ساعدوني يا أهل الخبرة في تربية الكاسيكو

[السيدة فلة]

السلام عليكم أنا عضوة جديدة في المنتدى وشدتني جدا المواضيع المطروحة

والآن صارت عندي مشكلة مع الكاسيكو الفرخ اللي عندي و

أتمنى من الأعضاء اللي عندهم خبرة في تربية الكاسيكو يساعدوني الله يخليهم


عندي فرخ كاسيكو توي مشترتنه عمره تقريبا ما بين شهرين إلى خمس شهور صار له يومين إذا نأكله يرقص رقبته ويرجع الأكل إلى بره حيث أني أكلته في هذا اليوم تفاح والليلة اللي فاتت أكلته خبز منقوع في ماء

هل هناك مشكلة كبيرة تستدعي إني آخذه إلى البيطري

وأرجوكم دلوني ويش الأكل المناسب إليه لأني تحيرت خلاص لأنه ما يبي ياكل حبوب وإذا ياكلها ياكلها بكميات جدا قليلة وصاير أكله جدا قليل

أرجوا من الأعضاء إنهم يساعدوني

[د. إحتـراف]

اختي لا تأخرين في الذهاب به الى دكتور بيطري يعطيه العلاج المناسب

طيرك فرخ لسه المناعه ضعيفه جدا جدا


تقبلي مروري

[naasooh]

معلش
الي فهمته انه فرخ
وصار له يومين عندك


اذا على هالوصف
يحتاج سيريلاك
لأن أطير صغير وينعس
اخذ ابره من البيطري وخليه يشرحلك بالتفصيل طريقة العس

+ حطي عنده جزر مفيوح مع بطاط مقطع عشان يتعلم على ألأكل
بس
اهم شئ ان اطير يااكل اذا ماا اكل خطر عليه

[د. إحتـراف]

ختي اقرب بيطري يعطيك العلاج المناسب له


الطير فرخ لسه الى الان ينغر اتوقع

روحي خذي من البيطري مضاد او فتمينات تساعد الطير

[كاسكوي صميم]

يا اختي الطير في هذه الايام لازم له عناية شديدة

بالنسبة للاكل افضل شي سيريلاك حق الاطفال

بس احسن روحي عند بيطري وشوفي ايش المشكلة

[غسان الاشقر]

بالنسبه لموضوعك الاول تلقينه فى المنتدى الفرعي (سوال وجواب)

بالنسبه لطيرك حطي لنا صوره خلي نشوفه ونعلمك
بعدين وش الاكل الى تعطينه
اذا يستفرع فربماء يكون مريض او انه لا يستسيغ الاكل المقدم له لان الرمادي لديه خاصيه الاستفراغ.

وانصحك وهذا الاحسن تاخذينه لبيطري على وجه السرعه علشان يعالجه اذا مريض.

سلامات ان شاء الله

[السيدة فلة]

أولا اشكركم على الردود

بالنسبة إلى الأكل أعطيه تفاح وكمترى وذرة مطبوخة وخبز مع الحليب

هل هذا ضار بالنسبة له

وعلما بأني أنا اللي اعطيه الأكل وأطحنه بيدي بالأول حيث أنه لا يستفرغ إلا إذا أعطيته الأكل

والآن لا أعطيه أي شيئ غير الحبوب

هل هذا كافي بالنسبة إليه حيث إنه لا يرغب في أكل السيريلاك

[0030879]

أختي لازم تتاكدي من عمري الطير مستحيل يكون شهرين وياكل حبوب

حطي له صور عشان نعرف

والحليب ضار يمكن هو السبب

الببغاوات ماتقدر تهضم اللاكتوز بالحليب ومشتقات الحليب

ومن الأفضل تعجلي بالطير على البيطري يمكن عنده مشكلة بالحوصلة ترى يموت لو ماأسرعتي

[السيدة فلة]

أرجوا منكم تزويدي بمعلومات عن الأكل البديل عن السيريلاك حيث أنه لا يستسيغ طعم السيريلاك

أرجوا منكم الرد علي حيث أنه لا يوجد لدي أي خبرة في تربية الكاسيكو وهذه أول مرة اقتني واحد

[عاشقة الظلام]

هلا اختي اذا الطير ما كانت ضاهر علية بوادر المرض من نفش الريش ولا صوت اثناء التنفس ولا سيلان على الانف ولا اسهال فالحمد الله الطير مو مريض احسن اكل لطير في هذي الفترة هو السريلاك او بسكويت الشاي تذوبيه مع حليب او ماء دافي وتاكليه بالسترنج(الابرة) وتكفي فنجال واحد لكل وجبة اما الوجبات الي ذكرتيه يمكن تعطينها الطير كسناكس واذا تكررة الحالة وديه على اقرب بيطري.