ليش نسوي عمليات الأخصاء لدي القطط

[حسن أحمد]

عندي موضوع شاغل بالي وهوا موجود عند كثير من مربي القطط وهو الأخصاء السوال هنا ليش اسوي العملية هل عشان القطوة لاتزعجني طيب انتا بتاخذ منها اعز ما تملك القطوة سوا ذكر او انثي اذا انتا ما تقدر تتحمل قطوة تخلف تتعبك مثلا او ماتقدر تتحمل تكلفة الحمل السوال اخي أو اختي ليش نربي قطوة ارجو من جميع أخواني واخواتي التفكير في الموضوع جيدا وابغا اعرف ليش اكثر الاعضاء هنا يبغو يسوي الحاجة هاذي كانت حاجة في نفسي ابغا اقولها وياريت اشوف مرورك وشكرا

[Dominique]

انا عن نفسي بابتدي بهالموضوع

انا عندي دومينيك ( دمدم )

طبعا ذكر مثل ما الكل عارف

البيت كله يحبه ويدلعه ويهتم فيه

ليش؟؟

لأنه نظيف وما منه وساخة وقذارة

طبعا انا عملتله اخصاء بعد فترة اسبوع تقريبا تلف البيت والسبب الرش لأنه ماكان فيه انثى يتزاوج معاها

ويوم يبتله انثى مارضت تتزاوج معاه وصارت ريحة البيت مقرفة من سبب الرش

فكان الحل اللي حطوه اهلي

يا انه تودين دمدم وتتخلصين منه يا انه تسويله خصاء
محد يتحمل النجاسة تنتشر بالبيت

ومادام انا مو مقصرة معاه من الاهتمام والنظافة والاكل والرعاية الطبية اللي ماكان محصل هذا كله عند أصحابه السابقين
فالحل كان الاخصاء
وفعلا تم الاخصاء وانا مو مقصرة معاه بولا شي
ولا عاد يطلب التزاوج ولا عاد يرش بول ابدا

فالنظافة اولا واخيرا هو السبب اللي خلاني اعمل الاخصاء


نشوف راي البقية
.
.
.

[Amy]

برأي أوافق أخوي حسن

فكري فيها لوشخص له عقل بيرضي بهالشي أكيد لا

وأتمني الواحد قبل لايسوي اي شي يسأل في الحلال والحرام
لان الواحد بيوم القيامه بيتحاسب وكلن بياخذ حقه

وهالشي غريزي بالانسان والحيوان الله حطه بكل حي شلون أشيله من منطلق النظافــه

وبالنهايه كلن بيتحمل نتيجة تصرفه وهذا رأي الشخصي

[SleepyMiracle]

السلام عليكم


شرعا الشيء هذا جائز ومافيه اي تحريم

بالعكس ... النجاسه قي البيت هي اللي حرام

وغير كذا ... احنا نربي قطط هوايتنا التربية وحبا فيهم ... لو كان الغرض منها تجارة كان عادي .. حطيتهم في حوش و الا في قفص و الا في اي مكان وما همني النظافه .. ويكون اكبر همي انهم يتزاوجوا ويجيبوا كيتنز و انا اربح من وراهم ...

بس اذا انا احب القط راح احرص كل الحرص انه يبقى معاي ... و انه ما يكون فيه اي سبب يخليني اتنازل عنه و ابيعه او ابعده عني ..

[looosy]

اعتقد انه في لبس وهو لما الانسان يحط نفسه مكان الحيوان
يعني مثلا يفكر هل انا ارضى لنفسي اني انحرم من العيال؟؟
طبعا اكيد كبشر لا
بس الوضع عند الحيوانات يختلف
اصلا الذكر ما يدري عن عياله هذا اذا ما اكلهم
والحكمه في وجود التزاوج عند الحيوان هي ابقاء النوع وعدم الانقراض
وهذا يختلف عن الانسان
لان الانسان يتزاوج لاسباب كثيره واحدها فقط هو الحفاظ على النوع
فيا اخوان انتبهو لهذي النقطه
مثلا القطه الانثى تربي عيالها لحد ما يعتمدو على نفسهم شوي
وبعدين بيبياي ..خلاص تضربهم وتطردهم يعني بالنسبه لها ماعاد لوجودهم معنى
واذا غابوا عنها ممكن تنساهم وتهجم عليهم
تفكير الحيوانات مختلف تماما عنا احنا البشر
علة العموم..
انا عملت العمليه لاني احب قططي وما ابغى اتخلص منهم
وعندي اقدره اعتني فيهم واوفرلهم كل الي يحتاجون
بس اذا زاد عددهم اكيد بيكون صعب علي وراح اقصر فيهم وهذا شي ما ارضاه لهم ابدا
ونفس الوقت لو بدأ يوسخون البيت راح اطر اتخلص منهم
عدا ان القطط المشرده مليانه في الشارع
جوعانين ومرضانين..
وما اظن ان ترك القطط تخلف بغير حساب بيكون خير لهم بالعكس بيزيد القطط المتشرده الي تكسر الخاطر

وبس
سلامتكم

[حسن أحمد]

انا اوافق الراي الجميع بس تعالو نناضر من منظور المسواة فقط هل اخي أو اختي اذا انخذ منك اخي او اختي اعز ماتملك او تملكي هل توافقين او توافق فكرو عدل سوف تحاسبو يوم القيامة علي كل صغيرة وكبيرة

[كويتي من العاصمه]

حرام تحرمونه من فطرتة ومن رغبة بالتكاثر

المفرض من البداية ماتشترون ذكر اذا خايفين انه يوصخ المكان