الصراخ على الطير

[without heart]

السلام عليكم
وتحيه طيبه

هل صراخي المتكرر على الطير بكلمة لا ممكن يجعله يكرهني مع ان كلمة لا يوم اصرخ عليه فيها يبعد على طول واليوم فوق 20 كلمة لا قلتها له يوم بس قرب ع الشجره يبي يكسرها يعصب بي
احيانا اقوله لا ويحاول يكسر بسرعه يوم يشوفني بقوم عليه بقوه يترك الشيئ رسخت فيه كلمة لا يعني امر ابتعد هل كل ماقلت له لا بيصير يكرهني بعدها لاني اعصب عليه دايم واهاوشه

[ٌابوعمر]

اخوي صحيحه طريقتك المفروض تخليه يربط بين الفعل السيء وبين كلمة لا بس لا تصرخ لانه يمكن يكرهك بهدوء واذا كنت فاضي ورايق طلعه اما اذا زهقان ومعصب خليه بل قفص افضل

[without heart]

بالعكس يابو عمر لو اقولها له بنبرة هدوء نهائي ماتنفع معه لانه ربط النبره بالكلمه مو الكلمه فقط يعني اذا قلت له لا بنبره عاليه وفيها غضب يعرف اني معصب ويبتعد لكن اذا قلتها له بهدوء يدري اني مو معصب ويضل يكمل يعني هو على الشعور اكثر من الكلمه

[آنآستــآزيآ]

.. مثــل مــاا قــاال الأخ أبــوو عمــر ..

.. فـ لــوو مثــلاً شفــتهـ أخطــأ وصرخــت عليــهـ بـ هيئــهـ تحذيريــهـ وبـ كلمــهـ معينــهـ وبعدتــهـ عــن المكــاان .. مــع الوقــت بتــلاحظ أنــهـ عــرف أنــوو الفعــل اللــي يســوويهـ خطــأ ويخلّيــكـ تصــرخ وتعصــب منــهـ !! فـ بيتركــهـ ..

.. آنآستــآزيآ ..

[ٌابوعمر]

اخوي طيرك ذكي جدا اذا هاذي افعاله بس لازم تعوده تقوله لا بهدوء يسمع الكلام او دخله القفص عقاب له

[without heart]

اهم شيئ انه مايكرهني يعني يصير يخاف مني مع اني ماقوله او اصرخ عليه الا عند الخطأ وهو نفسه يتجاوب معي ويبتعد وهالشي مريحني كثير

[ٌابوعمر]

حاول قد ماتقدر ماتصرخ عليه لانه لو ماكرهك تراك تحرضه على الصراخ مثلك عرفت ؟

[without heart]

ابو عمر الله يهديك الكوكاتو يخليك تنتف راسك مو تصرخ ههههههههههههههههه بس انا تاركه على راحته الا اذا جاء ينتش الفرش او يكسر باب او دولاب اصرخ وبدى يفهم صاير في اشياء من اول ماقوله لا يبعد عنها يدري انه مستحيل ماضل اصرخ عليه فيها

[ٌابوعمر]

هههههههههههههههه شفت هاذا الكوكاتو قايلك من قبل يخليك تنتف راسك من القلق ههههههههه الله يعينك

[without heart]

المشاركة الأصلية كتبت بواسطة ٌابوعمر

هههههههههههههههه شفت هاذا الكوكاتو قايلك من قبل يخليك تنتف راسك من القلق ههههههههه الله يعينك

لا تحاول ضرب الحبيب مثل اكل الزبيب << وش دخل
والي يبي الحلو يصبر على مره << مدعاه لتفاؤل