هام جدا لكل مربي

[asoom39]

السلام عليكم ورحمه الله وبركاته

اليوم بتكلم عن موضوع مهم جدا واغلب الناس يجهل هذا الشي ,, انا بملاحظتي الدائمه لطيري العزيز اكتشفت شي قهرني والله من المحلات اللي تبيع الاكل وحبيت انقلها لكم وهذا موضوع خاص وحصري لمنتدانا الغالي تو زوو ,, ما اطيل عليكم بالموضوع ,, احذر الاكل المكشوف اللي يباع بالمحلات يحطونه بسطل كبير ومكشوف ,, المشكله يجمع حشرات صغيره مثل السوس (لونها بني داكن) تقريبا مثل حبه القمح بس انحف منها ,, هذي تسبب مضايقه للطائر وتشوفه يجعر ويحك بمنقاره جسمه كانه يدور على نفسه ,, اتوقع انها تعضه ,, انصحكم بالاكل المكيس وفيه نوع اميركي مو غالي بس مفيد جدا وحلو ومشكل فيه انواع كثيره من الحبوب ومرسوم عليه صوره للكاسكو سعره حوالي 80 ريال ووزنه حوالي 6كيلو يعني ارخص من اللي يباع بالمحلات واحسن منه ,, حتى الشركه من ذكائها واهتمامها حاطه معه اوراق اشجار تمنع الحشرات وبنفس الوقت لو اكلها الببغاء ما راح تضره ,,
اختم موضوعي ,, واودعكم الله اللذي لا تضيع ودائعه
دمتم في حفظ الله ورعايته ,,, اخوكم :: ابو محمد

[عزوزالعبدالله]

يعطيك العافيه على الطرح

بس يا اخي الاكل المعتاد اللي هو حب دوار الشمس اكثر فيه الحشرات هذي
نفس الرز اللي تاكله وهو بالخيشه موجود فيه
حتى وهو بكيسه قبل تفتحها
و تقدر تتخلص منها بسهوله اذا اخذت بالكيلو
للمعلوميه الحشرات هذي مستحيل تنتقل لريش الطائر
الحشرات اللي تجي الطائر وتسبب له حكه اصغر من اللي شفتها بكثييييييييييييير لدرجهة انك م تقدر تميزها
تقبل مروري

[the_gostman]

كل الشكر والاحترام اخي ابو محمد على هذا الطرح..

نعم أنا أؤيدك بالكلام ولا انصح احد بشراء الاكل المكشوف لانه معرض للغبار والاتربه والحشرات.

افضل شئ هو الاكل المغلف من ماركات عالميه معروفه مثل فيرسل لاقا..


بالتوفيق للجميع
أخوكم رمزي

[monybat]

اخي الفاضل
اوافقك الكلام مية في المية
ولذلك احرص دائما انك تشتري الأكل اما يكون مغلف او من محل يكون عليه طلب
كما اني احب اوضح لك لو تعرض لذلك و وجدت عندك سوس في الاكل

جيب خل التفاح وحطة في الرشاش حق الماي
تقوم بفرش الأكل على صينية او صحن كبير وضعه في الشمس الحارة ورش عليه وليس بكثرة خل التفاح وبعدها راح ينضف
وممكن ايضا وضع الصينية في الفرن لمدة خمس دقائق
انا اقوم بهذه الخطوات حتى لو مافي حشرات للتأكد من النظافة وايضا كي لا تأتي
بالتوفيق

[al_ameer707]

شاكر لك على النصيحه بارك الله فيك وتقبل مروري

[لمســة خيـــال]

يعطيك الف عاافيه

طرح مميز ومعلومات ...

بإنتظااار جديدك..

تقبل مرووووري..

[imad86]

يعطيك الف عاافيه

[سكر]

موضوع جميل ومشاركات اجمل

بالنسبة لي اقوم بوضع الأكل في اكياس واجمدها في الثلاجة

وكل فترة أخرج كيس واطعم الطيور منه الى ان ينتهي خلال اسبوع تقريباً, يعني مايمديه يستقطب حشرات جديدة

ثم انتقل للكيس الثاني وهكذا

اذا عندك كيس كبير بإمكانك وضعه في شنطة السيارة لكم يوم (للمناطق الحارة) حتى تموت الحشرات في ظل ارتفاع درجة الحرارة العالية في بلادنا, وخصوصا في السيارة

[asoom39]

اشكر كل من رد على الموضوع ,, اسعدني مروركم ,,بصراحه فيه تعليقات والله اجمل من موضوعي ,, شي جدا اسعدني والله ,,وافادني وافاد اعضاء المنتدى الغالين,, قلت ارد مره وحده وجايب لكم صور الاكل طبعا الكيسه فيها 9 كيلو سعرها 80 ريال جدا رخيص وشي جدا راقي وحلو يطلع لك الكيلو حوالي 8 ريال
هذي شكلها من الخارج
[IMG][/IMG]

هذا صوره من الداخل
[IMG][/IMG]

اشكركم على مروركم مره اخرى والله كذا الواحد يتحمس ينزل مواضيع جديده

اخوكم // ابو محمد

[العصفور الازرق]

ماشاء الله معلومات ممتاز