لمن لديه الخبره في ترويض الكاسكو

[صائد الثعابين]

عندي كاسكو أفريقي يتكلم ويرقص ويأخذ الأكل برجله لاكنه مايصعد على اليد و إذا حطيتله إيدي إيعظها عمر تقريبا 5سنوات إشلون أخليه مايخاف.

[ThE aSHeN joKeR]

ياعمــــــــــــــــــــــــــــــــــري
عندك مشكله
الطير الي مثل هذه وبهذه العمر صعب انك تتحكم فيه
بس مافي شي اسمه مستحيل
العب معاه جوعه و أكله بيدك حاول تتلمس في جسمه كله وراح يكون
إن شاء الله بألف خير والمس رجله وخله يعتاد على اللمس تاي ابتدئ تسحبها
اسحبها و ارفعه و إن شاء الله خلال شهر كل يوم ساعتين ساعه ونص راح يجي
لا تستعجل عليه طيرك كبير يعني يستخدم الخيارات الاخرى كالعض
بس حسسه بالحب اشوي وبعدين ولا يهمك
يـــــــــــــــــوسف رضوان

[صائد الثعابين]

أشكرك من كل قلبي علي هذا الرد السريع .

[تو zoo]

شكرا اخوي على الافادة

[تاكو]

حاول اولاً تدريبه على الصعود على العصا يومياً
ابداء بعشرة دقائق
ومن ثم ربع ساعه كل يوم
وشروط التمرين لايكون احد حولك
الصبر وعدم الإنفعال
ولا تشد على الطير حتى لو رفض في بادئ الأمر
اما اذا كان الطير متعود على الصعود على العصاء
مسك العصا من المنتصف والطير واقف عليها
وتقريب يدك شيئاً فشيئاً الى رجل الطير واغرائه بالطعام بعد تجويعه قليلاً
ومناولته الأكل باليد الأخرى

[هادي]

والله انا عندي حركه بس ما ادري ويش راي اهل الخبرة فيها ؟؟؟
اول شي يكون اجنحة الطير مقصوصة
وبعدين تاخد الطير وتحطه في مغطس(بانيو) وتخلي الماء يعبي المغطس بس لا يوصل الماي فوق حجم الطير اكثر شي تخلي الماي يوصلي لصدره واثناء ما يتعبي المغطس بالماي تمد ايدك للطير واذا كان الطير يعض البس قفاز او لف ايدك بفوطة(منشفة)والطير غصبا عنه بيركب
وعلى فكرة انا جربت الحركة دي مرتين وزبطت معاي وانت على كيفك

ومسامحة اذا قلت شي ناقص او شي غلط