتباس:
|
رد: يوميات قطط الاعضاء!!
يلا فكره جميله ان الاعضاء تكتب بلسان قططها هنا... عشان نعمل شغل محصلش :):
|
رد: يوميات قطط الاعضاء!!
انه والله مادري شنو اقوووووووووووووووووووووووووووووووووووووووووووووووووووووووووووووووووول
|
رد: يوميات قطط الاعضاء!!
ثــــــــــــــــــــانكســـ على الموضوعـــ
الروعهـ جدا جدا تقبل مرورى وامتنانى لك :) |
رد: يوميات قطط الاعضاء!!
فكرة حلوة اووووووووووووووى وان شء اللة لما يبقى عندى قطة اكيد هكتبلك يوميتها يوميا ادعيلى انى اجيب قطة
|
رد: يوميات قطط الاعضاء!!
الفكره وايد حلوه و UNIQE :P
-- انا بكتب يوميات سوسي . الموافق : 11\4\2007 انا وايد مستانس رديت لبيتي وشفت الي ربوني انا وصغير والاهتمام والعنايه رجعتلي بس ليش حابسيني بالحمام ترا انا موقصدي ابول بالبيت بس خلاص انا سمعت قطو كويتي يقول انه بيسويلي اخصاء وبيحطلي الشريحه خلاص خلاص ماراح ازعل خنشوف شيصير بعد مايرد قطو كويتي من الجامعه . ( لي عوده لتكملة الفتره الليليه ) :) |
رد: يوميات قطط الاعضاء!!
ليييييييييييييييييييييييييش بتعملولي العمليه حراااااااااااااااااااااام :(
حطوا نفسكم مكاني ... وانا بسويلكم العمليه شوفوا شبيصير لكم:( الكلام بلسان سوسي:confused: |
رد: يوميات قطط الاعضاء!!
مشكورين على مروركم
الطيب والردود الحلوه وقطو كويتي مشكور وايد لانك شاركت في يوميه سوسي ويلا بليز اتريا يوميات قططكم وانا بعد شوي بحط يوميه مشمش.. |
رد: يوميات قطط الاعضاء!!
مشمش...
اففففف انا ملانه خاطري اطلع براء اتمشى بس القلب الصافي مو راضي يطلعني لانه جيرانه عندهم جلاب ويخاف علي من انفلونزا الطيور اففف متى بكبر وبتزوج وباخذ بيت>>>>>>ههههههاي اوو انا خبله نسيت اني بتم في البيت ياي وناسه بعد شهرين بجوبين قطه ثانيه في البيت واخيرن بكون عندي صديق ههههههه |
رد: يوميات قطط الاعضاء!!
يوميات الحلوه جودي:انا جودي اكسل قطه في العالم مااحب العب ولو لعبت فهذا مجامله لمخاوية قطاو لانها تقعد نص ساعه وهي تحاول فيني العب بس مافيه امل العب. ومجامله لها لما تلعبني بحبل امسك الحبل وانا منسدحه ولما تفقد الامل فيني تروح وتخليني واذا راحت اكمل انا نومي لانها قومتني من عز نومي الله يهديها بس.
انا قطوه ماتاكل اي شي يعني لما تكون مخاويه مب فيه اشغاله النذله تعطيني لحم ني وانا مااحب وكم مره مخاوية قطاو تقولها اطبخيها قبل ماتعطينها بس وش يفهمها ذي واذا جت مخاوية هي تعرف اني ماكلت وشلون تعرف مدري وتتمشكل مع اللي في البيت وتطلع للسوبر ماركت وترجع شاريتلي 4 علب ويسكاس من مختلف النكهات . احب اكل البيض واحب الايس كريم والبطاطس والخبز . لما تقوم مخاوية قطاو من النوم تسويلها ساندويتش ولما اشوفها انشبلها لين تعطيني قطعه احب اتمدد على الارض لاكن اخوها اصغير مايخلي احد يعرف يتمدد اخاف ينط فوق بطني . اخوها الكبير يرفع ضغطي مسوي نفسه يحبني على باله يلمسني لاكنه يمسك راسي ويرعصه ويهزه .المشكله كم مره مخاويه تلاغيه على هذي الحركه. احب الحليب مررررره لاكن مخاوية تعيي تحط لنا كل يوم حليب تقول انت يجيك سهال مايصل لك لاكن وهي ماتدري لما تخلص من الفطور اشرب من كاسها خخخخخخ ماحب اقعد في حظن اي احد اتضايق ومخاويه الا تقعدني فحظنها تقول مب جايه قطوة جارتنا احن منك بتجلسين يعني بتجلسين بس اشوى ام مخاوية قطاو تلاغيها وتقولها خلي البهيمه في حالها مع اني اتضايق اذا قالت بهيمه بس يالله وش تبوني اسوي. احب المطبخ اذكر مره قد عكرفت لمخاوية قطاو لين طاحت عشان المطبخ كانت تبي تروح المجلس وانا احسبها بتروح المطبخ ورحت اركض من تحت رجولها لين طاحت خخخخ قعدت تصيح خخخخخ بس اشوى ماظربتني. لانها قد ضربت ميكا يوم طيحها هذي كل يومياتي |
رد: يوميات قطط الاعضاء!!
رووووووووعه
مشكووووووووور ولو كان بالصور بيكون أحلى وأحلى |
رد: يوميات قطط الاعضاء!!
يوميات الحلوة missy : انا قطوة عمري سنة من مواليد 23/4/2006 لما رحت حق بيت kitten_Q8ia كان عمري شهر و نص و اذكر اني مرضت لانني كنت صغيرة و مشتاقة لامي بس الله عوضني بأم واااايد حنونة و تحبني>>>هذي انا kitten_Q8ia ، و كانت تعتني فيني وانا مريضة و توكلني و كل يوم من الصبح توديني البيطري علشان اصير زينة و يوم من الايام بعد ما تشافيت بيومين طحت من الطابق الثاني للاول و طبعا امي استخفت و قعدت تجابلني و تصيح و اعتنت فيني و سوت لي كل شي لما صرت تمام التمام بعدين بعدها باسبوع رحنا مكان اسمه "الخيران" كله بحر و حمام سباحة و انا كنت حيل مستانسة لانهم خذوني معاهم قعدنا اسبوع هناك مع العايلة كلها : جدتي و جدي و خوالي و خالة امي ...الخ المهم كانوا كلهم مستانسين علي يلعبوني و ينوموني بحظنهم و كلا يراقبوني و مرات كنت انا و امي الفجر نروح البحر نتمشى شوي و كان الجو وايد حلو اذكر اني شفت قطو اسود يخرع بخ بويهي و كان يبي يهاجمني بس امي خوفته و راح... و بعدين يوم الروحة علشان نرجع البيت كنا كلنا زعلانين لان حبينا المكان و استانسنا فيه و بس امي وعدتني انها توديني له السنة الياية و انا ادري طولت بس لول هذي قصة حياتي مع امي kitten_Q8ia مو يومياتي بس انا كنت ابيكم تعرفون كل شي عني و هذي صوري و انا صغيرة قولوا ماشالله http://online-image-resize.kategorie...1.jpg&w=240&g= |
رد: يوميات قطط الاعضاء!!
اليوم:12\4\2006
الساعه : 11:05 ظهرا". سوسي: اليوم يوم كئيب مافي شي شسوي. ممممممممممممممممممممممممممممم .. الكل نايم الحين خل اروح انام تحت طاولة الصاله قطوو كويتي مو فاضيلي داش منتدى زوو وقاعد يراوي الاعضاء اناقتي وجمالي .. ها ها ها اي طبعا انا سوسي دلوع العايله ودلوع قطو كويتي على مايخلص خل اخذلي قيلوله خفيفه |
رد: يوميات قطط الاعضاء!!
لوووووول يحلوه سوسي
missy: وناسة توني قاعدة من النوم و كليت كل اكلي و الحين اروح اتحرش بامي علشان تعطيني شوية من اكلها اللي قاعد تاكله شكلة حلو و بعدين يمكن بعد شوي بنت خاله امي تيي و نلعب كلنا مع بعظ بس بعدين كالعادة تطلع مع بنت خالتها و تخليني بروحي بالبيت اقعد اشوف التلفزيون و انام بس مرات لما ترد البيت من الطلعة لازم تكون شاريتلي هدية مثل مرة من المرات راحت بت هاوس و شرت لي لعبة تشوق على شكل فار بس هالمرة انشالله تشتري لي اكل ثاني لاني مليت من اكلي كل يوم نفس الاكل قولوا امممميييييييييييين ابي اكل قطط كبار ما ابي مال الكنتز بس مليت انا كبرت مو ياهل مثل اول =) |
رد: يوميات قطط الاعضاء!!
مشكرون على الردود
الحلوه واليوميات الاحلى ^_^ |
رد: يوميات قطط الاعضاء!!
يووو انا قاعده بروحي
ابوي راح عني (القلب الصافي) مشكله المدرسه متى بتخلص عشان ما يروح عني واقطو الشوارع لوعو جبدي كل شوي قاعدين يرقموني واستناست وايد يوم ياء القلب الصافي وعرف انه قطاو الشوراع مشكله عاد ما تتوقعون شو سوا اقول؟؟ راح وياب جاك كبير فيه ماي وقعد يرشهم بس صدق ادبهم ومن ذاك اليوم وهم ما يون ولا يكلموني وانا بعد بديت ما اروح للدريشه عشان اخاف اشوف واحد وسيم واحشر القلب الصافي ويعجني في الشارع هههههه |
رد: يوميات قطط الاعضاء!!
ماشاء الله موضوع جميل انا ماعندي قطة لمن يسير عندي قطة راح اكتب وشكرا على الموضوع العبقري.
|
رد: يوميات قطط الاعضاء!!
العفو ومشكورين
عل المرور لوسي انا ولد موب بنت ^^ |
رد: يوميات قطط الاعضاء!!
قطوتي أسمها نونو عندها وايد شعر تحب اللعب والنوم ولعبة الأختباء هههه ^_^ وهي
نشيطة وماتا كل وايد وما بقت قطوة فالأمارات ماغازلتها ^_^ وقطوتي دايماً تلحقني وتحب أكثر شئ التونة والدجاج http://www.6rbad.com/up2/uploads/47660071b5.jpg |
رد: يوميات قطط الاعضاء!!
http://dailyjokeonline.com/winner.html
ما شاء الله عليها مشكوره ختيا على مرور وع اليوميه الحلوه ويلا يا اعضاء اتريا الباقي.... |
رد: يوميات قطط الاعضاء!!
اهئ اهئ
شوقتوني احكي لكم بس خلوها اول تجي البسة ياني بجننكم فيهااا |
رد: يوميات قطط الاعضاء!!
اقتباس:
وانشاء الله نشوف يوميات قطتك وانشاء الله تستفيد من هالموضوع |
رد: يوميات قطط الاعضاء!!
يلا يا اعضاء ابي اشوف مشاركتكم
اباكم تتفعلون اكثر عشان الكل يعيبه هالموضوع واابا دومنيك تشارك في يومية دمدم |
رد: يوميات قطط الاعضاء!!
هاي
انا جودي تعرفون مافضيت اكتب يومياتي تعرفون يعني حمل وولاده وبزارين اتمنى فهمتوني عاد ابشركم جبت 4 صبيان ياملحهم اول مااقوم اروح المطبخ اشوفلي شي منا ولا منا واكله وبعدين ارجع للعيال ارضعهم واذا ناموا اقوم عنهم واروح اتمددلي شوي بس مايمديني اتمدد الا اسمع صوت البزارين ..اروح القى اخو مخاوية قطاو الصغير يتعبث في عيالي ..بس وش تبوني اسوي عجزت معه بس اشوى مخاوية قطاو نبيهه ماشاء الله عليها من تفقد اخوها تطمر عند عيالي تطمن عليهم وتحل الازمه.. |
رد: يوميات قطط الاعضاء!!
قوه
انا سوسي قطو كويتي رد من الجامعه عالساعه 4 العصر وتغدا وحقرني ونام توا قعد عال8 شافني ولمس علي وناداني باسمي وراح داره واختفى,, توه عالساعه 12 بالضبط رحت عالصاله فوق ورشيت الطوفه وجكوني وخال قطو كويتي زفني ولحقني لتحت وانا انحاش حبسني بالحمام ونزل فيني صراخ وطق وقطو كويتي الخاين سامع انه قاعد يزفني وماياني بعدين نويت بصوت عالي الحمدلله انه سمعني اخيرا وانقذني من بين يدين الطاغيه ,, ااه ياراسي يعورني الحين انا بحضن قطو كويتي وقاعد اكتبلكم يومياتي يلا برب بروح اشوف امي ختوكلني حدي يوعان |
رد: يوميات قطط الاعضاء!!
طيب واللي عنده قطوتييييييييين؟؟
على العموم الموضوع رائع ،،، وانا معكم مشترك جديد بالمنتدى ويلا رووووح ميااااااااااااااااااااااااااااااااااااااااااااااااااااااااااااااااااااووووووووو |
رد: يوميات قطط الاعضاء!!
مكشور على مرورك
والحمدا الله الموضوع نال على اعجبك بالنسبه للقطتين تقدر تحطها في رد واحد مثل ما سوت مخاويه قطاو او تقدر تكتب رد على يومية القطة الاولى والرد الثاني اليوميه للقطه الثانيه ويلا انتظر يوميت قططك و يومية قطط باقي الاعضاء |
رد: يوميات قطط الاعضاء!!
فكرة حلوة وايد
http://community.webshots.com/user/a_qattan |
رد: يوميات قطط الاعضاء!!
قطتي كيتي
الاسم: كيتي العمر:شهرين ونصف اللعبة المفضلة الخيوط الصوفية اليومية.,..... مرة كنت قاعدة اسوي قبعة لاختي الصغيرة وكيتي كانت قاعدة جنبي قاعدة تناظر على القبعة وبعدين بعد ماخلصتها قمت وتركتها ورحت اتغدى وبعدين جيت لاقيت كارثة الخيوط كلها ملفوفة حولها .(طبعا بعد ماتعبت وانا قاعدة اسويها)......بس شكلها كان يضحك . |
رد: يوميات قطط الاعضاء!!
مشكور
|
رد: يوميات قطط الاعضاء!!
كيتي
مشكور على مرورك وعلى مشاركتج الخلوه واليوميه الروعه وننتظر باقي يومياتج |
رد: يوميات قطط الاعضاء!!
اخرة يومية لمشمش
واقصد فيها اخر يومية لي انا خلاص بيبعوني لان اخو القلب الصافي عطا القلب الصافي كف ومن عقبه تم يصيح وتم يقول لا ما ابي ابيع مشمش وتم يصيح وانا كل ما حولت اخفف عليه يجي اخوه ويصارخ وانا حزنت وشردت من الغرفة لاني اكره اخوه وانا قلت انه خلاص القلب الصافي ماله ذنب لي متى وهو بيظلمونه عشاني انا؟ وخلاص قرر القلب الصافي انه يبيعني لانه امر من والدته وطبعا لازم ما يرفض لي والديه امر وهو بتم طول حياته يتذكرني ويلعن اخوه الكريه وما شفتوه وهو يتحرك من السيارة الي البيت وهو يطالعني من بعيد كيف صاح بس شو نسوي هذا امر الله وباي باي لا تسولون عني لاني اختفيت من الدنيا واختفاء القلب الصافي واستوا القلب الحزين :( |
رد: يوميات قطط الاعضاء!!
هاي انا جودي يومياتي لليوم شاااااقة جدااا
اليوم انا وام مخاويه في حرب انا ابي انقل عيالي من مكانهم واحطهم تحت سرير اخو مخاويه لاكن امها راسها يابس كل ماحطيتهم ترجعهم عجز معها المهم يوم جوها ضيوف وانتهز الفرصه واسحب عيالي الثاني ورى الثاني وهي ماتدري لاكن مخاويه الله يهديها راحت تعلم امها ... بس اشوى ماشالتهم يوم جت الساعه12 وجاء اخوها من الدوام وامسدح على سريره الى ويسمع صوت عيالي بعدها ادور عيالي مالقيتهم رحت لمكانهم الاولي لقيتهم هناك وابد قعدت في مكاني وش تبوني اسويلهم.. بس |
رد: يوميات قطط الاعضاء!!
ههههه
ثانيكو مخاوية |
رد: يوميات قطط الاعضاء!!
انا لوســـــــــــــــي الحلوة لوني هـــــني و وايت احب العب وااااااايد ويا القطوة الدلوعة
. . . انا واااابد مستانسة وياها لانها وااااااااااااايد ادلعني و اتخاف علي ..... . . . و انا الحين اشوفها و خاطري اخرب لها كيبورد الابتوب .........بتعصب ثواني لكن ما راح اتعاقبني . . . و موب راضية اطلعني برع البيت .........( الاخت مقروصة من جولي يوم شردت) . . . تراني غيــــــــــــــــر لوسي عن جولي تفرق ................. . . . =^_^= |
| جميع الأوقات بتوقيت GMT +3. الساعة الآن 12:06 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو