ثلاث اسئله فقط

[مالكي مطنوخ]

بسم الله الرحمن الرحيم
والصلاة والسلام على رسول الله محمد

السلام عليكم ورحمة الله وبركاته


نبدا موضوعنا او سوالنا

طبعا قد نزلة موضوع مثل ماهو واضح في الرابط
والحمدلله افدت ناس واستفدت فيه

http://www.2zoo.com/vb/showthread.php?t=281678

بعدها واجهتني شغله الحين بعد ماجاتني الفراخ ولله الحمد
جوني اثنين طبعا ريشهم طلع وصارو شوي يتحركون يناقزون ع خفيف

بس اكتشفت ان الذكر يهاوش واحد منهم
ورحت شريت قفص جديد عشانهم

السوال كالتالي//

الحين اذا فصلتوهم الاثنين طبعا اثنين فراخ اللي جوني بس اذا فصلتهم فيه مشكله او لا؟؟وهل وقت فصلهم مناسب او لا؟؟

السوال الثاني::
وش افضل اكل لهم لان مافيه احد يااكلهم غيري؟؟

السوال الثالث::
كيف ابدا اكون الذكر والانثى الاولين عشان يبدون ينتجون.؟


تحياتي لكم

[مالكي مطنوخ]

معقوله ولارد

[مالكي مطنوخ]

زاد سوال رابع

الحين شريت لهم قفص كبير وشلت الفاصل لان القفص له فاصل وشلته

وحطيت ثنتين حقت بيض اللي هو العش حطيت اثنين فيه مشكله ولالا

وش تنصحوني فيه بعد

اتمنى تردون علي

[مالكي مطنوخ]

تكفون عبرونا هع

[مـ غ ـرم]

وعليكم السلآم ورحمة الله ..

كم أعمآر الفروخ أخوي .؟

وهل هي مفطومة [ تآكل لوحدها ] ولآ لآ ,.؟؟

[مالكي مطنوخ]

اعمارهم تقريبا شهر

وباقي للحين ماتاكل من نفسها يطيرون داخل القفص بس تاكلهم الانثى والذكر

[مـ غ ـرم]

مآ ينفع فصل الفروخ عن الأم نهائياً قبل الفطآم ..

الحل الوحيد إنك تفصل الذكر عنهم .. وتخلي الأم تطعمهم لين الفطآم

وبهذي الفترة تكون شآيل العشوش من عندهآ الا عش الفروخ

وبعد الفطآم تقوم بنقل الفروخ .. واعطآء الانثى فترة اسبوع أو اسبوعين .. وتقوم بعدها بإدخال الذكر

بالتوفيق أخوي

[مالكي مطنوخ]

طيب متى افطمها تقريبا؟ لان فيه واحد شفته يطير بالقفص صار يقدر يوصل لحد العش فوق وينزل اسفل ياكل بس ياكل من ارضيت القفص

والثاني باقي والله يحتاج له وقت


والشي الثاني بعد الفطام
افصل الذكر والفروخ معاه والانثى لحالها ولا الانثى لحال والذكر لحال والفروخ لحال

وهل اشيل العش في فترة الاسبوعين عن الانثى ولا اخليه لان هي دايم تنام فيه ماقد شفتها غيرت محلها

[مـ غ ـرم]

الفطآم الصحيح يبدأ من عمر الشهر أو 40 يوم بالكثير

انت الآن كل اللي عليك تعزل الفرآخ عن أمهم وأبوهم .. وتشوف هل الطيور تآكل لوحدهآ ولآ لآ ,.

بالنسبة للطآئر اللي يآكل من أرضية القفص .. هذا تقدر تفطمه خلآص ..

ركز على الآخر .. وإذآ كان نفس الحآل

افصلهم جميع

الطريقة الصحيحه للفصل هي بإبعاد الفروخ عن الاب والام في قفص مستقل وبعيد نسبياً

لكن اذا كآنت الطيور مآتاكل لحآلها .. نقوم بعزل الذكر اذا كآن يضرب الفروخ .. ونخلي الفروخ مع الانثى

وخلي العش عند الانثى عآدي بس تأكد من نظآفته جيداً

بالتوفيق أخوي وعقبال الانتاج القآدم

[مالكي مطنوخ]

جزاك الله خير اخوي فعلا الذكر يهاوش واحد من الافراخ اللي هو اقلك باقي مايقدر ياكل
بس بنتظر عليها شويه كلها االاثنين لحد مااتاكد انها تاكل من القفص لان اخاف اعزلها بدري وتموت

وماقصرت اخوي ويعطيك العافيه