قطتي الصغيرة اصبحت خمولة وهادئة احتاج مساعدتكم :"(!

[Jaxad]

السلام عليكم ورحمة الله وبركاته
مرحبا !
لو سمحتوا عندي كيتن عمره شهرين وشوي او شهرين ونص
كان طبيعي جدا يلعب ونشيط مثل اي قط صغير وقبل ثلاثة اسابيع مرض ووديته البيطري وطلع عنده احتقان حلق بسبب اني احطه برفة والمكيف بارد وعطاني الدواء وداومت على الدواء لين شفي الحمد لله لكن بعد ثلاثة اسابيع الحين صار فجأة ما يلعب ولا شي بس ياكل ويشرب طبيعي لكنه صار كسول وخمول ولاحظت عليه بعض الاحيان يشرب موية كثير لكن قريت انه يمكن عشان الحر وغضيت النظر عن هالشي ولما اعطيه اكل وموية ويروح الليتر بوكس او الحمام الله يكرمكم ويخلص يلحقني ويماوي ولما اوقف يطالعني وانا احطه بحضني كثير وهو يحب يجلس بحضني وينام فيه بس هالفترة صار يجلس بجنبي كثيير واحسه م يلعب الا شوي لما احركه انا :"( !
اعطيه دجاج مسلوق وتقريبا مرة بالاسبوع اعطيه جبنة يوميا امسح وجهه بقطن مبلل موية دافية وبس .. ملاحظة : قام ينحف كل شوي وانا خايف عليه
مع العلم انه بوقت النوم احطه بغرفة زي الملحق بالحوش لكنه داخل الغرفة وله شهر وزيادة ع هالحال لكن من الساعة ستة الصبح الين وحدة الليل بالبيت م عدا القيلولة بعدين يروح للملحق ينام وعهالمنوال لكن يومه كله داخل البيت * الاهل رافضين ان القط يدخل جوا لان فيه حامل *
اتمنى تفيدوني لاني مرة خايف عليه اخاف تكون حالتة مرضية ولا تكون حالة نفسية ووش الحل احتاج مساعدتكم الله يوفقكم ولكم مني الدعاء
القط شيرازي امريكي وذكر

[Jaxad]

ارجوكم احتاج مساعدتكم بأسرع وقت

[Jaxad]

؟؟؟؟؟؟؟؟؟؟؟؟؟؟؟؟؟؟؟؟؟؟؟

[Jaxad]

140 مشاهدة وولا رد ؟ ترا والله محتاج مساعدة ي جماعة الله يبارك فيكم !.

[فاتـــو]

معليش عالتأخير

الواضح انك شاريه قبل ماينفطم وطبعا تعذب معك وتعذبت معاه والله المستعان

المهم بالنسبه للسلوك وانه صار يقرب لك كثير فهذا طبيعي جدا لانه يكبر وبدأت تظهر شخصيته من خلال سلوكه

فلازم تقرب منه وتهتم بنفسيته بها الفتره

بالنسبه لشرب المويه برضو طبيعي علشان الحر

شيك على فضلاته كيف طبيعتها وهل تطلع منه ريحه شينه ؟

هل فيه زكام او نفخة بالبطن

في تطورات بحالته ولا زي ماهو ؟

[Jaxad]

شكرا استاذة فاتو ع الرد
تبنيته وهو صغير يمكن عمره شهر ونص او اقل والمشكلة امه ميته وانا مرة رحمته فقررت اربيه ، ايوه الفضلات الله يكرمك ريحتها شينة بس طبيعي يعني م فيه اسهال
اما انتفاخ البطن احس شوي حتى اخوي ماله بالقطط قال ان بطنه شويي منتفخ
اللي زاد بحالته انه يستفرغ .. امس لما رحت اجيب له وجبته قبل النوم كان جالس بالحديقة ومع اهلي هناك وكنت انا اجيب له الوجبة ويوم رجعت لاحظت انه يبي يستفرغ وديته مكان يستفرغ فيه وطلع ماكلل صرصور الله يكرمك واهلي م دروا عنه يحسبونه يلعب ><" بعدها عطيته زبادي لان الزبادي ينظف البطن .. هل هذا خطير عليه ولا لا ؟؟
بعض الاحيان اشوفه يعطس وافرازات بخشمه ، كلمت طبيب بيطري بالتلفون ووصفت له حالته قال انه فيه حرارة وهو صدق لاحظت حرارته مرتفعة شوي وقالي اوديه لعيادة بيطرية والطبيب يعطيه ابره توخر الحرارة ويعطيه ابرة تطعيم قلت له عمره شهرين قال عادي
وش رايك أ.فاتو ؟ وشكرا لمساعدتك الله يبارك بك

[فاتـــو]

اكل الصراصير غذاء طبيعي بالنسبه للقطط

لكن الخطر يكون من ان الصرصور مرشوش بمبيد فيألكه القط ويتعرض للتسمم ومن ثم يستفرغ لإخلاء المعدة

الزبادي كويس واذا استمر في الاستفراغ بكتب لك على علاج

تأكد ماعنده جفاف اسحب جلد اعلى العنق شوفه مرن ولا يابس

الابر لا ممنوع ابر حاليا

جيب علاجه من الصيدليه البشريه ومافي داعي للطبيب على الاقل حاليا

جيب مضاد حيوي ايموكس ولو حرارته مازالت مرتفعة جيب له خافض حرارة نوفالجين