محتاج استشارتكم يا اهل الامازون

[abu_mahdi]

الالسلام عليكم ورحمة الله وبركاته

انا ناوي بإذن الله اشتري لي ببغاء بلوفرنتد والصراحة محتار بين فصيلة الجاكو والنوع العادي البلوفرنتد
هل يفرق بينهم نسبة الذكاء او مجرد فرق الشكل
مع العلم انا حصلت بلوفرنتد جاكو رأسه بالكامل اصفر وحجمه ماشاءالله سوبر جامبو
واليف جدا ويطلع على اليد وطير هدد ولديه قرابة 10كلمات
وحجلة ذهبي ضيق. من انتاج2011
لكن المشكله حسيت انه سعرة مبالغ فيه 6000ريال وانا خاطري فيه لكن متردد من ناحية السعر
اتمنى منكم تفيدوني وتنصحوني لاني اول مرة راح امتلك امازوني وليس لدي اي خبرة فيه وهل تنصحوني بالجاكو او البلوفرنتد العادي والفرق بينهما
وجزاكم الله خير

[/B][/B][/B]

[أسيــــر]

وعليكم السلام ورحمة الله وبركاته
نفس الذكاء ونفس الشي الفارق جمال الطيرفي الالوان فقط
ونسبة الذكاء تختلف من طير الى اخر
السعر الذي وضحته مرتفع لطير لديه 10كلمات
ممكن تحصل نفس الموصفات بسعر اقل
ملاحظه
(يعتمد حسب الكلمات هل جمل او مفردات)
في النهاية بنسبه للاختيار
نص المال نظره خذ لك مايطلق عليه الجاكو
ويكون حجم ممتاز وشكله اجمل من العادي
بتوفيق ان شاء الله

[abu_mahdi]

مشكور يا اخوي اسير على مرورك الكريم وتجاوبك معي
من ناحيه الطير الي شفته هو لديه جمله واحدة يرددها ويرقص عليها والوانه جدا مميزة وريشه مرتب و عريض ماشاءالله
لكن من وجهة نظري ايضا انه سعره مبالغ فيه. وشاكر لك

[ابو على2]

وعليكم السلام ورحمة الله وبركاته
لايوجد فرق في الذكاء بين الجاكو او العادي الفرق بينهم الون والحجم
اخوي سعر الببغاء غالي الافضل انك تشتري ببغاء في بداية الكلام وتعلمه انت الكلام
بالتوفيق

[the_gostman]

لا فرق بين الجاكو والعادي من ناحية الذكاء..

الفرق فقط في اللون (الجاكو أجمل).. والسعر اللي حصلته يعتبر مرتفع


بالتوفيق
أخوك رمزي

[أسيــــر]

العفو اخوي
المواصفات ايضى تختلف من طير لاخر
في مستوى الجرائه وقوة الصوت ووضوح مخارج الكلمات
العمر له دور والحجم والالفه والفصيله
بحثك لطير متكلم لبد ان يكون من شخص ثقه وقنوع في بيعه
كل هاذي الامور لها وضعها اثناء بحثك لشراء الطير
الاهم من ذالك انك تدفع في طير مضمون وفيه الميزات التي وضحتها لك

[abu_mahdi]

الله يعطيكم العافية ياخوي اسير وابو علي ورمزي على شورتكم واهتمامكم .
وان شاءالله راح اتبع شورتكم واتوفق بالطير المطلوب من جميع النواحي باذن الله.
واذا تعرفون احد من الدمام ثقة ومتخصص في بيع الامازون ياريت تدلوني عليه .
وبارك الله فيكم

[monybat]

السعر غالي
اظن بهذا السعر ممكن تجيب دبل يلو هد
بالتوفيق

[abu_mahdi]

المشاركة الأصلية كتبت بواسطة monybat

السعر غالي
اظن بهذا السعر ممكن تجيب دبل يلو هد
بالتوفيق

الله يسمع منك واجيب دبل يلوهيد ،ومشكور يالغالي على مرورك والله يوفقك

[طاهر عبدالعال]

طبعا الجاكو أفضل من العادى بالجمال فقط لكن الذكاء مافى أى فرق بينهم والسعر ماعندى خبرة بالسعودية لانى أعيش بالكويت لكن بعد التحويل السعر مبالغ فيه جدا خدلك طير عس افضل وعلمه على أيدك من عمر 3 شهور ولا تخاف الامازون مناعته ممتازة ولو حصلت يلوكراوند ترى أفضل من البلوفرونت بمراحل طير رائع وصوته واضح نفس اليلوناب بالظبط لكن الناس تحب البلوفرونت علشان شكله فقط
تمنياتى لك بالتوفيق