صور للكاسكو ديقو وابيكم تعلموني اذا نتف الريش طبيعي او لا

[يوفاوي الكويت]

السلام عليكم اخواني اعضاء ومشرفين الموقع المميز
هذي صور حق ديقو صار له اسبوعين تقريبا قاعد ينتف الريش

http://www.2zoo.org/thumb-10-2009-2zoo_org_c99jqzzm.JPG



http://www.2zoo.org/thumb-10-2009-2zoo_org_pwymrbff.JPG

[lovely]

......

ان شاء الله يفيدونك

بس انا بعد عني سؤال لان عندي نفس حالتك هاي بالضبط

[$المزمار$]

ما اظن انه طبيعي

[nasser1430]

ما أظن إنه طبيعي ... لأن أمراض الجلد والريش للطيور كثيرة

شوري عليك وده ... بيطري بس يكون متخصص ويفهم في هالشغلات

وما يشوف شر إن شاء الله

[يوفاوي الكويت]

شاكر لكم المرور

[ksh5h 2]

والله ما اضن انه طبيعي

على ما اضن انه من الازعاااج الي يواجها في البيت

انا اعرف واحد عنده ببغاء وكليوووم يطير عقله

ويضربه بعد اسبوووع صاااار الطير ينتف ريشه والله ما تووقع طبيعي شكله نفسيه المهم وداه البيطري وعطاه فيتامينات تساعد على نمو الريش الريش ولا ادري عنه
لي اربع ايام ما شفته

وهاذا الي حااااصل اتوقع انكم خرشينه وإذا انخرش تصيبه حاااله نفسيه ويبدا ينتف ريشه

والله اعلم

على العمووووم ما يشوف شر إنشاء الله ويرجع احسن من اول

واسف على الايطاله

[بووسلطان]

مثل ماقالو الاخوان باين المرض في جلده بس اللي بيأكد لك البيطري روح البيطري راح يفيدك وانا لو مكانك ابيع الطير لان تبديل الريش او مرض نتف الريش يطول مع الطير الا اذا ماعندك مشكلة في الانتظار لكن انصح تبيع الطير لان مرض الريش هو اصعب مرض يواجه الطير ويجب التخلص منه والامر راجع لك انا عندي طير يبدل ريشه تقريبا ضل معي الان 4شهور وهو ماتعدل ريشه يعني يبيله وقت وصبر بالتوفيق

[ProOoF]

يوفاوي الكويت

هلا والله بأهل الكويت أهلي وربعي



نتف الريش هو ; تعرض الطير لحدث نفسي ونتيجة هالموقف يقوم بنتف ريشه بعنف من كل منطقه يصل لها منقار الطير وعادة مايحدث بها جروح بالجلد ثم حساسيه

تغير الريش أو التبديل ; عادة مايحدث للطير بأخر عمر السنتين ( لكل قاعدة شواذ ) عموما ً هو عباره عن تساقط الريش من تلقاء نفسه وبعضه عند تنظيف الطير لجسمه وهو أمر أعتيادي ويحدث بشكل يومي لكن بمرحله التبديل بكثره , والطير بهذه المرحله يكون بوضع عادي جدا ً لكنه يفقد الكثير من الريش بمنطقه الصدر وأول الكتفين وبأخر الرقبه .


أعتقد ياغلاي الأن أنت تقدر تحدد وش الي يعاني منه طيرك , بشكل دقيق بعيد عن تكهنات وإحتمالات , وزي ما أنت تفضلت بأول موضوعك بأن الطير ينتف ريشه هالوقت أنت تقدر تحدد النتف عنف أو نظافه

البعض عادة يروح للبيطري بكل الأمور حتى بالبسيطه و أوقات البيطري يطلع طباخ ولا سباك وبالمساء مدرس قواعد و تعبير << ياكثرهم بمجتمعنا ويلعن خير الطير ويخسف فيه

لك حرية القرار الأن ,,

[بووسلطان]

عفية عليك وعلى ردك يااخ proof فعلا انا طيري عمره تقريبا بيكمل السنتين وريشه مثل ماذكرت في هالعمر يتغير الريش ويبدل فعلا الاحظها على طيري وموعارف هل هو نتف ريش او تبديل ريش فالان من ردك يالخبير تبين لي ان طيري يبدل ريش لااكثر ولااقل وقدرت اعرف عمر طيري بالظبط

[د. إحتـراف]

السـلام عليكم

باين ان طيرك اخوي يعاني من التهابات في الجلد انصحك انك تحط على الاماكن المنتوفه اللي مافيها ريش

هات لك عسل طبيعي وبأصبعك تاخذ العسل وتدهنه على المكان المنتوف على الجلد

اذا طيرك عمل ازعاج او تألم اعرف انه جلده ملتهب

تقبل مروري