اشترك في نشرتنا البريدية ليصلك كل جديد

Budgie_Birds · 08-10-2011, 08:29 PM

الســلام عليــــكم و رحمة الله و بركاتـــــــه..
هذي انثى بالغه و اعتقد انها تعاني من مرض ما لان حالتها مو طبيعيه!
اول شي لون الكير مالها كان بني و غامج يعني و كانت طبيعيه مافيها شي.. بعدين مع الايام صار يفتح لون الكير و صار بني فااااااتح مائل على البياض..
انا لاحظت هذا الشيء بس قلت يمكن شي عادي او مو شي خطر..
بس بعدين بلشت تسوي حركات غريبه و كأنها تبي تطلع شي من داخلها يعني تبطل فمها و انزل راسها فوق و ترفعه جنها تبي تطلع شي بشكل غريب جنها * تطق رقبه * حق الي يفهمها

المهم و بعد فترة انتفخ ريشها بشكل مو طبيعي.. و في نفس شي حاولين منقارها من تحت منتفخ مادري شلون صاير

و شكلها مو طبيعي..
و دايما تقعد تحت ما توقف على العصايه الي في القفص.. و اذا بتنام تصير مائله صوب جهه معينه ما تكون سيده او مثلا مدخله راسه لا احس جنه في ثقل او شي جذي..
بصراحه انا وايد خايفه عليها مابي افقد طير ثاني بعد

.. اتمنى من امتخصصين يحددولي الحالة و شلون اعالجها؟؟

و هاذي صوره شوفو المنقار و شلون منتفخه.. طبعا في قشر الااكل معلق على منقارها بس لاحظو شكله من تحت مو طبيعي.. :؟

[IMG]

[/IMG]

[IMG]

[/IMG]

REHAM · 08-10-2011, 08:40 PM

وديها بيطري احسن لك

شجن الليل · 08-10-2011, 08:49 PM

طيب شووفي معها اسهال ؟؟

ان شاء الله يساعدونك الخبراء

Budgie_Birds · 08-10-2011, 09:44 PM

بصراحه كنت مفكره اوديها بيطري بس بعرف اول اذا كان مرض خطير و
اتمنى يحددونلي الحاله ضروريي في اسرع وكت ممكن

؟

الطائر الميتدئ · 09-10-2011, 12:28 AM

ولله الذهاب الى البيطري احسن شكل الطير غريب مالاحض وجود خلل في الكير

zikas10 · 09-10-2011, 06:11 AM

وعليكم السلام

الحل الأنجع باعتقادي هو ارسال الطير للبيطري
لأن حالة هذه الأنثى سيئة ..وتلك الحركات التي
كانت تقوم بها ربما بسبب أكلها لشئ ملوث وتحاول التقيأ
لاخراجه .. الأهم كما قلت ارسالها للبيطري وعزلها فورا عن باقي الطيور
وتوقيف اعطائها الخضراوات والأطعمة اللينة والاكتفاء بالحبوب حاليا..
وينقل الموضوع للقسم المناسب..

بالتوفيق..

Budgie_Birds · 10-10-2011, 07:32 PM

للاسف ماتت اليوم الصبح ..

:'(

aboOode-80 · 10-10-2011, 08:40 PM

انا لله وانا اليه راجعون
الله يعوضك باحسن منها
ويمكن انه خير لك انها ماتت