اشترك في نشرتنا البريدية ليصلك كل جديد

k16mh · 22-05-2010, 08:52 AM

بسم الله الرحمن الرحيم
السلام عليكم ورحمة الله وبركاته نظرا لكثرة طلب الألعاب للأرانب حبيت أكتبلكم هذي الألعاب :
1_ لعبة قطعة القماش وهي إنك تجيب قطعة قماش نص منر في نص متر يكون حرير أو أي نوع و ترميه على الأرنب
بعدين هو يشيلها عن وجهه يعني زي ما نلعب مع الأطفال وعيدها كل شوية وأرميها وراح تشوف كيف حينبسط.

2_تجيب كرتون مربع و تفتح فيه فتحة من كل الجهات الأربعة وطبعا هذي الفتحة ماتكون كبيرة يعني خليها على القد يادوب يدخل فيها الأرنب بعدين حط الكرتون على الأرنب وخليه يحاول يخرج مع الفتحات تراها لعبة ممتعة للأرنب والمربي .

3_ تجيب ورق عادي وتكرمش الورق تخليه زي الكور أو الدوائر وتروح تجلس بعيد شوية وترميها على الأرنب بس برفق يعني ما تئذيه أو تخولفه وإنت ترمي.

4_ تجيب المركبات حقت الأطفال وتسوي للأرنب بها متاهة أو أبراج يتسلقها أو تسويها زي الدرج أو تخليها مفككة عادي هو يجلس يلعب فيها لوحده.

5_ إذا اشتريت أرنب لوحده يعني ما معاه أرنب ثاني أشتري له دمية ناعمة بفرو مثلا دبدوب أو أرنب صراحة أنا اشتريت ارنب وبعدين حطه في القفص مع الارنب شوف كيف حيحسبه أرنب ثاني وكيف يسحبه معاه من مكان لمكان.

6_ ممكن كمان تشتري كورة بصوت جرس زي حقت الاطفال وتدفها على الأرنب وتلعبه بيها.

7_ علق في قفص الأرنب حبال وفي أخر الحبل علق أي شيء بصوت زي سرير الاطفال لما يعلقو فيه سمكة ونجمة وأشياء زي كذا بصوت عشين يمسكها الطفل ، فحتلاقي الأرنب يلعب فيها.

8_ من الأشياء اللي يحبها الأرنب المساج وهذا رابط في اليوتيوب لطريقة المساج بس طبعا تسوه بيدكم مو برجلكم زي في المقطع عشين ممكن يتآذى... http://www.youtube.com/watch?v=d9x_1...eature=related

9_ ممكن تجيب لعبة متحركة عبارة عن أرنب يمشي بعدين ينقز وحطه للأرنب شوف كيف حيحاول يكتشفه ويحبه وهذا رابط http://www.youtube.com/watch?v=Os43MEoBorE&feature=fvw

10_ ممكن تجيب أشرطة الفديو وتسوي متاهة للأرنب بس ممكن يطيحها لكن خليه هو ينبسط لما يطيحها .

11_ ممكن إذا كان أرنبك يئلفك تحطه على يدك زي الأطفال يعني يسير ظهره على يدك وبطنه عليك وعني تقلبه وتبدأ تأكله راح تجد متعة عظيمة إذا استجاب لك .

12_ طبعا مح تقدرو تلعبوا بعض الألعاب مع الأرنب إلين ماتعودو على مكان لقضاء الحاجة عشين ما يعدم البيت أو تسوو زيي وتشترو مشمع وهذا شيء زي النايلون شفاف تشترو من مكان البلاستيكيات وتفرشوه على الأرض وقت ما تبغو تخرجو الأرنب من القفص.

أتمنى إنو الموضوع عجبكم ويمكن هذي الألعاب مو كلها أفكاري لكن أغلبها من أفكاري وبعدي كذا جمعتها في موضوع حتى يفيدكم ويفيد الجميع.

ويلا ياحلوين وروني الردود الحلوة.

وشكرا أخوكم k16mh

~~*waleed*~~ · 22-05-2010, 10:18 AM

يسلمو على الموضوع

k16mh · 22-05-2010, 10:22 AM

الله يسلمك ومشكور على المرور

ريكووو · 22-05-2010, 11:37 AM

الله يعطيك ااالف عافية

k16mh · 22-05-2010, 11:47 AM

الله يعافيك وتسلم على المرور

the master2010 · 22-05-2010, 01:11 PM

الف الف الف شكر اخي والله اني عجبتني العااب كثييييره

وواتمنى من قلبي أن يضاف لـ مصنع المستلزمات لانه كله عن الهامسترات

يعني خلو مصنع المستلزمات للارانب كمان ليش فوق راسهم ريشه الهامسترات