سوؤال لمحترفين التدريب

[sdda7]

هل اقدر احوم الكروان (المدرب منذ الفقس) مثل الحمام يروح ويرجع مع انه ما قد شاف البيت من فوق ابد...

هو معتاد على وعلى صوتي يمشي معي زي الالف...

اللي ابي افهمه هل يقدر يخزن صور سريعه بذاكرته مثل المكان اللي يمر عليه وهو يطير؟
وكم نسبة تضييعه مكان انطلاقته الاول؟

هذا اللي خلاني اسال,
اليوم جربت على كروكودايل عمره ثمان شهور طيرته وانا ماني من الناس

اللي تقص او تنتف الريش المهم طلعته بالحوش ونايدته جاني يطير

المشكله كرواني مايعرف يوقع مع انه محترف طيران جا بيوقع على يدي

شطفها ثم توهق وارتفع عشان ما يصقع الجدار ثم دار اول لفه بالحوش انا

كنت متطمن انه ما راح يتعدا ثم بدا يعجبه الوضع المهم بدا يرتفع زود ثم صار

يحوم على حدود السطح انا هنا شكيت بيرجع ولا بيسحب انا ما امداني

اشك الا والاخ مغط سبرنت باتجاه الغرب اليين صار نقطه بالسما انا هنا

خفت طلعت الشارع واناديه كرووووكوووو كرووووكووو الى وشوي واشوفه

جاي من فوق من جهت الشمال متجه جنوب يوم شفته وانا اناديه صار

الحين يحوم على البيوت رايح جاي مره يختفي ومره يطلع وانا من كثر

الزعاق عليه اناديه كلما مر , هنا طلعو شيبان الحاره قعدو يناضرون فيني

في ذيك اللحضه حسيت ان العالم يقولون وش هالصحيح ثم شلت الفكره

ذي من راسي يوم تذكرت الغبي اللي فوق واناضر فوق واشوفه متجه يم

حمام الجيران يوم قرب عندهم ويطيرون هنا خفت لا يبعد الحمام ويلحقهم

ويضيع


وشوي معد صرت افرق بينه وبين الحمام اللي يطير كلهم لونهم رمادي

واجلس اناديه وانادي والحمدلله بعد ربع ساعه هجوله بدا يرد على صوتي

وهو في السما هنا ارتحت شوي واناديه الين نزل يوم جا يوقع على يدي

وهو اللي يشطفها مره ثانيه وانا اللي ازعق عليه تعال يا كلب سحب علي

ووقع عند اخواني عند باب البيت والحمد لله عقله الله

هل اقدر احومه مره ثانيه ؟

المشكله حنا في حاره مهب مزرعه اقول مكان معروف البيوت والشوارع تضيع بني ادم

انا جربت على الزبرا زبط وضعهن الحين عندي جوز ما يتعدا البيت مطلوق معشش في قفص مفتوح بس الزبرا طيرانها منخفض جدا مافيه الا الذكر هو اللي يبعد شوي اقصد يبعد يعني يرتفع
اما الكروان يغيم بالسما

[m.n.a.n.g.h]

انشالله الاخوان يساعدونك

[كوكتيل 991]

و الله اتخيلت نفسي مكاانك هه

زين انه كروووكو رد لكــ

[sdda7]

المشاركة الأصلية كتبت بواسطة كوكتيل 991

و الله اتخيلت نفسي مكاانك هه

زين انه كروووكو رد لكــ

ههههههههه
طلع شيبه بدقني الله يرجه

[سكر]

هههههه

الحمد لله انه رجع

والله انت مغامر ما شاء الله عليك

وصدقني مهما كانت ردود الأعضاء,, أدري انك بتطيره مرة ثانية,,

انت كذا طبعك تحب تجرب وتبتكر,,

وهذا هو مصدر الإبداع دائماً,,,

لكن أضن انك لو تجرب على كروان عنده فروخ يكون أضمن,,

حتى تبقى فكرة البحث عن أفراد عائلته وفروخه في باله وهو طاير,,

أما لو ماعنده فروخ,, بيكون بحثه عنك انت, ويمكن يشوف أحد ثاني بنفس هيئتك وينزل عنده

وفي كل الأحوال هذا مجرد رأي ولا يمنع انك تجرب,,,

ربي يوفقك في تجربتك

تحياتي

[abukhaled]

الصراحه قبل لا تطلقه يحتاج للتدريب والمكافأه اثناء التدريب شف الفيديو وشلون يعلمون الصن كونيور
http://www.youtube.com/watch?v=Hb6oztu-CYU
اذا مشكله المزرعه عادي روح منتزه او بر وعلمه

[sdda7]

المشاركة الأصلية كتبت بواسطة سكر

أما لو ماعنده فروخ,, بيكون بحثه عنك انت, ويمكن يشوف أحد ثاني بنفس هيئتك وينزل عنده

وفي كل الأحوال هذا مجرد رأي ولا يمنع انك تجرب,,,

ربي يوفقك في تجربتك

تحياتي

يعطيك العافيه امبسطت يوم شفت ردك ان دل على شي فهو يدل عن ذكائك لانك دايم تحسب انواع الاحتمالات بردودك ماقصرت الله يخليك لوالديك

زين نفس الشي اللي كان مقلقني خصوصا النحاف بحارتنا واجد
بس لا ضرر من التجربه خصوصا اذا حطيت رقم جوالي برجله
والله يوفق الجميع

[sdda7]

المشاركة الأصلية كتبت بواسطة abukhaled

الصراحه قبل لا تطلقه يحتاج للتدريب والمكافأه اثناء التدريب شف الفيديو وشلون يعلمون الصن كونيور
http://www.youtube.com/watch?v=Hb6oztu-CYU
اذا مشكله المزرعه عادي روح منتزه او بر وعلمه

اخوي هذولي عندهم بيئه تساعد انا من كل جهه عماره انا ابي اطلقه في الحوش وابيه يتعود اذا طار ما يوقع الا في البيت لاني يمكن انساه يوم برا او يطلع بنفسه من القفص وصراحه يعرف يفتح الباب عشان كذا ابيه اخر يومه ابيه يتعود ينام مكانه بالقفص
بس هل يقدر من خلال جولته اليوم يخزن معلومات وصور مثل الحمام

[m.n.a.n.g.h]

الله يوفقك لاكن شوف اطلقه مره ثانيه
وجرب

[sdda7]

اخوي منانقه MNANGH
شكلك ما فهمت سوؤالي
اللي ابي افهمه هل يقدر يخزن صور سريعه بذاكرته مثل المكان اللي يمر عليه وهو يطير؟ مثل الحمام
وكم نسبة تضييعه نقطة انطلاقته الاولى؟
ويوم اقول هل اطلقه مره ثانيه هذا سوؤال التحليه بعد ما ترد على السوؤال الاول
ومشكور عالتشجيع خيو