سؤال عن الامزون

[تغاريد كناري]

سلام عليكم كيف حالكم عساكم بخير


كتبت موضوع طويل لاكن قالي سجل الدخول و راح علي

ااحس اني اشغلتكم و اشغلت نفسي لسه مافتحت شي للفاينل حق الجامعه

منو يعرف لي اسعار الامزون في السوق بكم
اعجبني البوفرنتد و اليلونواب
بس البلوفرنتد ارخص من الاخر

ليه ابي اعرف سعر السوق
لأن اسعار الكاسكو في سوق الدمام الفرخ عمر حول 8 اشهر من 1800-2000
و المنتدى من 2400 -3000
علما ان اخوي حصل واحد كبير متكلم حول 2600
بنائا على هذا حبيت اعرف من اللي عنده خبره باسعار الامزوني بالسوق
للأسف اخوي ماسئل عن الامزوني بس الكاسكو

بتقولي المنتدى اضمن اتفق معك
لاكن ممكن تصل بالسوق شي مرتب
صحيح نادر تلاقي شي مرتب
لاكني مستحيل اشتري من شريطي اللي منزل 600 قفص بالسوق و الحلف عنده مثل شرب الماي
مادانيهم ولا اقرب منهم الا اذا كنت مضطر جداً
احب اشتري من هاوي او مربي
اقصد سوق الجمعه الدمام ^^^^

ووو بس اشكركم مقدماًً

[aliodmak]

يختلف كل طير عن الاخر بالمواصفات حتى لو كانو فروخ يعني البلوفتند من 3500 الى 4500 حسب اذا كان معه شهاده والحجم والولافة

[تغاريد كناري]

المشاركة الأصلية كتبت بواسطة aliodmak

يختلف كل طير عن الاخر بالمواصفات حتى لو كانو فروخ يعني البلوفتند من 3500 الى 4500 حسب اذا كان معه شهاده والحجم والولافة

ياخي العجيب اني حصلت واحد معروض بسعر يبدا من 2600 و هذا اللي خلاني افكر فيه بجديه
ما اعرف هل طييره في مشكله
اللي عنده بلوفرنتد

[أحلى حلم]

عليكم السلام ورحمة الله وبركاته,, ياحبيبي تغاريد شد حيلك للفاينل عشان تجيب معدل عالي لان شهادتك هي مستقبلك واترك الطيور هالفتره اول ماتخلص اختبارات شوف لك ببغاء بلو فرنتد والا كاسكو على كيف كيفك ومزاجك تقضي وياه احلى اجازه بس اللحين الوقت مو مناسب بالنسبه لك حتى لو اشتريته انت عندك اختبارات ماراح تفضا له وبتشغل نفسك وبتتشتت بين المذاكره وبين الطير, وبالنسبه للاسعار مثلما تفضل الاخ ماقصر عطاك الاسعار للبلو فرنتد واما اليلو ناب الفرخ اللي مايتكلم سعره من 10 الاف الى 11000 تقريبا ويرتفع السعر الى 12000 اذا فرخ وعنده ثلاث اربع كلمات وكل مازادت الجمل والكلمات وعمر الطير صغير وحجم واليف كل مازاد السعر,, عموما اتمنى تتقبل نصيحتي بصدر رحب وتطوي صفحة البحث عن الببغاء الان وتأجلها الى بعد الاختبارات.

[aliodmak]

كنكم حاسين انا عندي بعد نص ساعة القواعد والمنظومة النحوية ... والله ان بطني يوجعني خوف من ذا الماده
الله يعين بس

[تغاريد كناري]

المشاركة الأصلية كتبت بواسطة أحلى حلم

عليكم السلام ورحمة الله وبركاته,, ياحبيبي تغاريد شد حيلك للفاينل عشان تجيب معدل عالي لان شهادتك هي مستقبلك واترك الطيور هالفتره اول ماتخلص اختبارات شوف لك ببغاء بلو فرنتد والا كاسكو على كيف كيفك ومزاجك تقضي وياه احلى اجازه بس اللحين الوقت مو مناسب بالنسبه لك حتى لو اشتريته انت عندك اختبارات ماراح تفضا له وبتشغل نفسك وبتتشتت بين المذاكره وبين الطير, وبالنسبه للاسعار مثلما تفضل الاخ ماقصر عطاك الاسعار للبلو فرنتد واما اليلو ناب الفرخ اللي مايتكلم سعره من 10 الاف الى 11000 تقريبا ويرتفع السعر الى 12000 اذا فرخ وعنده ثلاث اربع كلمات وكل مازادت الجمل والكلمات وعمر الطير صغير وحجم واليف كل مازاد السعر,, عموما اتمنى تتقبل نصيحتي بصدر رحب وتطوي صفحة البحث عن الببغاء الان وتأجلها الى بعد الاختبارات.

ولو ماقلت شي و كلامك عين الصواب
بس ليه الفرق بالسعر بينهم مع اني لاحظت كثير يقولو نفس مستوى الذكاء تقريبا
عموما اشكركم جميعاً

[تغاريد كناري]

ايوه أكمل انا بالقوه نفسي في الامزون و تقريبا شلت الكاسكو من راسي
ايش رايكم في الاورنج وينج
لأن ميزانيتي ماتسمح لي اتوقع اخذ يلوناب اكيد
و ممكن و بالصعوبه اخذ البلوفرنتد
و الاورنج وينج ماعجبني بس دوبي شفت فيديو باليوتيوب و استانست عليه ماشاء الله
ايش الفرق بينهم هل في اختلاف في الكلام و هل هو افضل من الكاسكو

[aliodmak]

حبيبي الاورنح ونج حسب معلوماتي هوه مزاجي شوية وكلامة قليل واتوقع هوه درجة خامسة في الاموزنيات
شوري تدبر قيمة يلوناب وتحاول تجيبه من قطر والا الكويت بسعر اقل مع ان الفرق بسيط يمكن الف او الف وخمس ميه الي بتوفرها من جيبته من برى .. لكن الكلام كله انه طير تبي تستمتع فيه فترة طويلة .. اذا ما تقدرعلى اليلوناب .. لا تبعد عن البلوفتند جاكو .. تقدر تجيبه من الرياض ب 3200 الى 3500 فرخ بيتعبك في الترويض بس طير على يدك .. او تجيبه من برى انا شايف في سوق واقف فروخ في البحرين على 2700 ريال الى 3200 ريال اكثر من 30 طير . تتعب وانت تنقي .

[تغاريد كناري]

المشاركة الأصلية كتبت بواسطة aliodmak

حبيبي الاورنح ونج حسب معلوماتي هوه مزاجي شوية وكلامة قليل واتوقع هوه درجة خامسة في الاموزنيات
شوري تدبر قيمة يلوناب وتحاول تجيبه من قطر والا الكويت بسعر اقل مع ان الفرق بسيط يمكن الف او الف وخمس ميه الي بتوفرها من جيبته من برى .. لكن الكلام كله انه طير تبي تستمتع فيه فترة طويلة .. اذا ما تقدرعلى اليلوناب .. لا تبعد عن البلوفتند جاكو .. تقدر تجيبه من الرياض ب 3200 الى 3500 فرخ بيتعبك في الترويض بس طير على يدك .. او تجيبه من برى انا شايف في سوق واقف فروخ في البحرين على 2700 ريال الى 3200 ريال اكثر من 30 طير . تتعب وانت تنقي .

الله يعطيك العافيه و انا حاليا خلاص اقتنعت بالبلوفرنتد
بس لاحظت في ناس تقول ارجنتيني و جاكو ماعرفت ايش الفرق بينهم
اما نسبه أني اشتري من البحرين صعبه جداً علي خصوصا مع الجممارك ممنوع الاستيراد ولا انا عارف انه ارخص

[تغاريد كناري]

وو بعدين ايش فيه المنتدى ماهو شغال يوم كامل تقريبا او اكثر ...؟!!!!!