اشترك في نشرتنا البريدية ليصلك كل جديد

curly wurly · 23-06-2009, 10:32 PM

الـــسلامـــ عليــــكمـــ

اخواني واخواتي

عندي قطوتي حبيبتي سنو وايت

جميلة ونظيفة واهتم فيها كثير وتجنن ما شاء الله عليها

لكن عندها مشكلة الا وهي المذكورة في العنوان

- رائحة نفسها مو حلوة -

ياترى يوجد حل؟

ولا ا أكلها لبان اكسترا وخلاص

آنـــــو · 23-06-2009, 10:40 PM

له أسباب .. نوعية الأكل لو معلبات

الألتهابات داخليه أو اللثه وتكون الجير ..

تأكدي أذا مافيها التهابات وغيري نوعية أكلها لو تعطينها نوعيه مو كويسه مثل الويسكاس ..

وممكن تفرشي أسنانها .. وفيه حلاوه يُباع شفته مره بمحل بس ماجربته

برائحه ماأدري شنو أتوقع نعناع يخلي ريحة النفس حلووه وخاص للقطط ..

ويخليها لك

curly wurly · 23-06-2009, 11:08 PM

اختــي آنــــو

شكرا لك على الرد

بس لا ما عندها التهابات والحمدلله

وأكلها عبارة عن تونة لأنها صغنونة (شهر و اسبوع ) وحليب مخفف

اضافة الى اني ساعات تجيني طربة

واكلها لحم مقطع قطع صغيرة جدا مع شوية رز وتاكله

والويسكاس ما احبه لأنه كان عندي قطوة

دايم اشتريلها ويسكاس >>> شعرها قام يطيح

س: بس اشلون افرش اسنانها وهم صغنونين اخافــ عليهــا..

آنـــــو · 23-06-2009, 11:23 PM

شوفي هو طبيعي يكون فيه ريحه خفيييييفه

لكن لو شديده يعني التهابات أو نوعية أكل سيئه ،، والالتهابات يكون لونها أحمر باللثه أو بالحلق ..

بس دام صغيره مافيها التهابات أن شاءالله ،، لأنها تبدا من عمر 5 الى 6 شهور ..

ولا يحتاج تفريش بدري عليها مثل ماقلت مشاكل اللثه تبدا من 5 شهور .. والأسنان من عمر 7 سنين

وبلاش من التونه .. لأنها تسبب أسهال وتساقط شعر وماتفيدهم مرره

واللحم ثقيل على بطنها وخاصه أنها صغيره

شهر وأسبوع ،، ياكلون دجاج مفتت صغار مع موية السلق وأضافات من خضار وبطاط وأرز ومكرونه

وسيريلاك مررره يحبونه بهالعمر .. وجبن قليل الدسم .. جبنه مع توست ..

شغلات خفيفه على بطنها ويتقبلها ..

والعفووو

curly wurly · 23-06-2009, 11:37 PM

صحيح كلامك انه التونة تجيب اسهال فعلا واللحم ثقيل

بس هي مشكلتها ماتحب الا الشيئ اللي ريحته قوية

مثل التونة جربت ااكلها دجاج ولا قربت منه

وفعلا اختي السيريلاك

نسيته كنت اعطيه لقطوتي الثانية

عالعموم مشكورة اختي على نصايحك

تسلمين آنــــو