سؤال بسيط ...؟؟ممكن؟؟؟

[ابو فهد]

السلام عليكم

انا عندي زوج روسي قزم أقدر اسوي شي علشان يتزاوجون او اخليهم مع بعض الى ان يكتبه ربي ....؟؟؟؟

[مصدي]

هلا والله ابو فهد

انا ماعندي الخلفيه القويه

لكن انا عندي زوج روسي بعد

وانتظرهم يتزاوجوون

اصبر عليهم لين ما يبلغون سن ال3 شهور

ووفر لهم الغذاء الزين والمتوازن

وراح تشوف عيالهم ان شاء الله

ونترك الاضافه من ذوي الخبرات عشان نستفيد اكثر

[Withered Rose]

ابو فهد

فيه ناس تخليهم على طول لين ما تولد الهامستره ، بس خلك مراقبهم على طول بعد ال3 اشهر لان ممكن يتناجرون و يمكن احد يموت او ينجرح لاقدر الله ...
اول ما يتهاوشون افصلهم كل واحد بقفص بسرعه و كل 4-5 ايام حطهم مع بعض لان بين هالايام ماراح يتقبلون بعض .
و راقبهم عشان اول ما يتهاوشون تشيلهم .. بس تأكد انه المكان مو قفص احد من الهامسترين (يعني بقفص يديد او كرتون)

[ابو فهد]

مشكورين على الردود ..
انا الصراحة شاريهم مع بعض وحاطهم في ثلاث أقفاص وموصل الأقفاص ببعض بس كل واحد ينام ببيت في كل قفص بيت مدري أشيل البيوت واخلي واحد ؟؟ وهم يحبون ينامون بالمواصير ما أدري وش تسمونها بس هاذي الي يدخلون فيها على شان ينتقلون من قفص لقفص هل هاذا طبيعي والا لا ؟؟؟؟؟؟؟؟؟؟؟
ومشكورين على الردود وياليت الي عندهم خبره أكثر يدخلوون

[Withered Rose]

وناسه ثلاث اقفاص
طبيعي ينام بالمواصير الهامستر بالطبيعه بعيش بأنفاق تحت الارض تشبه المواصير (بس مو شرط كل الهامسترز تنام فيها)
ولا تشيل البيوت لان الهامستر يحب تعدد الوحدات بقفصه
يعني ممكن الهامستر ينام في بيت و يخلي بيت ثاني يخزن فيه اكل و جذيه ..
حاول ما تغير في قفصهم وايد لان مع التغيير الهامستر يصير عليه ضغط نفسي لانه يتعود على مكان واحد من صغره اذا غيرت فيه كثيرا ممكن يتعب الهامستر .

[ابو فهد]

مشكوور اخوي Withered Rose على الرد وجزاك الله الف خير أنت والإخوان الله يعافيهم

معليش ثقلت عليكم بس زوج قزم ينومون في بيوت مختلفه مافيها مشاكل ؟؟وكم عجلة احتاج واحدة تكفي ؟؟
ومشكوريييين واسف على الإطالة ..

[Withered Rose]

العفوو
مافيه مشاكل عادي اذا كل واحد بصوب ..
اذا اهما 2 لازم يكون عجلتين لان بالليل على طول الهامستر يدور فيها ممكن يتهاوشون عليها وقت ما يسوون التمارين .