منتديات تو زوو - تدريب الكاسكو خلال اسبوع فقط

الصفحة 5 من 83

Last »

عرض 40 مشاركات من هذا الموضوع لكل صفحة

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - تدريب الكاسكو خلال اسبوع فقط (http://www.2zoo.com/vb/showthread.php?t=110761)

سمساار

12-07-2009 01:12 PM

رد: تدريب الكاسكو خلال اسبوع فقط

اقتباس:

المشاركة الأصلية كتبت بواسطة محمد شاويش (المشاركة 954347)

اخوي انا مشكلة الببغاء يطلع على يدي بالقفاز ولاكن لمن ارجعه القفص يرجع من أول وجديد يجعر وما يرضى يطلع
ولا كن سؤالي
كيف اخلي الببغاء ما يعض؟؟
كيف اخلي الببغاء يطلع على يدي بدون قفاز؟
كيف اخليه لمن اطلعه من القفص عايدي لا يجعر ولا يصارخ؟؟
وشكرا

استاذي الفاضل المشكله كلها من القفاز والقفص
انزع القفاز وألغي القفص وحط الطير على استاند
الاستاند شيء رئيسي لمراحل التدريب
(القفاز يسبب خوف ورهبه عند الطيور)

كتكوته313

12-07-2009 01:28 PM

رد: تدريب الكاسكو خلال اسبوع فقط

مرحبا سمسار انا عندي ببغاء يطلع على اليد <<< بعد تردد بسيط

وياكل من يدي ويخليني امسح على راسه

ومايعض ولو عض خفيف جدا

ويصفر ويغرغر ماشاء الله

بس ابغى ادربه زياده واخليه يتكلم مع اني كل يوم اردد عليه كلمه وحده <<< مرحبا << اكثر من عشرين مره

ابغاه يألفني اكثر

سمساار

12-07-2009 01:29 PM

رد: تدريب الكاسكو خلال اسبوع فقط

اقتباس:

المشاركة الأصلية كتبت بواسطة الخبر مان (المشاركة 954401)

السلام عليكم ورحمة الله وبركاته

1-عمر الكاسكو (لون العيون)؟
رمادي على أصفر مدري والله يوم أطلعه في الشمس أشوفها رمادي فاتح
2-الكاسكو أليف ولا لاء؟
ياكل من يدي ويخليني أحك راسه بس مايطلع على يدي
3-جناح الكاسكو كامل ولا مقصوص؟
كامل وناوي أقصه إن شاء الله هاليومين
4-عندك طولة بال على الكاسكو؟
أكيدين
5-انت اتخاف من الكاسكو يعضك؟
ثلاث أكيدات ايه طبعا لأني للحين ماجربت عضته كيف قوية ولا خفيفة
6- حاط الكاسكو داخل قفص ولا على استاند؟
داخل قفص وأخرجه برا القفص بعض الأحيان ويوم أروشه وناوي أشتري له ستاند لوحده

تسلم والله حبيبي وجزاك الله خير ..

حياك الله معانا في مركز تدريب الطيور الناطقه
تم تسجيلك معانا بالمركز
انا بنتظارك بعدما تشتري استاند وتقص ريش الجناح
انا بالخدمه دايما

سمساار

12-07-2009 01:49 PM

رد: تدريب الكاسكو خلال اسبوع فقط

اقتباس:

المشاركة الأصلية كتبت بواسطة سور الذكريات (المشاركة 954413)

هنا متأكد راح اجد الضاله فلكم الشكر

راح ادخل للموضوع على طول

من سؤ حضي يا اخواني الكرام شريت كاسكو جامبو ولكن العين صفرا

الان ولله الحمد اقدر امسح على راسه الطير وكل جسمه

والطير ياكل من ايدي مع انه بعد فيه خوف بسيط

واشيله على ايدي ولكن بالقفاز اليما اليحن انا خايف

باقي يجعر ولكن مش مثل اول
المصيبه يا اخواني الاعزاء انه سايلنت من شريته لا صوت ولا تصفير الا الجعير

ولكن لاحظة عليه قبل فتره شريت التمنه والتمنه نشيط
فشفت الكاسكو يقلده احيان يتشقلب بالقفص وغيره ولكن ما سمعت صوت منه الا القليل

الان شلون اخليه يطلع على اليد بدون قفاز؟؟؟

والجعير كيف نخلص منه

طبعاً الجناح مقصوص ومرتب ويطير داخل البيت بس مب طيران طيران
اذا يبي ينحاش مني

والتصفير والكلام مع اني مسجل مقاطع صوت تصفير واصوت ببغاء ولكن احسه مب يمها موليه

سا عدوووووووووووووووووووووووووووووووووني

اهلا وسهلا فيك بمركز تدريب الطيور الناطقه
لقد تم انتسابك عندنا بالمركز
نظرا لكبر سن الكاسكو فسيكون بطئ في التعلم والتدريب مثل (الأوامر-استيعاب الكلمات)
لذا يرحى شراء استاند لطيرك
الاستاند شيء ضروري جدا جدا لمراحل تدرب طيرك
انا دايم بالخدمه

سمساار

12-07-2009 02:42 PM

رد: تدريب الكاسكو خلال اسبوع فقط

اقتباس:

المشاركة الأصلية كتبت بواسطة PrEsIdEnT (المشاركة 954849)

1- نعم ياكل من يدي

2- نوعا ما اعطيه درجه 2 من 5

3- نعم الفول السوداني والحب الشمسي . لكن الفول السوداني اكثر

بانتظارك

سامحني طولت عليك
اول شيء ابي تلغي القفص وتنقل الطير على الاستاند الثاني الموجود عندك وتبدأ بتقليل الاكل لغايت نص الكميه اليوميه المعتاده وتبدأ توكله من ايدك وتمسح عليه اباستمرار وتحط ايدك تحت بطنه وترفعه بس بالراحه لاتخوفه واذا صعد عاليد تبدأ تهدي من روعه بالمسح عليه وتقريبه عند جسمك وتكلم معاه واذا تمت هذي المرحله بنجاح متكرر راسلني عشان ننتقل للمرحله التاليه
انا دايم بالخدمه

هامستر كوم

12-07-2009 02:45 PM

رد: تدريب الكاسكو خلال اسبوع فقط

[عمر الكاسكو (لون العيون)؟
2-الكاسكو أليف ولا لاء؟ لا انا شاريه امس
3-جناح الكاسكو كامل ولا مقصوص؟ مقصوص امس
4-عندك طولة بال على الكاسكو؟ نعم
5-انت اتخاف من الكاسكو يعضك؟ اخاف شوي
6- حاط الكاسكو داخل قفص ولا على استاند؟ داخل القفص بس اكثر الاحيان برى ارجو انك تساعدني باقرب وقت تحياتي

سمساار

12-07-2009 02:55 PM

رد: تدريب الكاسكو خلال اسبوع فقط

اقتباس:

المشاركة الأصلية كتبت بواسطة كتكوته313 (المشاركة 954947)

حياك الله
بنسب لقطع التردد بطلعت الطير على اليد سهل جدا
تبدأ بتنقل الطير من ايدك اليمين الى اليسار وبالعكس مع التكرار ومن القفص لليد ومن اليد لي القفص مع التكرار ومن بعد ما تنجح بهالمرحله تبدأ بنقل الطير من ايدك لي ايد شخص آخر والعكس
وبهذي الصوره يكون طيرك اجتاز مرحلة تدريب طلوع اليد ويتبقى التدريب على الكلام
انا دائما بالخدمه

سمساار

12-07-2009 03:00 PM

رد: تدريب الكاسكو خلال اسبوع فقط

اقتباس:

المشاركة الأصلية كتبت بواسطة هامستر كوم (المشاركة 955063)

[عمر الكاسكو (لون العيون)؟
2-الكاسكو أليف ولا لاء؟ لا انا شاريه امس
3-جناح الكاسكو كامل ولا مقصوص؟ مقصوص امس
4-عندك طولة بال على الكاسكو؟ نعم
5-انت اتخاف من الكاسكو يعضك؟ اخاف شوي
6- حاط الكاسكو داخل قفص ولا على استاند؟ داخل القفص بس اكثر الاحيان برى ارجو انك تساعدني باقرب وقت تحياتي

هلا وسهلا فيك
احتاج منك تراقب الطير هاليومين وتعطيني تقرير عنه
لانك امس شاريه وماتعرف عنه شيء كما ارجو انك تشتري له استاند
وهذا شيء ضروري جدا جدا لمراحل التدريب
انا دايم بالخدمه

هامستر كوم

12-07-2009 03:23 PM

رد: تدريب الكاسكو خلال اسبوع فقط

اخوي عندي استاند وبسوي الي تقول تحياتي

هامستر كوم

12-07-2009 03:25 PM

رد: تدريب الكاسكو خلال اسبوع فقط

انا ملاحظ بين فتره وفتره يبي يحك وحده من رجوله ويجعر شوي وبعدين خلاص وفي اختلاف بسيط فالتجعير

جميع الأوقات بتوقيت GMT +3. الساعة الآن 11:43 PM.

الصفحة 5 من 83

Last »

عرض 40 مشاركات من هذا الموضوع لكل صفحة