للي معاه كاسكو خبراتكم في كيفيه المحافظه عليه لكي يبقى بصحه ولا ينتكس او يموت بمرض

[soso2004837]

السلام عليكم


الخبراء اللي ربوا ببغاء الكاسكو فترى طويله كيف حافظتوا عليه

من ناحيه اكله والاهتمام به ترويشه وايضا كيف نحافظ عليه بوقت البروده وشو اللي يزعل الكاسكو والخ


ممكن تفيدونا لانه سمعنا كثير عن ضعف مناعه الكاسكو وامراضه
وشو الفيتامينات والمضادات الحيويه المفيده للكاسكو ومن وين تشترونها واسمها



شكرا

[طلع لي قرون]

وعليكم السلام ..


حيآك الله ..





بفيدك بالي اقدر عليه ..


اول شي طبعآ ..

الاهتمام بالنظافه ..

طبعآ نظافة القفص .. والمويه .. والاكل ..

بعض الاكل يجي فيه عيدان واشياء الواحد ما وده يشوفها ..


يعني لما تحط له اكل بالصحن نقيه من الاشياء الي فيه ..


التدفئه ..

الطير محتاج لدفئ في المكان الي يكون فيه .. يعني ممنوع تحطه عند مكيف او عند شباك .. في حال وجود تيارات هوائيه ..

اما اذا كان الجو حلو ورايق عادي حطه على الشباك ..

طبعا الطير لازم يكون له مكان مخصص في البيت للنوم

الطير لابد يرتاح 10 ساعات ..

واذا مو موجود غرفه فاضيه ممكن تحطه بمكان هادي وتطفي الضو عنه وتغطي سقف القفص والجوانب ..

الاكل تقدر تنوع له ..

يعني افضل شي كل ثلاث ايام تحط له نوع ..

اعطيه تفاح .. خس .. بطاطا مسلوقه .. جزر مسلوق .. جيب له عظم حبآر .. اسلق له بيض << اسلقهُ جيدآ .. <<< حلوه الضمه


الترويش ..


لابد يكون الجو دآفي او البيت دافي او المكان الي بتروشه فيه دافي ..

الماء طبعآ لابد يكون دافي ..

في كذا طريقه للترويش .. انا الحين

صرت احط الطيور بالبانيو .. واروشهم بالدش .. << حبوه من اول مره ..






هذا الي اقدر افيدك فيه ..

وبالتوفيق

[oasa_123]

1- النوم : حوالي 8-10 ساعات و لازم مكان مظلم و هادئ .
2- الاكل : تأكد انه ياكل كويس و نوع له في الاكل .
3- التيارات الهوائية : ابعده عنها و عن المكيفات و خصوصا بعد الاستحمام .
4- الفضلات : راقبها بشكل دوري و اذا لاحظت اي تغير خده للطبيب المختص .
5- التشميس : أشعة الشمس مهمه للطائر و ايضا لها عامل نفسي .
6- انتبه عليه من الحيوانات الاخرى مثل القطط .

[soso2004837]

شكرا للخبراء تفيدوني اكثر واكثر

انا ببغاءي تقريبا 4 سنوات وفوق بس منتف ريشه شوي وبعد فيه قشره وايد احس
والحمدلله صحته زينه وياكل ومتكلم

والحين فصل الشتاء كيف نحافظ على اكله نومه الخ

شكرا