اشترك في نشرتنا البريدية ليصلك كل جديد

ريـــم · 13-10-2008, 12:45 PM

السلام عليكم

كيفكم يااعضاء المنتدى ؟

انا ضيفة جديده ..

وا شاء الله نفيد بعض ويرتقي المنتدى للأفضل ..

حابه استفسر عن حظر الطيور ألغوه والا لا ؟

وبما اننا مقبلين على فصل الشتاء كيف يكون وضع الببغاء ؟
يعني كيف تحمونه من البرد القارص ؟

و كيف تعرفون ان درجة حرارة الغرفه مناسبه للطير ؟

اشكركم

أبو ريـــــــــــــان · 13-10-2008, 01:21 PM

حياك الله أختي الكريمة بالمنتدى

وطريقة حماية الطير من البرد هي وضعة في مكان دافئ ويفضل تغطيتة ليلاً أي تغطية القفص بقماش ثقيل شوي وترك جزء بسيط للتهوية

M a Y e D · 13-10-2008, 08:57 PM

اقتباس:

المشاركة الأصلية كتبت بواسطة أبو ريـــــــــــــان

وطريقة حماية الطير من البرد هي وضعة في مكان دافئ

مثل ما قال اخوي ابو ريان حطيه في مكان دافي بس مب تحطينه في الميكرويف

وبخصوص الحظر اذا انتي من الامارات فالامارات سمحت باستيراد الطيور من السعودية والكويت بس لكن عشان الواحد يدخل الطير لازم اييب شهاده صحيه للطير.

ريـــم · 13-10-2008, 11:38 PM

ابو فيصل

كفيت و وفيت
يعطيك العافيه

ريـــم · 13-10-2008, 11:42 PM

M a Y e D

اقتباس:

بس مب تحطينه في الميكرويف

هههههههههههههههههه احط نفسي بالمكرويف ولا احط طيري

اشكر اخوي على الافاده

طير حر · 14-10-2008, 02:35 AM

موضوع الحراره المناسبه كان شاغلني لفتره وبحثت الكثير الكثير والنتيجه الي وصلت لها
انا الحراره المناسبه للببغاء هي من 25 الى 32 المهم شريت ثيرمومتر وجربت هالشي على طيري واكتشفت ان هالكلام خاطئ
ليش؟؟

مره خليته يتشمس الصبح وحطيته برع البيت وكانت الحراره تقريبا 34 لقيته عقب لحضات منزل جنانه
ويلهث

ومره داخل البيت لقيت الطير ينزل جنحانه (اي انه حران بس مو وايد) بالضبط عند 29 -30

الزبده ((خلصنا تراك مللتنا)) خخخ
اوووكي
يصير طبيعي بعد ما اشغل المكيف (( وطبعا المكيف غير مباشر وايد بعيد عن الطير ))
لما تنزل الحراره عند 27 الى 25

ومره قريت لواحد كندي يربي كذا نوع ببغاوات انه نسى الدريشه الي تطل على طيوره مبطله وطبعا كندا باااارده
وتذكر عقب ساعات انه ناسيها ورجع لها لقى ان حرارة الغرفة 13 والطيور ما كانت ترتعد اي انها ما كانت بردانه!!

((خلصت والا))
لحضه لحضه
الطيور فعلا عندها قابليه على التكيف معا درجة الحراره بس مو معناته انها تتعرض لتغيير مفاجئ لانها يمكن تمرض تماما مثل البشر !!

والاحسن حفظ الحراره على rate معين مثل المذكور اعلاه حفاظا على سلامة الطير ورفاهيته خخخ
وسلامتكم

المري1 · 14-10-2008, 05:57 AM

طير حر

هاذي الاجابات اللي تبرد عل السبد

M a Y e D · 14-10-2008, 08:14 AM

صح كلامك يا طير حر ...

انا قبل كنت احط طيري برع في الحديقه ودرجه الحراره في الثلاثينات يعني مب وياد مرتفعه بس القاه منزل جناحه ومطلع لسانه مثل الكلب ناقص بس يقول هووو هووو : D

ومره رحت لمزرعه واحد من الشباب عنده طيور وكان حاطنهم في كرفان ومشغل المكيف ولما دخلت كان بارد بصراحه بس طيور الكاسكو اللي عنده ما كانوا متاثرين بالعكس مستانسين.

ابولمعه · 14-10-2008, 10:46 AM

اخواني اذكر درسنا في مادة العلوم ونحن اطفال ان الطيور من ذوات الدم البارد اي انها تقوم بتعديل درجة حرارة جسمها الى الدرجة المحيطه بها لكي تتغلب على البرد

ريـــم · 14-10-2008, 12:12 PM

طير حر

اقتباس:

الطيور فعلا عندها قابليه على التكيف معا درجة الحراره بس مو معناته انها تتعرض لتغيير مفاجئ لانها يمكن تمرض تماما مثل البشر !!

اللي مقلقني ان الشتاء على الابواب
وغرفه عن غرفه تفرق من ناحية درجة الحرارة

يعطيك العافيه اخوي استفدت من كلامك الكثير