عندي كاسكو مجنون

[مستر]

السلام عليكم ورحمة الله وبركاته

بعد التحيه وعذب الاحترام

ارجو مساعدتكم لي بوجود حل لطائري اللي راح يذبحني قهر

اسمعو القصه:

اشتريت كاسكو هولندي (رمادي وذيله احمر) وللمره الأولى اربي هذا النوع

أول يوم شريته عضني ومايبي احد يقرب عنده وبس زعلان.

طبعاً هو معاي بالغرفه ومايتكلم وساكت

وزعلان وعصبي ووده بس يعض ويصيح بصوت عالي اذا جيت ابي اعطيه أكل كأنه يقول

(تكفا لا تذبحني انا ماسويت شي )

والله أحترت مع هالعصفور مرات افكر اني اجيب الشوزل وارتاح منه

(الشوزل نوع من انواع السلاح) افيدوني الله يجزاكم ألف خير

ابي اروضه ماابيه يصيح وابيه يتعود ولاني عارف

والسلام مسك الختام

[king parrot]

السلام عليكم
كاسكو هولندى غير مروض كيف تجى هذى
اخوك
king parrot

[مستر]

وعليكم السلام ورحمة الله وبركاته

تسلم اخوي على الرد السريع والتجاوب الكريم

انا مااعرف بأنواعهم لكن لونه رمادي وذيله احمر مثل ماذكرت

وفي ناس قالو لي نوعه هولندي

وماهو مروض وباين من تصرفاته

[تاكو]

يمكن الطير واجه بعض الصعوبات ياكنج في الطريق
او يمكن تعاملك مع الطير يامستر شويه صعب
اتركه فتره يرتاح وتعود عليك
وعادة الهولندي اليف
فقط طيور الصيد شرسه

[مستر]

بس ابي اعرف كيف اتصرف معاه وهل اني اخليه بحاله كذا او اني اعطيه اكل باليد او اخلي اكله عنده

وبروحه ياكل؟

[تاكو]

اخي الكريم مستر
ادخل على هذا الربط وسوف ستجد مواضيع
شامله عن الكاسكو
واذا كان هناك اي استفسار اطرحه وبدون تردد

اضغط هنا

[قناص]

أول شي دعني أرحب فيك يا مستر في المنتدى الرائع . . ونتمنى انك تستفيد منه وكذلك تعرض خبراتك كي نستفيد منها . .

وبالنسبة للكاسكو . .

اذا كان جديد على المكان وغير مروض فمن الطبيعي راح يعض ويصرخ ( يجعر ) . . بالتالي لا بد من تركه فترة يتأقلم فيها مع المكان ويحس ان كل شيء على ما يرام وبعد ذلك تبدأ معه بالتدريب . .

وتوجد مواضيع كثيرة تهمك في قسم الببغاوات تصفحها وانشاء الله سوف تجد ما يسرك هناك . .

وشاكر لك عزيزي . .

[هاوي ببغاوات]

كل عام والجميع بخير

عزيزي أول حل وأول خطوة ان تتجاهل الكاسكو في الـشهر الاول كل ماعليك تنظيف القفص واكلو وشربو
ولا تعطيلو وجه وخليه في مكان مرتفع عنك وشوف النتيجه اذا بداء يصفر ويبي يلعب ابداء في مداعبتو واذا برضو يجعر زيد كمان شهر والله يعينك اذا كان متوحش وحق غابات
الطريقة مجربة وناجحة 80% تقريبا
أهم شي في الفترة هذي توفرلو انواع الاكل من فواكة وخضروات وحبوب وتنظيف القفص باستمرار وتروشه واذا كان الجو حار ترشه بالرشاش بس مو رشاش كلاش رشاش موية
وفي مواضيع كثيرة كما ذكرو لك وطرق كثيرة في تدريب الكاسكو

[مستر]

أخي تاكو

أحس اني دوختك معاي والله يعطيك ألف عافيه

أخي قناص

اشكرك على النصيحه وانشالله راح اطبقها ومشكوووووووور على الترحيب اللطيف

هاوي ببغاوات

أخاف اتجاهله يعطيني حذف وحظر ويضرب عن الأكل :d

لا ماعليك وأنشالله راح أطبق كلامك خطوه خطوه

ومشكورين وماقصرتو

واللي عنده نصايح لايبخل علي للعلم أنا جديد بالهوايه ذي

وأتمنى اني اعرف المزيد عن الكاسكو وأطباعه وتصرفاته

والسلام مسك الختام

أخوكم مستر

[سبيرو]

اسال مجرب ولا تسال طبيب <<<<هههههههه

انا طيري اول ماجا لازم يقعد يصرخ ببعد متر

يقعد ثلاث شهور ويترك التصريخ بالتدرج

ولاتدربه وهو يصرخ لازم يكون متعود على المكان وعلى مدربه

وبعد ثلاث شهور دربه على الكلام والي تبي

مانبغى منك الا الصبر لانه بثلاث الشهور الاولى يطفش صراحه وتزهق منه بعدين يكون زي العسل

ارجو اني اوفيت لك المطلوب اخوي مشكووووور..