اشترك في نشرتنا البريدية ليصلك كل جديد

قطرررررررررررري · 24-08-2007, 05:29 PM

بسم الله الرحمن الرحيم

السلام عليكم ورحمة الله وبركاته

هلا بكل أعضاء تو زوو الحلوين.......وبصراحه اليوم حاب اطرح موضوع وهو جواب على تسال اشوفه

كثر هذي الايام من الشباب وهو

ما أفضل نوع ابتدي فيه تربيه الحمام؟

بصراحه الجواب هذا محيرني لان مافي نوع مفضل تبتدي فيه فالنهايه كلهم حمام

ومعظم الانواع الموجوده فالسوق الواحد يقدر يربيها من غير عناء

واكيد لكل واحد غلطات بس ماتستدعي انه يدور على نوع معين يكون هو محل التجارب

وموضوعي مقسمه الي سبع خطوات لو اي واحد قدر يطبقها انشالله بيقدر يربي اي ينوع يختاره

نبتدي الموضوع

الخطـــــــــــــــــــــــــــوه ألاولـــــــــــــــــــــــــــــــــــــى

نوع الحمام :

طبعا في نوعين يفضل ان الواحد مايبتدي فيهم وهم

لان النوعين يحتاجون الي اجواز ثانيه تحضن بيضهم وتدخل في عملية تغير البيض

وغيره وهذي اشوفها تتم بعد مايكتسب الواحد خبره في عالم الحمام

أما باقي الحمام فالسوق فتقدر تربيه

من حمام شمسي هزاز كرينقو كنق قلابي ايراني زاجل كشكي كيرلي نمساوي الخ من انواع

الحمام تقدر تربيهم وتربيتهم ماتطلب شي حاله من حال اي حمام ثاني

الخطــــــــــــــــــــــــــــــوه الثـــــــــــــــــــــــــــانيه

أختيار القفص (المحكر) :

يختار كل شخص القفص على الل هو يناسبه في قفص لجوز واحد وفيه انواع فيها خانتين او ثلاث

وفيه خانات كثير

والمبتدئ انا اشوف انه يستخدم ثلاث خانات افضل وحتى لو استخدم خانه فالبدايه

وبعد راح يكثر من حمامه يخلي الخانه الوحده المفصوله معزل لفروخ

نفسي

وهذي صورهم

الخطــــــــــــــــــــــــــــــــــــــوه الثالثــــــــــــــــــــــــــــــــــــه

العش :

وتنقسم الي خطوتين

صحن العش

ومواد التعشيش

يقدر الشخص يستخدم هذي لوضع البيض عليها ويقدر يستبدلها بجريد النخيل ورق التوباق

والنوعين هذولي مايجيبون الباعوض مثل النباتات الثانيه

الخطــــــــــــــــــــــــــــــــوه الرابعــــــــــــــــــــــــــــــــــــــــــــه

الماء :

يجب المحافظه على المياه نظيفه وتغيرها بشكل يومي ويجب اختيار وعاء يساعدك على معرفة

المياه نظيفه ولا لا

الخطــــــــــــــــــــــــــــــــــــــــــوه الخامســــــــــــــــــــــــــــــــه

الاكل :

توفير الاكل المناسب وعدم تخزينه في اماكن رطبه او بها حشرات او فئران

واستخدام الاكل والحبوب المتنوعه وعدم استخدام نوع واحد من الحبوب ففط

الاملاح :

توفير الاملاح الازمه للطيور وخاصه الكالسيوم واللي له تاثير على البيض المكون الاساسي لقسرة

البيض ومقوي لعظام الحمام

الفيتامينات :

واكيد الكل عارف فايدة الفيتامينات للحمام

وهذي طريقة وضع الاكل والاملاح لحالها في وعائ وتوفير عظمة الحبار

الخطــــــــــــــــــــــــــــــــوه السادسه

التنظيف :

يجب تنظيف المكان والمحافظه على النظافه الدائمه ووضع رمل البحر بعد كل عملية تنظيف

وطريقة التنظيف بسيطه ماتحتاج اي جهد

وهذي الادوات

الخطـــــــــــــــــــــــــــوة السابعـــــــــــــــــــــــــــــــــــــه

اللوازم الطبيه :

عمل كورسات باستخدام المضاد الحيوي فالشهر 5 ايام

او البديل عنه استخدام الثوم يومين فالشهر وهو من اقوى المضادات الطبيعيه

وهو عبار عن فص ثوم واحد لكل لتر ماء فالشتاء ونص فص ثوم لكل لتر واحد ماء في الصيف

مخثر للجروح

علاج للكنكر حبوب ووقايه بالبودر فالماء باللون الازرق

علاج الدود وهو مهم جدا باللون الاحمر وعباره عن حبوب

مضاد حيوي ابر فالصدر او تحت جلد الرقبه

بخاخ مضاد للقمل وهو مهم جدا

اتمنى الموضوع يكون جواب لكل شخص يسال كيف ابتدي وكيف ادخل عالم الحمام

تحياتي لكم

اخوكم / قطرررررررررررري

نشأت الطميزي · 24-08-2007, 05:44 PM

ما شاء الله موضوع رائع وجميل جدا مشكور أخي قطرررررررررررري على الموضوع والصور شكرا

رعوود · 24-08-2007, 06:33 PM

الف شكر خالي عالموضوع الحلو والمفيد للكل

وبغيت اسئلك هل هالخطوات تطبق نفسها عاليمام

بالاخص اليمام الماسي ؟

ومشكور خالي ما ننحرم منك

Rastaman · 24-08-2007, 06:35 PM

جزاك الله اخي القطرررري على هدا الموضوع القيم و الشامل.
بالتوفيق

قطرررررررررررري · 24-08-2007, 06:36 PM

مشكورين على الردود

واخوي رعوووود اخوي لصغير

هنا تقدر تطبق على دايموند دوف

http://www.2zoo.com/vb/showthread.php?t=34290

الوديع · 24-08-2007, 11:49 PM

أخوي القطري تسلم والله على كل ماتقدمه لنا ,,, رغم أني لي باع طويل في عالم الحمام بس
أستفيد منك في بعض الامور ///////////////////// تحياتي لك بالتوفيق أخوك الوديع