ممكن مساعدة ؟

[AnGeL ~ AE]

السلام عليكم

عندي ببغاء الرمادي الأفريقي

بالبداية كنت دايما حوله واهتم فيه واطلعه من القفص واخليه يطير بالبيت وكان عايش اخر دلال

لكن انشغلت بدراستي وشبه اهملته والوالد هو اللي يهتم فيه

المشكلة انه من حول السنة الى سنتين .. دايما ينتف في ريشه

قريت عن هالمشكلة وفكرته انه بيوقف عنها

لكنه الى الآن مستمر مايوقف نتف ريشه

سألت ناس عندهم مثله قالوا انه محبط نفسيا وزعلان

حاولت اني ارجع معه زي اول اطلعه والعب معه وغيره لكن مافي فايدة

وغير كذا الاحظ ان في مادة بيضا زي الغبار دايما اشوفها يا على جسمه او بأرضية القفص

ينتف بريشه ويقلع ريش جنحانه لدرجة انه مايطير ولا يرتفع حتى عن الأرض

ممكن الله لايهينكم تساعدوني ؟

واذا كان فيه بخاخ او دوا يساعده انه يوقف هالشي ممكن تدلوني عليه ؟

ومشكورين مقدما

[عـــاشق الكاسكو]

يالغالي حط له العاب في القفص تشغله عن
النتف
وهذا البيضاءالريش الي تحت جناحه الابيض

[*هاوي البادجي*]

يا هلا ومرحبا بك


اخوي حط له العاب بالقفص وطلعه يتمسى

يعني بطل باب القفص والعب معاه وامسح على راسه

علشان يحبك

هو كان متعلق فليك بس انت خليته يتعب نفسيا



تحياتي

*فواز*

[الكاسكو تومي]

افتح القفص له من فوق يمكن مايحب ا لجلوس داخل القفص مثل اللي عندي يجن جنونه اذاقفلت عليه
وعلق عنده قطع خشبيه يلعب فيها وبالنسبه للماده البيضاه المس راسه بيدك اذا طلع بيدك شي ابيض مثل البودره
وكان يحك كثير فيه سبراي خاص انا وصفه لي الدكتور وانشالله تطمناعليه

[AnGeL ~ AE]

عاشق الكاسكو

مشكور ياخوي بجرب بنصيحتك

هاوي البادجي

مشكور ياخوي وبجرب بنصيحتك ... وش اسوي مو بيدي تركته يتعب نفسيا غصب عني ولحد الحين اطلعه من القفص والعب معه

الكاسكو تومي

مشكور ياخوي وبجرب بنصيحتك ... اذا فتحت له القفص من فوق تتعلق رجوله بحيث انه يتألم مدري عن خباله ف دايما افتح له باب القفص التحتي ...والله لايهينك ياليت لو تعطيني اسم العلاج لأن دايما من احك راسه تطلع المادة اللي زي البودرة بيضا

[الكاكي]

النتف اغلب اسبابه الحاله النفسيه:
الحلول تطول مدتها وله بالساهل يعود له ريشه لابد من المثابره والاستمرار .
1-التشميس.(الشروق -الغروب).
2-الاستحمام 2 بالاسبوع .
3-وضع العاب بالقفص ليلتهي عن النتف .
4- طلعه من القفص والعب معاه .

[AnGeL ~ AE]

الكاكي

الف شكر لك وان شاء الله باخذ بنصيحتك