يوميات دجاجة ( مرض دجاجة وعلاجها باذن الله تعالى )

[fawazzz_q8]

السلام عليكم
حاب اعرض لكم مرض اصاب 3 من دجاجاتي والله اعلم هل سيكون هناك رابعة ام نكتفي بثلاثة دجاجات
المهم اني رحت للبيطري وهناك شفت واحد جاي يشتري كان عنده جاخور وقال لي ترى علاجها يكلف اكثر من سعرها
لكنني فضلت اعالجها حتى لو كان اكثر من سعرها
المهم اني رحت للبيطري وشاف حالة الدجاجة وقال لي ان السبب هو تزاحم الطيور مع ان المساحة كبيرة حيل ونظيفة
طالعوا حالة الطير المريض ركزوا على عينه



طبعا هذا اصغر طير مريض عندي وبصراحة له معزة عندي لانه كان شحلاته لما كان نشيط طبعا باختصار حالة المريض ان نشاط الطير قل وصارت عين واحدة سليمة اما الاخرى فهي تدمع دائما وشكلها موطبيعي ومع الوقت تورم

المهم لما رحت للبيطري قال لي الريال راعي الجاخور ان هذا شي طبيعي تصير فيهم حالات تنفس وانا ماادري شنو علاقة التنفس بالعين بصراحة

المهم ان البيطري عطاني دوائين قيمتهم دينار ونص كويتي واحد منهم مرهم للعين وهذي صورته


وعطاني بودرة نخلطها مع الماي ويشربونها عشان تحل مشاكلهم التنفسية


وهذي البودرة من الداخل لونها ابيض


طبعا اسم الدوا فيتويك وهو صناعة مصرية اما المرهم فهو مكتوب بالانجليزي الاتحاد الاوروبي بس اي دولة بالضبط ماادري وطبعا مومهم وين مصنوعين المهم ان يجيبون نتيجة

وان شاء الله يطيبون

حبيت بس اعرض عليكم هذي الخبرة البسيطة يمكن تستفيدون منها وتصححون خطأي ان كنت مخطئ بشي معين

وان شاء الله بس يطيبون لكم مني احط لكم فيديو لدجاجي اللي مافي احلى منهم


مع السلامة

[AHMAD55]

ان شاء الله بيتعافو وبيشفو

مشكور عالمعلومات بس احنا ننطر النتائج

بالتوفيق

وبارك الله فيك

[fawazzz_q8]

اشكر لك مرورك اخ احمد
بصراحة تربية الدجاج متعبة جدا جدا ومشاكلهم كثيرة جدا
الحمام ارحم بكثير

[mustaf]

مشكور والله كان عندي مثل المرض و عرضته في المنتدى قبل فترة والحمد لله لقيت الجواب عندك

[fawazzz_q8]

اخ مصطفى شاكر لك مرورك
احس ان حالتهم بدأت بالتحسن ونشاطهم صار اكبر
لكن الى الان مااقدر اقول انهم شفوا تماما من المرض

[عاشق ومعشوق]

والله صحيح التربيه متعبه لكنها متعه وهوياه في نفس الوقت واما الامراض عدد ولا حرج اي تغير جوي يتعب لو ماعملت الاحتياطات اللزمه والضروريه مع المضادات والفيتامينات

[المسكوفية]

يالله والله عينه زي عين ديكي


ديكي كذا عيونه مسكرة وراسة كنه مرجعه لورى



بس سؤالي هنا
ان دجاجك مبين انه صغير

انا ديكي كبير بالعمر معقوله يصيبه نفس المرض


وشكرا لك

على فكرة تعجبني مواضيعك وطرحك

[حبوبوه]

اخوي فواز طمنا على دياياتك إن شاء الله تعافوا

[fawazzz_q8]

مشكورة اخت مسكوفية على المدح انا ماعندي دجاج كبير عندي بس فروخ دجاج
اخ حبوبوه الظاهر ان الدجاج شريته من صاحبه مريض لان البيئة اللي انا موفرها لهم ماعليها كلام
بالنسبة للفروخ عندي فرخ صغير حيل اللي انا حاط صورته ماتشافت عينه ولا صار فيها تحسن لكن صحته زينه وياكل ويشرب ونشاطه ممتاز مومثل اول
وعندي فرخ تقريبا بضعف حجمه تشافت عينه تماما وايضا نشاطه ممتاز ولله الحمد ولكن اخاف احطه مع الدجاج السليم اعتقد يبيله بعد شوي
وعندي اليوم اصابة جديدة وتم عزلها عن الدجاج نفس الحالة العيون تدمع والنشاط يقل وان شاء الله يتشافون

[حبوبوه]

ان شاء الله يتعافون كلهم

عااد نتريا الاخبار الطيبة