فكرت في هالشي مارشي بس معروف ان أكل الأم للصغار يكون قبل ما يتكون الفرو
وانا نسيت اذكر ان العشرة اعمارهم 15 يوم.. والأربعة 13 يوم
المهم.. لما تأخر الرد ع سؤالي قلت يمكن ماحد جرب هالفكرة فقررت اجرب واكون حذر
خذت واحد من العشرة وحطيته مع الاربعة وجلست اراقب وانا في بالي بشيله لو شفت اي شي مو مطمن
لكن فوراً مشى للأم الثانية ورضع منها!
خليته دقايق لين تأكدت ان الوضع اوكيه وشلت اثنين كمان وحطيتهم معه.. صار مع الأولى 7 صغار ومع الثانية كمان 7
وكمان ع طول رضعوا من الأم الثانية
وعشان اتأكد انها ما استنكرتهم نقلت الثلاثة بعيد عن العش وراقبت.. بعد اقل من دقيقة تفاجأت بإن الأم راحت لهم ورجعتهم واحد واحد للعش كأنهم عيال بطنها
أكثر شي بسطني في الموضوع ان الثلاثة اللي نقلتهم فتحوا عيونهم في اليوم اللي بعده على طول!
واخوانهم السبعة الأولين لسه ما فتحوا!
وكمان الأربعة إلى الحين مافتحوا عيونهم بس شكلهم ع وشك لأن أجسامهم أكبر رغم ان عمرهم أصغر
انا كنت شايل هم انه لو تغير حليب الأم عليهم هل ممكن يضرهم؟ والحمدلله التجربة أثبتت العكس
شكراً مارشي =)