[كاسكو] يمكن تموت لكن لازم أحاول

[حايلي111]

زاعت فهمتها احنا نقول مثلكم زاعت بس قليل يفهمها فنبدلها بكلمة رجعت او تقيأت ^_^ الله يشافي ببغاك شوف فيه موضوع يتكلم عن براز الببغاء لما يكون اصفر يكون فيه مرض معين ومذكور ومعروف وعلاجه ايضا معروف ومذكور بموضوع بالمنتدى هذا ابحث عنه وبالتوفيق

[Arashi]

كثيرين لما أقول لهم "زاعت" مايفهمها..يمكن حسب المنطقه ^_^

أيوه حصلت موضوع عن البراز والعلاج...لكن مع الاسف مافي صيديليه بيطريه عندنا...بس كثيرين ينصحون بخلطة الثوم والليمون لكن مشكله مب عارفه شلون أستعملها بدون ماتضر الطير -__-

[*هاوي البادجي*]

شتقولون ؟

لا تعطينا ليمون لانه يزيد الاسهال حرام عليكم ياللي فوقي انتوا بتزودون المرض الله يهديكم

حاليا لا تروحين البيطري روحي بس اخذي دواء

اسم الدواء

PLOVET 7 IN 1


ان شاء الله

خمس ايام وما تشوف شر

*فواز*

[Arashi]

مادريت الليمون هالكثر ضار...مستغربه ان الناس تمدح الخلطه وتقول تنفع .__.
خلاص...بدور على صيدليه بيطريه ويارب اتوفق...ولو ما حصلت فراحت المسكينه ;__;

[عاشق اصوات البلابل]

يمكن الثوم قوي عليها فلذلك رجعت او بمعنى اخر طرشت

[عاشق اصوات البلابل]

طيب هي ذكر ولا انثى

[Arashi]

أغلب الظن أنثى...من شكلها وصوتها

[دلعي يتعبك]

والله ماعندي خبره ومبتدئه بس جرب العسل ممكن ينفعها انا ببغائي كان كذا خلطت له عسل مع الحب حقه صار يقط الحب ويدور العسل


والحين يزقحه فديته والله يشفي لك ببغاائك ياارب

[aburagad123]

اختي الفاضلة
بالنسبة لخلطة الثوم بالليمون جداً مفيده لجميع الامراض .. وطريقة التحضير والتقديم كالتالي :

3 فصات ثوم تهرس جيداً + نص ليمونه + 1 لتر ماء .. تخلط مع بعض وتترك لفترة 6 ساعات وتقدم للطائر
بالنسبة للتقديم : في حالات المرض تقدم من 5 إلى 7 ايام .. تترك عند الطير نص يوم وتقديمه اليوم الثاني
وفي حالات الوقاية تقدم مره واحده في الاسبوع

بالنسبة للإسهال اكرمكم الله .. ياليت توصفي حالة الاسهال .. او تدرجي صورة

أتمنى الشفاء العاجل لطيرك

[بلاك بيري]

ما قصروا الأخوان