دجاجي

[أبو شرف]

السلام عليكم ورحمة الله وبركاته وبعد
ما تقولوا لي ألف مبروك دجاجتي رجنت على البيض وتحتها 13 بيضة بس عندي اسئلة
انا غطيت عليها بلوحة خشبية عشان خويتها لا يخشون عليها
و بعدين اذا فقسوا عيالها وش اعطيهم انا كنت اعطي صيصان الفقاسة علف لاحم بس الصيصان عيال الام ابي اعطيهم شيء طبيعي وش اعطيهم من اكل اول اسبوعين لان اول مرة ترجن عندي دجاجة قولوا لي وش ملاحظاتكم وكلامكم عن الدجاجة الراجنة
بعدين حبيت اغير الديك الأب كيف اسوي خاف الدجاجات ما يتعودون عليه و خاف انه يقتل الصيصان و الدجاجات وش يسوون مع الصيصان الصغار و الام تدافع عن صيصانها و لا كيف هاذي مجمل الاسئلة وابي كل واحد يكتب لي تقرير عن رجن الدجاج و الصيصان اولاد الدجاجة وشكرا

[أبو شرف]

16 مشاهدة و لا رد واحد

[احمد الحارثي]

اولا : الف مبرووووووووووووك على البيض و الدجاجه الراجنه


اول ما يفقصون احبسهم مع امهم لحال و اكلهم اكل عادي (دخن.حب.الخ........)و اما عن الديك فما عليك تغيره تخليه لانه انت بتفصل الكتاكيت هم و امهم لحال

[قاسم الحاسم]

مبوووووووووووك .عقبالنا

بالنسبة للديك مو لازم تغيره ...والدجاجة راح تهتم بصغارها وتفطمهم بنفسها
وتاكل هم ...وانت ما عليك الا تقدم لهم الوجبة اليوميه

وشوف الدجاجة لو شافت دجاجات غيرها ترجن
حتى هي تكون تبغى ترجن ....ودجاجتك هذه من الفطره
راجنة ..اهتم بها .......هبه من الله ...




مبروووووووووووك

[الكادي هواها]

المشاركة الأصلية كتبت بواسطة أبو شرف

السلام عليكم ورحمة الله وبركاته وبعد
ما تقولوا لي ألف مبروك دجاجتي رجنت على البيض وتحتها 13 بيضة بس عندي اسئلة
انا غطيت عليها بلوحة خشبية عشان خويتها لا يخشون عليها
و بعدين اذا فقسوا عيالها وش اعطيهم انا كنت اعطي صيصان الفقاسة علف لاحم بس الصيصان عيال الام ابي اعطيهم شيء طبيعي وش اعطيهم من اكل اول اسبوعين لان اول مرة ترجن عندي دجاجة قولوا لي وش ملاحظاتكم وكلامكم عن الدجاجة الراجنة
بعدين حبيت اغير الديك الأب كيف اسوي خاف الدجاجات ما يتعودون عليه و خاف انه يقتل الصيصان و الدجاجات وش يسوون مع الصيصان الصغار و الام تدافع عن صيصانها و لا كيف هاذي مجمل الاسئلة وابي كل واحد يكتب لي تقرير عن رجن الدجاج و الصيصان اولاد الدجاجة وشكرا

الف الف مبروك وان شاء الله تشوف احلا صيصان
اهم شي اذا غطيتها توفر لها الاكل والماء والمكان يكون شبه مظلم عشان ترجن براحتها
بنسبه لكل حطلهم حبوب مجروشه مثل الذره ودخن ...... اخ ونتبه للمشرب مايكون عميق عشان الصيصان مايغرقوا فيه مثل ماصار معي زمان
طيب وش السبب الي يخليك تغير الديك؟؟؟
هذا الي اقدر اجاوب عليه وانتظر الاخبراء بالقسم مارح يقصرو
تقبل مروري

[ملهمـ]

الف تريليون مبرووووك ياغالي

أول شي عادي غير الديك مايصير شي ، بالعكس الديك حنون ع الصيصان.

وبالنسبة لأكـل الصيصان

بيض مسلوق " مطبوخ " تعطيهم الصفار

تقوم بترطيبه بيدك وتعطيه

بعد ثلاث أيـام أعطيهم علف

وظيفة البيض يقوم بتقوية العظام

وهذه عن تجربة واخذ علم من بيطري وتمت التجربة وماشاء الله لا قوة الا بالله

دمت بود

[صمت الأمل]

وعليكم السلام ورحمة اللهـ وبركاتهـ .


ألف مبروكـ ماتكفي ابد ..


مليوووووووون مبروكـ , عقبال تشوف الفراخ بالسلامهـ .

اذا فقسوا عيالها وش اعطيهم انا كنت اعطي صيصان الفقاسة علف لاحم بس الصيصان عيال الام ابي اعطيهم شيء طبيعي

تقدر تعطيهم العلف اللاحم ,, وتعطيهم ايضا من الأكل الطبيعي .


عطهم ذرهـ مطحونهـ + رز مسلوق بماء حار فقط + شعيريهـ مسلوقهـ بماء حار ,, واذا كبرو تقدر تعطيهم مكرونهـ + خضار مقطعهـ تقطيع صغير مثل البصل والطماط والخيار والورقيات + خبز مبلول بماء .


تصرف معهم مثل الدجاج العادي ,, فقط تعطيهم الأكل بدون بهارات وبحجم مناسب لحجمهم .

قولوا لي وش ملاحظاتكم وكلامكم عن الدجاجة الراجنة

حاليا اتركها وعطها الأكل امامها فقط ,, وهي بتاكل اذا انت ابتعدت عنها .


واتركـ الماء بعيد عنها أو في مكانهـ العادي عشان تتحركـ وتعطي نفسها فرصهـ للراحهـ أكثر .


راح تلاحظ ان الدجاجهـ بتنحف ويطيح ريشها ,, خصوصا ريش البطن هو اول من يطيح .. لكن بتسترجع صحتها بعد الفقس بإذن اللهـ .

بعدين حبيت اغير الديك الأب كيف اسوي خاف الدجاجات ما يتعودون عليه و خاف انه يقتل الصيصان

فعلا ممكن تصير هالحادثهـ .


انتظر حتى يفقس البيض بالسلامهـ ,, ثم اذا تركت الدجاجهـ عشها فاعزلها بقفص لحالها مع فراخها .. تقدر وقتها تغير الديكـ بدون ماتخاف عليهم .

و الدجاجات وش يسوون مع الصيصان الصغار و الام تدافع عن صيصانها و لا كيف

اذا شفت أول بيضهـ فقست ,, اعزل مكان الدجاجهـ عن الباقيات بقفص أو حاجز يمنعهم انهم يوصلون لها .


الدجاج المرجن حسب طبعهـ ,, بعضهم يبغى البيض ومايهتم بالمكان ,, وبعضهم يهتم بالمكان أكثر من البيض .


دجاجتي لما فقس اول فرخ كانت رافضهـ تماما اني انقلها حتى مع فرخها وحاولت انقلها في الليل بدون فايدهـ , والدجاجات الباقيات بدأو يشوفون وش عندها ويحاولون ياخذون قشر البيض وخفت انهم ينقرون الصوص .


عزلتها لحالها مع مكانها والحمدللهـ ستر ربي عليهم ..







مقصدي من كلامي ممكن تفكر بطريقهـ كيف تعزل الدجاجهـ بدون ماتخاف وتتركـ البيض ..


وبنفس الوقت يحمي الصوص بدون تدخل الدجاج الباقي الملقوف .

هاذي مجمل الاسئلة وابي كل واحد يكتب لي تقرير عن رجن الدجاج و الصيصان اولاد الدجاجة وشكرا

حاليا ماعندكـ سوى انكـ تنتظر الفقس على خير بإذن اللهـ .


في اليوم الرابع أنصحكـ وبشدهـ تسوي فحص ضوئي للبيض اللي هي مرجنهـ تحتهـ .


لأن ممكن يكون البيض فاسد لاسمح اللهـ أو غير ملقح ,, وتقدر تبدلهـ بسرعهـ بدون مايضيع جهد الدجاجهـ المسكينهـ 3 اسابيع انتظار بدون فايدهـ او نسبة فقس ضعيفهـ .


الطريقهـ بتلاقيها هنا :


http://www.2zoo.com/vb/showthread.php?t=223442


وان شاء اللهـ بنكون متابعين معكـ ,, وبشرنا بالأخبار أول بأول .

[طائر اليمام]

افادوك الاخوة بس ابي اضي نقطة افصل الصوص مع امهم

[ابـ اروى ـو]

الف مليون مبروك الله يطعمك خيرهم
ما قصرو الاخوان
اعطوك المفيد فجزاهم الله خير
دمت سالما

[أبو شرف]

أنا الديك الي ابي اشتريه الي في صورة التوقيع حقت ابو اروى وش نوعه هالديك يشبه له تقريبا و هل هالديك يضرب الصيصان و لا لا


وبعدين بعد التفقيس متى ترجن نفس الدجاجة المرة الثانية