وزتي وبطتي وبيضهم الفاسد

[الوفا]

اخواني واخواتي:
شريت زوج وز مصري باخر الشتاء وجلسو عندي بالصيف وجاء الشتاء والخريف
المهم بيضة الوزه ورجنت على 21 بيضه وبعد 50 يوم مافرخو رحت لهم وفقعت بيضها
فوق 10 بيضات فيهم صوصو ميت يعني لهم فتره ميتين بالبيض

اما البط شريت اربع بطات مع الوز
زوج مصري وزوج بكيني
بيضة البطه المصريه ورجنت ومافرخت فسد بيضهم
بعد شهر بيضة البطه المصريه والبطه البكينيه
رجنت البطه المصريه للمره الثانيه ونفس الكلام مافرخت
انا بعيد عنهم ماني قريب مخليهم عند اخوي يربيهم مع دجاج اخوي
المهم اخوي تعب منهم وباعهم ..
الحين حنيت ابي اشتري بط ووز ونفسي بالوز لانهم هادي وحبيته
استفساري:
وش اسباب فسد البيض وليش مافرخ لاني غشيم في تربيتهم؟

لو رحت لسوق الطيور وش تنصحوني في الانواع لاني ناوي اشتري ولاني مستعجل بشوف الاحسن ,,, والله يعطيكم العافيه

[ZEAD^_^]

اختي يمكن من الحراره او ان البطه او الوزه تقوم عن البيض فتره ويبرد البيض

[bata11]

يا خي ريح بالك واشتري فقاصة بيض سهلة ومريحة والإنتاج تمام

[الوفا]

القفاصه يبيلها مراعها ومحافظه
واليا فقسو مع امهم احسن
طيب اي احسن نوع من الوز

[bata11]

أنا عن نفسي أحب الوز العراقي

[bata11]

طيب جرب شيل نص البيض وحطه بالفقاصة والنص الثاني تحت الأم و يوم الفقص إخلطهم

[abo abdulaziz]

ههههههههههههه مالك الا هالحل يا اخوي تعرف bata لزم عليك لا ترده هههههه

والله انا اخوي انا اشوف البط المسكوفي و فيه ايضا البط السوداني
لكن هذا مو معناته ان نوع بطك ليس جيد بالعكس جميل لكن اقولك كتغيير

[الوفا]

على الله ابي كذا طيور حلوه يعني وزه لونه حلو
البط ماني مصمل عليه دبل كبدي اوكله رز وماياكل الا مع الماء
الماء كل ساعه يبيله تغيير
شكلي بسوي بركه من الاسمنت بمساحة مترين مربع

الفقاصه مدري كم سعرها تقريبا
كذلك الوز العراقي والمسكوفي والسوداني مدري كم سعره التقريبي
بتونس اربيهم عن الطفش وعن خلق الله

[bata11]

الفقاصة أنواع وتختلف على حسب ( النوع , الصناعة , السعة )

أفضل الأنواع الإيطالي بشكل عام

و أسعاراها تبدأ الأوتوماتيك من 1000 ريال تقريبا

وانت ما تحتاج سعة كبيرة بس عاد لا تنسى تجيب وحده تكفي حجم بيض الوز

ولو أنك بجدة كان ما أقصر معك

و أدلك على كل الأماكن التي تبيع فقاصات

[bata11]

إضافة
.
.
.
صح الفقاصات تلقاها بسوق الطيور أو الصيدليات البيطرية