عش البادجي

[صمتي حكايه]

السلام عليكم ورحمة الله

يسعد اوقاتكم بكل خير

عندي انثى بادجي جاهزه وضعت لها بياضه خاصه للبادجي
لكن الانثى تحاول تاكل الخشب تكسر منه بعضه تاكله وبعضه تخليه
حطيت لها سعف نخيل بأرضيه القفص تجي تاكلها او بالاصح تكسرها

قلت يمكن تبي تحك منقارها حطيت لها مجثم خشبي طول الوقت تعضه وتاكله
( لدرجه انه انكسر)
لاحظت من يومين انتفاخ صدرها وذبول عيونها
مدري فيها بيضه او من اكل الخشب
تضرب الذكر اذا قرب عند بيتها ولا تخليه يدخل
تجلس داخل بيتها فتره طويله مااسمع الا صوت منقارها يحفر بالخشب
اخاف تكسره مثل المجثم لانها متوحشه شوي.


هل هالاشياء طبيعيه
هذي اول تربيه لي واول محاوله للتفريخ
والذكر والانثى اول انتاج لهم
يعني كلنا عليميه


ودي واحترامي

[يـوســـف 2020]

حطلها عضمة الحبار ... وهل الزوج متوالف ؟ الذكر ياكل الانثى؟

[توريس]

لا عادي
الانثى إذا قربت تبيض تجلس في البياضة فترات طويلة + تقرض خشب البياضة

[عبدالعزيز العتيبي]

الزوج متوالف ؟

الذكر ينظف ريش الانثى ؟
والانثى تنظف ريش الذكر ؟

ممكن يكون دخولها للبياضة هروب من الذكر

اقترح عليك التالي :

انتظر 3- 5 ايام واتركم لحالهم بدون ما تزعجهم نهائيًا
وخلال هالفترة قدم لهم : ( الجرجير والخس + عظمة الحبار )
بعدها اذا ما لاحظت علامات تودد بينهم

اعزل الانثى لحالها بقفص آخر لمدة 5 ايام ثم ارجعها أو استبدلها بأنثى أخرى


مشاكل أول انتاج للزوج كثيرة لعدم الخبرة
حتى وان حصل بيض لهم فنسبة فشله كبيره .. والله اعلم

وياليت تعطينا صورة أمامية واضحة للزوج عشان نشوف اذا فعلا جاهزين او لا

بالتوفيق .. وفالك الانتاج الطيب

[nossa]

السلام عليكم
أخي قضم الأنثى لخشب البياضة ومكوثها المطول فيها علامة على إستعدادها لوضع البيض
أما بالنسبة لإنتفاخ صدرها وذبول عينيها أرفقنا بصور لتوضيح الحالة

[صمتي حكايه]

يعطيكم العافيه جميعاً

بالنسبه للولافه ،، الذكر يؤكل الانثى وهي تحك راسه
بس ترفض انه يحك راسها مدري ليه
اليوم اشوف جناح الذكر فيه جرح ودم

،، هي كانت موالفه ذكر ثاني بس بدلته وهم بنفس الغرفه وتسمع صوته
وشكلها عاشقته لاني طلعتهم يطيرون بالغرفه كلهم
ورجعت لذكرها الاول وتضرب منقاره وجلس يوكلها بعدين صارت حرب ذكور
ورجعت كل جوز لقفصه

" سبب تبديل الذكر لانه اصفر كامل وخليته مع انثى بيضاء

وش اسوي مع المتوحشه اخاف تضرب الذكر مره ثانيه
اذا خليتها لحالها ذكرها وين احطه مع الجوز الثاني او لحاله بعد

اعتذر ع الاطاله

[أمين بادجي]

السلام عليكم أختي اذا كان هناك دم فالأفضل فصلهما وارجاعها للذكر الأول أو تغيير غرفة الذكر الأول لأنها مادامت في نفس غرفة الذكر الأول ستبقي تحن للذكر الأول وأنا حدث لي مثل ماحدث لكي ياأختي والنتيجة أن الأنثي قتلت الذكر الذي وضعته معها شر قتلة الدم في جميع أرجاء القفص وجناحه كسرته تركته معلق الا باللحم فقمت ببيعها وخسرت ذكر رائع جدا بالتوفيق لاختيار القرار الصائب ان شاء الله

[صمتي حكايه]

ربي يوفقك

رجعتها للذكر الاول واشوف انها مبسوطه معها
وتلعب معه ويتغازلون مع اني توني رجعتهم لبعض


شكراً لكم جميعاً

ودي

[ليث8]

اخواني الكرام ماهي عضمة الحبار ؟؟ وهل متواجد منها بسوريا ؟؟

[صمتي حكايه]

هذا عظم الحبار واكيد موجود عندكم
ممكن تلقاه عند محلات مستلزمات الطيور
او اماكن بيع السمك




ودي