|
قطوتي مادري شفيها
السلام عليكم
شلونكم ان شاء الله زينين تيتو وايد مخوفتني مادري شفيها طول الوقت راقدة وخاملة امس اكلت وجبة وحدة بس ورجعت الاكل كله في الليل و فيها اسهال ومن ذاك الوقت ما اكلت شي خير شر كل شوي اسوي لها اكل غير اقول يمكن تاكل بس مافي فايدة و كله تقعد بروحها ووايد تحك اذونها وما ترضى احد يتقرب منها وديتها للبيطري قال لي مصخنة وصايدتها برد اذا احد يعرف شفيها يخبرني بليييز |
رد: قطوتي مادري شفيها
بالنسبه انها تحك اذونها شوف ينزل نقط سودا منها؟؟
عموما دام معها اسهال وقف اي نوع اكل واكلها بس دجاج مسلوق ورز مسلوق وشربها مويا بيبي لايت اللي ينباع في الصيدليات كم عمر قطوتك؟ وايش التطعيمات اللي خذتها؟؟ |
رد: قطوتي مادري شفيها
اي اجوف نقط سودا على شعرها صوب اذونها بس ماعرفت من شنو
عطيتها دجاج مسلوق بس ما اكلت شي و الماي الدكتور عطاها املاح بعد ما تشرب ! قطوتي عمرها 7 شهور وشريتها من 3 ايام يعني ماعرف مطعمة او لا بس باجر موعدها للتطعيم والدكتور كتب لها 2 |
رد: قطوتي مادري شفيها
شلون يطعمها وهي مريضه صاحي هالدكتور تبي رايي اخوي قطوتك انا شاكه ان فيها فيروس بالمعده وهو مرض بالغالب يموت لو ترجعها يكون احسن لان باين انها مكتسبه المرض من المحل اللي شريته منه وانت من اي بلد؟
بالنسبه للاذن عادي يبي لها تنظيف بس |
رد: قطوتي مادري شفيها
شسوي !! ما يصير ارجعها الحين !
انا من البحرين بوديها يسوون لها تحليل وعلى فكرة انا بنت :p |
رد: قطوتي مادري شفيها
هاااي اختي آنا رايي من راي قطقوطه بس اذا حابه تخلينها عندج اووكي اشتري دوا للاسهال من الصيدليه الخاصه بالبشر اسمه كابتين وهذا الدوا يستعملونه حتى الاطفال يعني مافي ضرر وحتى البيطري ينصح فيه عطيها 3مليمتر 3 مرات باليوم بس اذا وايد تعبانه نصيحه وديها بيطري زين لان ماراح يفيد معاها الا الابره
انشاالله اكون افدتج |
رد: قطوتي مادري شفيها
مشكورررين وما قصرتوا
وديتها البيطري وطقاها ابرتين واملاح وحبوب والحمدلله وقف الاسهال D: والحين هي اوكي تاكل بس ما تلعب كلش وكله تقعد بروحها مادري يمكن للحين ما تعودت علينا |
رد: قطوتي مادري شفيها
الحمدلله حبوبتي :) اهم شي وقف الاسهال واللعب لاحقه عليه الحين هي بفتره نقاهه صبري عليها شوي وحاولي تعطينها دراي فود
|
رد: قطوتي مادري شفيها
نسيت اقولج لا اطعمينها الحين لما تشوفينها صارت اووكي تاكل ونشيطه بعدين طعميها
|
رد: قطوتي مادري شفيها
كويس الحمد الله صارت تاكل معناها ما عندها فايروس
اهتمي فيه زين وبالنسبه للنشاط القطط كسوله بطبعها بس لو انتي ساعدتيها ممكن تتجاوب معك باللعب جربي جيبي لها كره صوف حمرا وفكي شوي منها وشوفي شلون بتحبها |
رد: قطوتي مادري شفيها
ثانكس وااايد وااايد
اي عطيتها دراي فود و لعبت وياها شوي D: والحمدله كل شي تمااام |
رد: قطوتي مادري شفيها
الحمد لله على سلامتها
مبروك عليكي و في لعبه القطاوه يموتون عليها روحي محل حيوانات و دوري اذا في السياره اللاسلكيه على شكل فأر لان شكلها فار و بعد يتحرك انا قطاوتي يستانسون وااايد عليها و شكرا |
رد: قطوتي مادري شفيها
اللااااي بروح باخذ لها خاطري اجوفها تلعب شوي فيها حيوية تكسر خاطري جذي على طول قاعدة احسها تتملل! لول
|
رد: قطوتي مادري شفيها
:confused: ??:confused: !!
|
رد: قطوتي مادري شفيها
شكرا" شابات عالمساعده
|
رد: قطوتي مادري شفيها
اي والله ما قصروا الف شكرا لكم :)
|
رد: قطوتي مادري شفيها
اليوم قطوتي قعدت تحك في عينها بعدين صارت صغيرة وحمرة وكل شوي تدمع
في احد يعرف شنو اسوي لها مع العلم هي حامل |
رد: قطوتي مادري شفيها
قطوتج شيرازيه؟؟
اذا حمرت اكيد دخل بعينها شعره انتي ماعليج الا بقطنه مع ماي دافي او جاي ومسحي عليها .. وانشالله تقوم بالسلامه |
رد: قطوتي مادري شفيها
اي شيرازية ، سويت الي قلت عليه بس بعد للحين ما تقدر تفتحه زين
|
رد: قطوتي مادري شفيها
دختيرو بحطلك صور للقطره والهرهم واااااايد اووكي للعين و جربته للبيكي فيس من صيدلية البشر
اسم المرهم(oftalmolosa cusi) واسم القطره( alcon ) http://<a href="http://top3gp.com" t...p_12370182.JPG[/IMG] http://<a href="http://top3gp.com" t...p_13397496.JPG[/IMG] بالنسبه للقطره 3 مرات باليوم والمرهم بس مرتين اذا كانت العين حيل حمره ومايقدر يفتحها اما اذا الاحمرار عادي يفضل استخدام المرهم مره بالليل |
رد: قطوتي مادري شفيها
دختيرو بحطلك صور للقطره والمرهم واااااايد اووكي للعين و جربته للبيكي فيس اللي عندي من صيدلية البشر
اسم المرهم(oftalmolosa cusi) واسم القطره( alcon ) http://<a href="http://top3gp.com" t...p_12370182.JPG[/IMG] http://<a href="http://top3gp.com" t...p_13397496.JPG[/IMG] بالنسبه للقطره 3 مرات باليوم والمرهم بس مرتين اذا كانت العين حيل حمره ومايقدر يفتحها اما اذا الاحمرار عادي يفضل استخدام المرهم مره بالليل |
رد: قطوتي مادري شفيها
مشكورة اختي
|
| جميع الأوقات بتوقيت GMT +3. الساعة الآن 10:32 PM. |
Powered by vBulletin® Version 3.8.8 Alpha 1
Copyright ©2000 - 2026, Jelsoft Enterprises Ltd
الحقوق محفوظة لمنتديات تو زوو